[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Hymns to the Goddess](https://indike.org/pramana/in.sampradaya.general.devistotra) › [Goddesses of sacred shrines and regional cults](https://indike.org/pramana/in.sampradaya.general.devistotra.ksetra) › [Other South Indian Shrine Goddesses](https://indike.org/pramana/in.sampradaya.general.devistotra.ksetra.dravidaksetra) › Shripadasaptati # Shripadasaptati (Śrīpādasaptati) श्रीपादसप्तति on the goddess at Muktisthala - **Language:** Sanskrit - **Date:** 1560–1646 CE - **Author:** [Nārāyaṇa (Mahiṣamaṅgalam)](https://indike.org/pramana/person/narayana-kerala) - **Extent:** 30 passages, 1,614 words - **Text:** partly digitised - **Source:** archiveorg · Shripada Saptatih Stotra Kavya Shripadaparaga CR Swaminathan By Narayana Bhattapada Sanskrit Stotra Kavya… · Scan of a printed edition hosted by the Internet Archive (archive.org); the ancient text is in the public… ## Contents - [1](https://indike.org/pramana/in.sampradaya.general.devistotra.ksetra.dravidaksetra.sripadasaptati.1) — 3 parts - [2](https://indike.org/pramana/in.sampradaya.general.devistotra.ksetra.dravidaksetra.sripadasaptati.2) — 17 parts ## Text ### [1.2](https://indike.org/pramana/in.sampradaya.general.devistotra.ksetra.dravidaksetra.sripadasaptati.1.2) dakṣādhaḥkarapallave lasadasiṃ dakṣordhvage śūlinīṃ vāmordhve phalakojjvalāṃ kaṭitaṭanyastānyahastāmbujām śūlāgrāhatakāsarāsuraśironiṣṭhāṃ prahṛṣṭāṃ surairjuṣṭāmiṣṭavarapradāṃ bhagavatīṃ muktisthalasthāṃ bhaje yatsaṃvāhanalobhinaśśaśikalācūḍasya hastāmbujasparśenāpi ca lohitāyati muhustvatpādapaṅkeruham tenaivoddhatakāsarāsuraśiraḥśṛṅgāgrasañcūrṇanaprācaṇḍyaṃ tadanuṣṭhitaṃ kila kathaṃ muktisthalasthe śive ### [1.10](https://indike.org/pramana/in.sampradaya.general.devistotra.ksetra.dravidaksetra.sripadasaptati.1.10) tvatpādaṃ nijamastake ghaṭayituṃ ke ke nu loke janāḥ kiṃ kiṃ nāracayanti duścaratapaścaryāsaparyādikam manye dhanyatamaṃ tu devi mahiṣaṃ vairasthayaiva tvayā yanmūrdhina svayameva pātakaharaṃ pādāmbujaṃ pātitam tvatpādāmbujamarpitaṃ kva nu śive kiṃ nu trayīmastake nityaṃ tattvavicāradattamanasāṃ cittāmbujāgreṣu vā kiṃ vā tvatpraṇayaprakopavinamanmārārimaulisthale kiṃ protkhaṇḍitaghorasairibhamahādaityendramūrdhāntare tvatpādāñcalarūpakalpalatikābālapravāladvayaṃ ye tāvatkalayanti jātu śirasā namreṇa kamrojjvalam teṣāmeva hi devi nandanavanakroḍāsu labhyaṃ punaḥ svarvallītaruṇapravālaśaraṇaṃ sevānurūpaṃ phalam dhāvalyaṃ parilālyate purariporaṅgena tuṅgaśriyā kiñca śyāmalimā'pi komalatare bhātyeva gātre hareḥ tattādṛkpadavīṃ mamā'pi janayetyastokasevārasādāruṇyaṃ tava līyate caraṇayoḥ kāruṇyamūrtte śive āruṇyaṃ yadidaṃ tvadīyapadayorābhāti