Shridevishataka (Śrīdevīśataka)

श्रीदेवीशतक

Language: Sanskrit
Extent: 137 passages, 1,150 words
Text: partly digitised
Source: archiveorg · KavyamalaAnthologyVol.09-DevisatakamOfAnandavardhanaEtc1897; ed. Śivadatta Śarmā, Vāsudeva Śarmā; Kāvyamālā;… · Scan of a printed edition hosted by the Internet Archive (archive.org); the ancient text is in the public…

1 — 105 parts
2 — 1 part

Text

1.1

anantamahimavyāptaviśvāṃ vedhā na veda yām
yā ca māteva bhajate praṇate mānave dayām

1.2

natāpanītakleśāyāḥ surārijanatāpanī
na tāpanī tanuryasyāstulyā nādīnatāpanī

1.3

vakrapadmā vidherbhānti yayā sargalayo dayā
yā sākṣādyā ca janitasthitisargalayodayā

1.4

yāśritā pāvanatayā yātanācchidanīcayā
yācanīyā dhiyā māyāyāmāyāsaṃ stutāśriyā

1.5

tamāṃsi dhvaṃsamāyānti yasyāḥ stutyādareṇa vaḥ
tasyāḥ siddhayai dhiyāṃ mātuḥ kalpantāṃ pādareṇavaḥ

1.6

ṛṣīṇāṃ sādayāmāsa yā tamāsi trayīmayī
pāyādvaḥ sā dayāmādhicchidaṃ jagati bibhratī

1.7

smaradviṣā yā yayāce yayā ceyaṃ vidheḥ kriyā
yā cācyuto'pi tuṣṭāva tuṣṭā vaḥ sāstu pārvatī

1.8

yā damāvanayāgena khārādhā nayasārayā
harikaitavahāsyāya sāyāmā vijitā yayā

1.9

pratilomānulomata evāyaṃ dvitīya. śloka -
yāyatā jivimāthā sā yasyā hā bata kairiha
yā rasāyanadhārā khā na geyānavamā dayā

1.10

sā buddhiruttamālokaḥ satāmāryā punātu vaḥ
yadbhakteruttamā lokaḥ prāpnotyeṣa viśuddhatām

1.11

ayuddha sādhutrāṇāya sāmarā yā sahāriṇā
khaṅgena dīprā devānāṃ sāmarāyāsahāriṇā

1.12

caraṇāghātanihatakāsarā ca raṇājire
rarāja yā nayajayairarājasajanānatā

1.13

sāvatāvdo'mbikābhyarcyanāmā ne na yaśo'bhitaḥ
tanoti praṇato yasyā nā mārnenayaśobhitaḥ

1.14

saṃyataṃ yācamānena yasyāḥ prāpi dviṣā vadhaḥ
saṃyataṃ yā ca mānena yunakti praṇataṃ janam

1.15

yā damānavamānandapadamānanamānadā
dānamānamākṣamānityadhanamānavamānitā

1.16

sā rakṣatādapārā te rasakṛdgauravādhikā
sārakṣatādapārāterasakṛdgauravādhikā

1.17

anuttamoharāśayo bhavanti yāmanāśritāḥ
anuttamo harāśayo yayā ciraṃ ca rañjitaḥ

1.18

anantarāgatāpāyāstārayitrī bhavāpadaḥ
anantarāgatāpāyāḥ sā vo gaurī dviyātkriyāḥ

1.19

yāmāyāmajidāsaktaśokajaulasya pātinī
yā mātā sarvadā bhaktalokajālasya pālanī

1.20

sāmarāgamanāyāsaṃ tyaktvā sārdhaṃ surāribhiḥ
sāmarā gamanāyāsannudyatā yudhi yadraṇāḥ

1.21

sāmodayājayā śātaiḥ śastraiḥ śatrau hate yayā
sāmodayā jayāśā tairgīrvāṇairgarvato jahe