tatkecana prāhustuṅga nitambabhārabharaṇaklāntyā kilopāgatam anye māhiṣamūrdhapeṣamilitaṃ raktadravaṃ manvate manye'hantu nateṣu sāndramanurāgodgāramevānayoḥ prāhuḥ padmisamāśrayaṃ śatadhṛtiṃ tvatpādapadmāśrayādantastvatpadapadmavokṣaṇavaśātkṛṣṇo'pi padmekṣaṇaḥ yatpadmārcanamāmananti sudhiyo dāridryavidrāvaṇaṃ muktikṣetragate bhavāni ! tadapi tvatpādapadmārcanam pādaṃ te sarasīruhadruhamimaṃ yatsevate padmabhūrnūnaṃ tatsvanivāsapaṅkajavaraśrīlaṅghanāśaṅkayā govindo'pi ca vārirāśiduhiturvāsābjabādhābhiyā svasyaivāgrakarodgṛhītakamalatrāṇābhilāṣeṇa vā sevante kulasampade nakhamayā śītāṃśavastvatpadaṃ tatpāko nanu vīkṣate hi sutarāmanyeṣu śītāṃśuṣu eko bālaka eva maulimayi te yāto lalāṭātmatāmanyo nirmalagaṇḍamaṇḍaladaśāmanyau tu dhanyau gatau dṛśāṃ gauravaṃ prapitsavaḥ candravimvāḥ nakhacchadmanā bhagavatyāścaraṇamanavaratamāsevante ### [1.15](https://indike.org/pramana/in.sampradaya.general.devistotra.ksetra.dravidaksetra.sripadasaptati.1.15) ghoraṃ pādasahasrakaṃ prakaṭayannāśāsu bhāsāṃ patirdhvāntaṃ no punarāntaraṃ śamayituṃ śaknoti śailātmaje tvatpādadvitayena komalatareṇānena cetaspṛśā jantūnāṃ bahirantarandhatamasaṃ kruntasyanantaṃ śive sūryendvagnisamīraṇādisakalasvarvāsināmunmadassarvaṇyeva padāni yo mathitavān durvāraśauryoṣmaṇā taṃ ghoraṃ mahiṣāsuraṃ nijapadenaikena sammṛdvatī yattvaṃ pratyakṛthāstataḥ kimaparaṃ tvadvaibhavaṃ brūmahe ekaṃ vāmatayaiva dakṣiṇatayaivānyat padaṃ dehināṃ khyātaṃ muktipurādhivāsini śive citraṃ tvayi tvīdṛśam thrānamreṣu janeṣvabhīṣṭakaraṇe pādāvubhau dakṣiṇāvānamre tu kṛtāgasi smarahare vāmākṣi vāmāvubhau śrānamrasya puradruhaśśirasi te pādābjapātaśśive jīyādyena babhūva paṅkajavatī maulisravantī kṣaṇam kiñcodañcitabālapallavavatī jātā jaṭāvallarī lākṣāpātavaśena sāndhyasuṣamāsāndrā ca cāndrī kalā dṛṣṭvā rātriṣu candrapādajanitāṃ pāthoruhāṇāṃ vyathām devi tvaṃ karuṇākuleva kuruṣe tadvairaniryātanam mānānamramaheśamaulivalabhīvāsasya śītatviṣo nityaṃ paṅkajapādapātajanitā bādhā yadādhīyate ### [1.15.p1.1](https://indike.org/pramana/in.sampradaya.general.devistotra.ksetra.dravidaksetra.sripadasaptati.1.15.p1.1) saṃbhrāntistava devi sā vijayate mānāvanamre śive tvatpādāmburuhaprahāramudite mandaṃ samutthāyini lākṣārāgarasāruṇaṃ nipatitaṃ gaṃgāpayaḥśīkaraṃ dṛṣṭvā śoṇitaśaṅkayā taralitā kāntaṃ yadālambathāḥ sā pādadvitayāhatirvijayate yasyāṃ girīndrātmaje prācīnenduyute nakhendudaśake maulisthalīsaṃgate svasyaikādaśarudratāsamucitānaikādaśaivoḍupān bibhrāṇa ivābabhau sa bhagavāneko'pi rudraḥ svayam kiṃ vairiñcakaroṭikoṭinihataṃ . kiṃ vā phaṇigrāmaṇīniḥśvāsānilakheditaṃ tvidamiti premārdrasaṃlāpinā mānasyopaśame kareṇa śanakairāmṛdnatā śambhunā bhūyaścumbitamambujadyutipadaṃ dhyāyāmi māye ! tava