1.22

yayāyāyāyyayā yūyaṃ 6yo yo'yaṃ yeyayaiya yām
yayuyāyiyayeyāya ryaṃye'yāyāya yāyayuk

1.23

sāvyādvaurī sadā yuṣmānsadāyuṣmānsamṛddhyati
śaraṇaṃ yāṃ narogacchanna rogacchandameti ca

1.22-2

[yayā āyāya ayi ayā yūyaṃ ya ya 'yaṃ yeyayā eya yām
yayuyāyiyayā iyāya yaye ayāyāya yā āyayuk

1.24

iti padāni |]
kṛtāspadā yayā saṃpadaghāni suravairiripu
hanti yā vāṅmayī dūrādaghāni suravairiripuḥ

1.25

jitānayā yā natājitārasātatasāratā
na sāvanā nāvasānayātanā'rigniā tayā

1.26

manobhavārātimanobhirābhayā jarāmayāpākaraṇaikadakṣayā
madakṣayānnirmalatāṃ dadānayā sadā nayāsthā kriyatāṃ tavāryayā

1.27

samāyayāvindrahitāya yā raṇe samāyayā yā na jitārisenayā
sa mā yayāce haramāśritaḥ sphuṭaṃ samā yathā mugdhatayā manojñatāḥ

sā bhāvakṣālavaryā nutavibhavatanuryā valakṣāvabhāsā
jānānasyāśayaprā navalalinavanaprāyaśasyānanojā
sātaṃ varmānanasthā rahasi rasiharasthānanarmāvataṃsā
pāyādaktā raṇatrā matanamanatamatrāṇaraktā dayāpā

1.28.p1

pratipādaṃ pratilomānulomaḥ) (saṃdānitakam

1.29

upāsate kṛṣṭikṛtodayā yāṃ janā sadārādhanamīhamānāḥ
śaṃbhoḥ prasiddhā tanutāṃ vahantī gaurī hitaṃ sā bhavatāṃ vidheyāt

1.30

yāṃ sadya eva tridaśaiḥ pumāṃsaḥ samā namasyanti sadānabhogāḥ
aghāni yasyāḥ praṇatā vipakṣaiḥ samānamasyanti sadā nabhogāḥ

1.31

yasyāḥ prabhāvo dyusadāṃ vipakṣasenā vadhānandayitāharasya
manombujasyāvahatu śriyai vaḥ senāvadhānaṃ dayitā harasya

1.32

surā jitā bhāvitadevarājadvipakṣamā yāta raṇādabhītam
svāpaṃ na vo dhāma hitaṃ na nāma sadaivasenā bhavatohitānām

1.33

surājitā bhāvitadevarājadvipakṣamāyā taraṇādabhītam
svāpannavodhāmahitaṃ nanāma sadaiva senā bhavato hitānām

1.33.p1

mahāyamakam

1.34

surāniti dveṣijanairabhidrutānudāharadyā svayamāhavodyatā
śivo'dya tāpapraśamastayā tava praśastayā tattvadṛśā vidhīyatām

1.34.p1

viśeṣakamidam

1.35

vaktraṃ bibhratyupahitacandrāyāsaṃ yā samohapraśamanasūryākārā
kārānītāmaramarimācikṣepa kṣepatyaktā raṇabhuvi sā vaḥ pāyāt

1.35.p1

kāñcīyamakam

1.36

hitehite'stu te stute jitājitāmitāmitā
jayājayā jano'jano yayā yayāvalaṃ balam

1.36.p1

āvalirnāma yamakamidam

1.37

saktiṃ vaḥ sukṛtārjane vidadhatī satrā yatāṃ trāyatāṃ
durgā durgṛhadūṣitoddhatadhiyāmāyāṃsadā yā sadā
sādhūtsāhavidhānasaktamanasāṃ mukhyā tatāṃ khyātatāṃ
saṃsmṛtyaiva........[matsarabharasphītāpadāṃ tāpadām]

1.38

yā mūrti kimapi smarārivapuṣā dhatte samāyojitāṃ
yā dṛṣṭraiva vināśamāpa rāhasā śumbhaḥ samāyojitām
yā namraiḥ surasiddhakiṃnaranaraiḥ khedaṃ vinā śasyate
sā heturbhavatāṃ trilocanavadhūraśrīvināśasya te

1.39

sāyāsāyāstrilokyāḥ śaraṇamakaruṇakṣuṇṇadaityapravīrā
svairaṃ svairaṃśasargairgahanatamamahāmohahārdaṃ harantī
śasyāśasyādadhānā sakalamabhihitaṃ bhaktibhājaḥ smṛtaiva
stādastādabhradoṣā dviṣadupaśamanī sarvataḥ pārvatī vaḥ

1.40

surasuracitacittanavanavabhavabhavanānādarādarāyeye
layalayacaraṇau caraṇau na na māmi natena namāmi na te

1.40.p1

nirantarāvaḷiyamakam

1.41

yā vismayaṃ smarabhidā cakre'ṅkāropitā navaṃ nārīṇām
vidadhe yaccāpasya na ca jhaṃkāro'pi tānavaṃ nārīṇām

1.42

yā hantāṃ ca prayātā vihāyasā kaṃsamāha tārātibalena
kṛṣṇastava paramāyā vihāya sākaṃ samāhtārātibalena

1.43

tāṃ namata yā ca samareṣvanekaśo bhāti bhadrakālī natayā
khyāti yayā janatojjvalavivekaśobhātimadrakālī natayā

1.43.p1

kalāpakam

1.44

tāṃ smarata yā smṛtaiva hi mānavatāmarasamānatā rati valāt
yatpraṇataṃ śrīḥ śrayate mānavatāmarasamānatārāti balāt

1.45

anavarāgasamudbhavadehatāmupagatā dadṛśe giriśena yā
anavarāgasamudbhavadeha tāmavanato'smi jagatpriyatāṃ satīm

1.46

mene nūnamanena mānanasumānānnā nu menonmanā
nunnenonanamane nimānamamunā no nāma nānānume
maunenāmamamānanimnamananānnānāminānūnime
munminnānanamā namī munimanomānānanonrāmini

1.46.p1

dvayakṣaraḥ

1.47

tāṃ vande'haṃ navaṃ dehaṃ jñānarūpaṃ vidhāya yā
sudhīrasyati dhīrasya mahāmohamayīṃ tvacam

1.48

yā nutvā yānti hṛdyārthasajjāyāṃ giri śasyatām
naumyahaṃ bhaktimāsthāya sajjāyāṃ giriśasya tām

1.49

yadānanato'yadānato na yātyayaṃ nayātyayam
śive hitāṃ śivehitāṃ smarāmitāṃ smarāmi tām

1.50

sara svatiprasādaṃ me sthitiṃ cittasarasvati
saramvati kuru kṣetrakurukṣetratrasarasvati

1.51

tvadbhaktibhāvitadhiyo jagatāmatra ye traye
janmavattāmahaṃ manye teṣāmevānṛṇāṃ nṛṇām

1.51.p1

virodhābhāsaḥ

1.52

jagataḥ sātirekā tvaṃ gatirasya sthirādhikā
tarasyatrāsatārā'reḥ sāsyatrāsarasasthiti

1.52.p1

ardhabhramo'yam

1.53

tvannāmasmaraṇādeva na lakṣmīścapalāyate
sarvataḥ pārvati kṣipramalakṣmīśca palāyate

1.54

jayanti bhaktā vitteśasamarāyastavāhave
tubhyaṃ namastrilokyārthasamarāyastabāhave

1.55

sattvaṃ samyaktvamunmīlya hṛdi bhāsi virājase
dviṣāmarīṇāṃ tvaṃ senāṃ vāhinīmudakampayaḥ