pūrvaṃ jahnusutā sakṛnmuraripoḥ śrīpādasaṃkṣālanāpuṇyādīdṛśavaibhavā samabhavat govindavandye śive seyaṃ saṃprati śambhumaulinilayā mānaprasaṃgānatau nityaṃ tvaccaraṇāvasecanabhuvā puṇyena kīdṛgbhavet pūrvaṃ vyākaraṇaprapañcanavidhau labdhvāpyanekaṃ padaṃ kiṃ no tṛptimagādagādhipasute śeṣaḥ phaṇigrāmaṇīḥ prālīnaḥ śaśimaulimūrdhani ciraṃ premaprakopānatau labdhuṃ te padamekameva kutukī nityaṃ yato varttate tiṣṭhantyāṃ praṇayaprakopavaśato bāṣpākulākṣyāṃ tvayi śrīkaṇṭhe nakhadarpaṇapratiphaladrūpe puro varttini pādāgre patito'yamityabhihite sakhyā tavālokanaṃ lolaṃ pādatale vibhāti sahasā sākopamālīmukhe kāntālokanalajjayā vinamite kānte mukhāmbhoruhe yāsau bhūtalapātukā nayanayośśobhā tavābhasate sā tāvattaruṇāruṇāmbujayugabhrāntyā tavāṅghridvayaprānte bhāti marandapānakutukabhrānteva bhṛṅgāvalī kiṃ brūmaḥ kuṭilātmako'pi kabarībhārastvadīyaśśive kelīviślathitastanoti yadayaṃ tvatpādasaṃsparśanam ### [1.15.p1.2](https://indike.org/pramana/in.sampradaya.general.devistotra.ksetra.dravidaksetra.sripadasaptati.1.15.p1.2) tadbhū yassumanogaṇādṛtaguṇastvanmaulisaṃlālyatāṃ dhatte citramasau tvadaṃghribhajanārtika kena no labhyate rāgadveṣabharā hi vibhramabharā naśyanti viśveśvari tvatsaṃgāditi muktideśanilaye mithyā janaiḥ kathyate udyadveṣamudāravibhramabharaṃ gātraṃ dadhatyā tvayā rāgo'pi dhriyate'dhikaṃ caraṇayośśoṇāmbujacchāyayoḥ devi tvatpadasatparāgamaniśaṃ maulau samābibhratāṃ sādhūnāmaparāgateva bhavatītyāścaryamāstāmayam pādaste nakharaprabhāvalasito jāgarti so'yaṃ punaścitraṃ nāma kharaprabhāvalasito duṣṭāsuraṃ piṣṭavān dvitvena sthitayostvadīyapadayordvaitaṃ nirasya sphuṭaṃ kaivalyapratipādane kuśalatā jāteti ko'yaṃ kramaḥ ki vā yuktibhiratra muktikaratā vyaktaiva te pādayormuktā eva hi visphuranti vimalāstvatsaṅgino'mī nakhāḥ pādāgraṃ tava kāmadaṃ suralatāśākhāgramācakṣmahe jātā yatra hi bālapallavaruciḥ svaireva rāgodgamaiḥ utsarpannakhamaṇḍalīsuṣamayā puṣpālirutpāditā sañjātālirutiśca mañjulatarairmañjīraśiñjāravaiḥ devīyaṃ tava santateśamukuṭasvarlokakallolinīkallolāhatibhirviśeṣavimalā jīyānnakhaśreṇikā yadbhāvalyamavāptumāttakutukāstoye tapasyantamī dīnāḥ phenakaṇāśca mauktikagaṇāśśaṃkhāśca śaṅkāmahe māne śambhuśiraḥprahāracaritaṃ naiva tvadicchākṛtaṃ jāne devi padābjayostu purajinmūrdhnā virodhādidam ete pādanakhāṃśubaddhakalahāḥ śītāṃśumandākinībhogīndrāḥ kila śaṅkarasya śirasā śaṅkāṃ vinā rakṣitāḥ devi tvaccaraṇoccalannakhamaṇiśreṇīṣu līno namannābhāti sphaṭikācalasphuṭataṭīśāyīva sāyaṃnaṭaḥ haṃsālīnavapuḥ svayaṃ kamalabhūḥ kṣīrābdhiśāyīva ca ### [1.15.p1.3](https://indike.org/pramana/in.sampradaya.general.devistotra.ksetra.dravidaksetra.sripadasaptati.1.15.p1.3) śrībharttā maghavāpi nākasarasi snāyannivālokyate