1.55.p1

punaruktavadābhāsaḥ

1.56

dūrāgatarasā dhanyaḥ sevate yastava stutīḥ
dūrāgata rasādhanyaḥ kalpante tasya siddhayaḥ

1.57

mohaṃ hatvāspadaṃ yāsi sāttvamamba ravāsinā
yā na saṃstūyase kena sā tvambaravāsinā

1.58

prakāśya gṛhyapuṃsasyakhedācchedānbudāvalī
prajñātmanenavimalā sthitā dṛśyasi vidvatām

1.59

bhavāni ye nirantaraṃ tava praṇāmalālasāḥ
manastamomalālasā bhavanti naiva tu kvacit

1.60

vibhāvanākulā tvayi krameṇa devi bhāvanā
vapuṣyatisthiretare nitāntameva puṣyati

1.61

maho'dayānāmavadhī raṇena mahodayānāmavadhīraṇena
mahodayānāmava dhīraṇenamahodayānāmavadhīraṇena

1.61.p1

pādābhyāsayamakam

1.62

na majjanena tīrthānāṃ tadiha prāpyate śubham
namajjanena tīrthānāṃ sevayā yattavāmbike

1.63

prayāti mohe niḥsārabhāratīvratametyayam
tvatprasādājjanaḥ sārabhāratīvratametyayam

1.64

śāstraprabhāvahasitāḥ satāṃ yā nirmalā giraḥ
śāstraprabhāvahasitāstvamamba timiracchidaḥ

1.65

śamīha te samānato vibhāvito'trasanna yaḥ
vibhāvito'tra sannayaḥ śamīhate sa mānataḥ

1.66

mātaraṃ tvā padaṃ sadya āśritāste kathaṃ janāḥ
mā tarantvāpadaṃ sadya ādyaṃ śreyaḥ samāśritāḥ

1.67

bhāti tvattanuraṃśleṣe satyamba vapuranuttaram
saṃsārābdhau sadāhuste satyaṃ vapuranuttaram

1.68

yaccha me nityasasaṅgi yacchame tadidaṃ manaḥ
khacchalo bhaktiyogaste svacchalo kaviivekasūḥ

1.69

ke valante vitanvantastvattastvatpraṇatā bhave
kevalaṃ te vitanvanta āsate vimatlāṃ dhiyam

1.70

devi nirdagdhakāmasya tvaṃ nirāvaraṇātmanaḥ
darasya śubhasaṃtānaṃ tenāsau bhrājate tathā

1.71

dvipaddhiyā sapadi vimucyate yatastavānato janani jayāśayā na kaḥ
stavānato jananijayā śayānakaḥ karoti te yudhi madhusūdanakhasaḥ

1.72

jyāyonaṣṭhārivaryādhiniyamanavarasvairadattāyatājñā
svārādhatvāsamadhyā niyamanajanani jñeyasustrāvabhāsā
nānāpuṇyāgamasthā jananamanamayajñānanandyā varā dhīryātā navyā vibhutvaṃ nutasaralamanastāmasasyāvahāsye

1.73

syehāva syā samastānamalarasattanu tvaṃ bhuvi vyānatāryā
dhīrā vandyā na na jñā yamanamananajasthāmagaṇyā punānā
sā bhāvasthā suyajñe'ninajanajayani dhyāmamattvādharākhā
jñātāyattādarasvairavanamayanidhiyaryā variṣṭhāniyojyā

1.73.p1

anena saha saṃdānitakam

1.74

alolaka male cittalalāmakamalālaye
pāhi caṇḍi mahāmohabhaṅgabhīmabalāmale

1.74.p1

bhāṣāṣaṭkasamāveśaḥ

1.75

durgāpi mātaḥ sulabhāsi bhaktyā bhavānukūlāpi bhavaṃ kṣiṇoṣi
adhyeyatāṃ yāsi sadaiva devi dhyeyāsi citraṃ caritaṃ tavaitat

1.76

mahadesurasaṃdhamme tamavasamāsaṅgamāgamāharaṇe
harabahusaraṇaṃ ta cittamohamavasara ume sahasā

1.77

vandyā prabhātasaṃdhyeva sūryālokapravartinī
nivartayasi devi tvaṃ mahāmohamayī niśām

1.78

saṃvādisārasaṃpattī sadāgorijayesude
tavasattīrade santu saṃsāre susamānade

1.78.p1

saṃskṛtasūrasenabhāṣāśleṣaḥ

1.79

āgamamaṇisudamahimasamasaṃmadakṛdaparajassu
kira savibhayavadito samaya ujjvalabhāvasahassu

1.80

saṃskṛtā pabhraṃśa śleṣaḥ
atha cakramtvaṃ vāde śāstrasaṅginvyāṃ bhāsi vāci divaukasaḥ
tavādeśāstrasaṃskārājjayanti varade dviṣaḥ

1.81

sadāvyājavaśidhyātāḥ sadāttajapaśikṣitāḥ
dadāsryajasaṃ śivatāḥ sūdāttājadiśi sthitāḥ

1.82

hareḥ svasāraṃ devi tvā janatāśritya tattvataḥ
vetti svasāraṃ davitvā yogena kṣapitāśubhā

1.83

sadāpnoti yatirjyotistādṛśaṃ tvatprabhāvataḥ
prabhāvataḥ samo yena kalpate mohunuttitaḥ

1.84

tvaṃ saṅgatiḥ sitāpārā parā vidyotsitīrṣataḥ
saṃsārādatra cāmba tvaṃ sattvaṃ pāsi vipattitaḥ

1.84.p1

ayaṃ gūḍhacaturthaḥ

1.85

paramā yā tapovṛttirāyāryāstāṃ smṛtiṃ janāḥ
paramāyāt poṣāya dhiyāṃ śaraṇamāhatāḥ

1.86

pravādimatabhedeṣu dṛśayaste mahimāśrayaḥ
bhānti tvatriśikhasyeva śikhānāmasamāśrayaḥ

1.87

yacceṣṭayā tave sphītamudāravasu dhāmataḥ
yacceto yātyavahitamudā ravasudhāmataḥ

1.87.p1

gomūtrikābandhaḥ | saṃdaṣṭayamakam

1.88

suradeśasya te kīrti maṇḍanatvaṃ nayanti yaiḥ
varade śasyate dhīrairbhavatī bhuvi devatā

1.88.p1

ardhagomūtrikābandhayamakam

1.89

tattvaṃ vītāvatatanutattattvaṃ tatavatī tataḥ
vittaṃ vittava vittatvaṃ vītāvītavatāṃ bata

1.90

(dvyakṣaraḥ)
tāre śaraṇamudyantī sureśaraṇamudyamaiḥ
tvaṃ doṣāpāsinodagrakhadoṣā pāsi nodane

1.90.p1

pādagomūtrikābandhadvayena tūṇabandhaḥ

1.91

sumātarakṣayāloka rakṣayāttamahāmanāḥ
tvaṃ dhairyajananī pāsi jananītiguṇasthitīḥ

1.92

khyātikalpanadakṣaikā tvaṃ sāmarthyajuṣāmitaḥ
sadā sarakṣasāṃmukhyadānavānāmasukasthitiḥ

1.92.p1

rephavivartitako'yam

1.93

sitā sasatsu sattāste stuteste satataṃ sataḥ
tatāstitaiti tasteti sūtiḥ sūtistato'si sā

1.94

(dvyakṣara.)
tvadājñayā jagatsarvaṃ bhāsitaṃ malanudyataḥ
sadā tvayā sagandharvaṃ samiddhamaribordercitaḥ