ḍolākelividhau himācalaśilādeśe samabhyāhatātpādāgrāttava yāni yāvakarasaprasyandanānyambike tānyabhyāgatasumbhasaṃgarabhavadraktāmbuvistāraṇābindukṣepanibhāni nandadamarovandyāni vandāmahe ḍolākeliṣu yaṃ himācalaśilālagnaṃ vane vāsino bhaktyā yogivarāstripuṇḍrakalite limpanti phalāntare yaṃ siddhapramadāssametya tilakaṃ kurvanti natvā muhustaṃ dākṣāyaṇi ! te kadā nu padayorīkṣeya lākṣārasam devi tvaṃ muravairiṇaḥ praṇamane yatkiñcadākuñcaya śrīpādāmbujamanyathā'sya śirasi tvatpādalākṣāṅkiteḥ śrībhūmyoritarapraṇāmakṛtamityanyonyamāśaṅkayā roṣavyākulayościrāya sa bhagavān jāyeta paryākulaḥ prāguddraḥhavidhau himācalasadasyaśmādhiropāya yanna sprakṣyāmi viyadbhunīmiti punaḥ satyaṃ vidhātuṃ ca yat daityotpeṣaṇasāhase viracite saṃvāhanārthaṃ ca yattatpādagrahaṇatrayaṃ vijayate śarveṇa śarvāṇi te sumbhaste kila devi rāgakalahe pādaprahārotsavaṃ labdhuṃ kāṃkṣitavānupāyamiha khalvajño na vijñātavān yadyāyotsyati ghoramāhiṣavapurdhārī sa vairī tataḥ prāghāniṣyata mūrdhni komalarucā pādāravindena te ānamre giriśe padapraharaṇe datte bhavatyā ruṣā nāthe kiṃ mahiṣo'hamityabhihite devena tasmin kṣaṇe ālīṣvākalitasmitāsu punarapyuddāmapuṣyadruṣā tanmaulau jayati dvitīyamapi te pādābjasantāḍanam pādāgra tava saṃgaraśramavaśādākṣāci lākṣārasaṃ vinyastaṃ mṛganāyakopari ciraṃ jīyādagendrātmaje yatkāntyaiva ca lohito mṛgapatirdaityaprahārodgaladraktāmbhaḥkaṇikā vahannapi tathā nāmāni vaimānikaiḥ ### [1.15.p1.4](https://indike.org/pramana/in.sampradaya.general.devistotra.ksetra.dravidaksetra.sripadasaptati.1.15.p1.4) svaparākkacihnamaṅkitaṃ daityena| tasyāpi yaśaḥ tena na prāptaṃ yatassarve tam raktabindukṛtam śoṇimānam bhagavatyāścaraṇalākṣājanitamamanyanta naivālimpa nilimpamūrdhasu na vā siṃhopari tyajyatāṃ mā cedaṃ mahiṣasya mūrdhni rabhasādālipya lolupyatām patyurmaulinadījale paramidaṃ saṃkṣālanīyaṃ tvayetyālīkeligiro jayanti girije tvatpādalākṣārpaṇe trailokyaṃ vaśayanti pāpapaṭalīmuñcāṭayantyuccakaiḥ vidveṣaṃ janayantyadharmaviṣaye prastambhayantyāpadam ākarṣantyabhivāñchitāni mahiṣasvavairiṇo māraṇāgnicitraṃ tvatpadasiddhacūrṇanivahāḥ ṣaṭkarmaṇāṃ sādhakāḥ kiṃ pañcāyudhabāṇapañcakamidaṃ mārārisammohanaṃ kiṃ kalpadrumapañcakaṃ praṇamatāmākāṅkṣatāpādane sūkṣmaṃ kiñcana pañcabhūtavapuṣo viśvasya kiṃ kāraṇaṃ tvatpādāṅgulipañcakātmakamidaṃ kiṃ bhāti śaṃbhoḥ priye ḍolākeliṣu dūradūragamane preṅkholanāvibhrame medinyāmanipātitaṃ jayati te nāthe padāmbhoruham bhaktyā sannamatāṃ tvadānanagaladgānāmṛtāmūrcchayā bhūpṛṣṭhe ciravāsināṃ diviṣadāmāghaṭṭanāsādhvasāt mamṛtaṃ nipīya mūrchitāḥ svaśarīrasmaraṇaṃ vinā gānarase līnāvasthāṃ prāpitāḥ devā bhavanti| bhūpṛṣṭha eva ciravāsināṃ natāvasthāyāmeva bhūtale ciraṃ śayānānāṃ teṣāmupari