1.94.p1

gomūtrikābandho'yam

1.95

yato yāti tato'tyeti yayā tāṃ tāyatāṃ yataiḥ
mātāmitottamatmā tamotītāṃ matiṃ mama

1.95.p1

ślokārdha dvyakṣaram

1.96

mahattā tvaṃ śritā dāsajanaṃ mohacchidā vasa
yacchuddhatvaṃ gataḥ pāpamanyasya prasamaṃ jaya

1.97

tvaṃ sājñāsu jaganmātaḥ spaṣṭaṃ jñātā suvartmasu
prajñā mukhyā samudbhāsi tatpṛthutvaṃ pradarśaya

1.98

ājñāsu jaganmātaḥ spaṣṭaṃ jñātā suvartmasu prajñā
bhāsi tvaṃ sā mukhyā samutpṛthutvaṃ pradarśaya tat

1.99

hṛndhyo ruṣaḥ kṣamā etā sadakṣobhāstamunnataḥ
satehitaḥ sevate tāḥ satataṃ yaḥ sa te hitaḥ

1.100

karoṣi tāstvamutkhātamohasthāne sthirā matīḥ
padaṃ yatiḥ sutapasā labhate'taḥ saśuklima

1.101

devyā svapnodgamādiṣṭadevīśatakasaṃjñayā
deśitānupamāmādhādato noṇasuto nutim

1.102

hārdadhvāntaniyantṛbhāsvaravapuḥ svarvāsināṃ sarvato
durvārāriparikṣayaṃ vidadhatī dhyāteva nirvāṇasūḥ
dehārdhe nihitā bhavena bhuvanatrāṇaikatānātmanā
devi tvaṃ tvamivāparā jagati kā satkesarīndrasthitiḥ

1.102.p1

prahelikeyam

1.103

kleśonmāthakarī satāṃ bhavaharānandaikaheto gururmātā tvaṃ jagatāṃ bhavanti vidhavāḥ sarve tavānugrahāt
durge na kvacideva sīdati janastvadbhaktipūtāśayaḥ
stutyā bharturabhinnayeti vibudhaistvaṃ stūyase śrīriva

1.103.p1

caturarthaḥ

1.104

yenānandakathāyāṃ tridaśānande ca lālitā vāṇī
tena suduṣkarametatstotraṃ devyāḥ kṛtaṃ bhaktyā

2.1

vallabhadevajanitaścandrādityādavāpya janmemām
kayyaṭanāmāracayadvivṛtiṃ devīśatastotre
evaṃ vāgīśvaryā svarūpamākhyāya yanmayāvāptam
puṇyaṃ tena jagatsyātpratijanmāvāptaparabodham
vasumunigaganodadhi(4078)samakāle yāte kalestathā loke
dvāpañcāśe varṣe raciteyaṃ bhīmaguptanṛpe
karmasthānoditā sāhimakaraśaśabhṛdvahnicakrāntarasthakṣetrajñodbodhanāya pralayakavikarābhrāmatejovirāmā
nityaṃ mandālighoṣā rucatatapathaśālāpinī mayyavāhā
bālāprātsūkṣmarūpā tribhuvanajananī pātu vāgīśvarī vaḥ
ekāyanasyācyutatulyamūrterācāryanārāyaṇagartanāmnaḥ
śiṣyeṇa dṛṣṭveyamanantaśāstravettuḥ saṅkṣepeṇa ca kayyaṭena
kāśmīrikaśrīmadavatārakavipraṇītaṃ
īśvaraśatakam
saṭīkam
sa vaḥ pāyādyena ninye vāsukirnijahāratām
tapopāyāttanuṃ kopādyaḥ smarasya jahāra tām

Commentaries (1)

Śrīdevīśatakaṭīkā — Sanskrit

Contains

Devīśataka

Shridevishataka (Śrīdevīśataka)

Contents

Text

Commentaries (1)

Contains

See also: more in Hymns to the Goddess