pādāghaṭṭanasādhvasāt pādaghaṭṭanaṃ mā bhūditi bhūsparśaṃ pariharat te padaṃ jayati loke paramotkarṣeṇa varttate mañjīraprasaracca sārasuṣamārūpā kalindātmajā svacchacchāyanakhāṃśusañcayamayī gaṃgā ca saṃgāmukā śoṇaḥ pādarucāṃ cayaśca milito yena tvadagre natā majjantīva namanti tatra munayassarve'pi śarvāṅgane ### [1.15.p1.5](https://indike.org/pramana/in.sampradaya.general.devistotra.ksetra.dravidaksetra.sripadasaptati.1.15.p1.5) mañjīrasvanamañjuviṣkararave tatsaṃginīlopalacchāyārūpatamolave nakhamiṣādakṣīṇatārāgaṇe sandhyārāganibhasvakāntipaṭale tvatpāda mūlātmakapratyūṣopagame hi devi labhate lokaḥ prabodhodayam vidyāmuktiramāvadhūṣu nitarāṃ kāmāturā mānavāstaptāstvannakhakānticandanarasairālipya gātraṃ nijam tvatpādābjarucipravālanicite bhūmītale śerate nityaṃ devi ! bhavat kṛpāpriyasakhī viśvāsataḥ kevalam mañjīrakvaṇitaiḥ kṣipanniva muhuḥ śrīsannakhāṃśūdgamai-rdaityendraṃ prahasannivāruṇarucā ruṣyannivāsmai bhṛśam dhīrāyāṃ tvayi nirvikāramanasi tvatpāda eva sphuṭaṃ puṣṇan vairivikārameṣa mahiṣadhvaṃsī paritrāyatām kṣipraṃ devi śiraspadena mahiṣaṃ piṣṭvā tato'dha: padaṃ ditasantyāṃ tvayi kaṇṭhabhañjanabhiyā kaṇṭhīrave vidrute medinyāmapi bhītikampitatanau prematvarāśālinā sarveṇaiva nijāṅkasīmni nihitaṃ pādadvayaṃ te jayet pūrvaṃ devi padāmbujena mahiṣapradhvaṃsanābhyāsataḥ paścātkutsitasumbhadaityavijaye'pyevaṃ kṛtaḥ kiṃ tvayā no cedjāti kathaṃ kusumbhavijayī pādābjadeśo'yamityālāpe giriśasya tadvijayate mandasmitaṃ devi te ### [1.15.p2](https://indike.org/pramana/in.sampradaya.general.devistotra.ksetra.dravidaksetra.sripadasaptati.1.15.p2) 50 ### [2.1.1](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.1.1) bibhrāṇena manojñayāvakarasaṃ mañjudhvaniṃ nūpuraśleṣālaṅkṛtiśālinā nakhamaṇījātaprasādaśriyā ekenaiva padena devimahiṣadhvaṃse mahīyastaraḥ śloko'yaṃ racitastvayeti vibudhāssaṃślāghanaṃ kurvate tvaṃ śaṃbhormahiṣī bhavasyagasute tenopahāsāya te daityo'yaṃ mahiṣībhavannupagatasso'yaṃ kathaṃ kṣamyate itthaṃ nūparanissvanairivavadan pādastvadīyo ruṣā śastrapragrahaṇātpuraiva mahiṣaṃ piṣṭan paritrāyatām devyā paṅkaśayo'dya ko'pi mahiṣacchadmā mahānkaṇṭakaḥ pādenāhata ityudūḍhahasitaṃ sakhyā samāvedite sadyaḥkaṇṭakaśālinā karatalenāsādya pādāmbujaṃ gṛhṇannārtivinodanāya giriśo jīyātpriyaste śive brāhmaṃ māghavanañca vāhanamaho mandairgatairninditaṃ dhāvalyena nakhatviṣā vihasito vāho'pi māheśvaraḥ itthaṃ vāhanavairitāṃ bhajati te pādastato manmahe kātyāyanyamunā nyaghāni mahiṣaḥ kāttāntavāhabhramāt sīmantaprakare surendrasudṛśāṃ sindūrarekhātmanā māṇikyadyutisaṃjñayaiva mukuṭīkoṭīṣu daityadruhām śaṃbhormūrdhni jaṭāghaṭāruṇarucivyājena pādaprabhaiḥ vaikā te pariṇāmameti karuṇāmūrtte girīndrātmaje no keśaḥ paramāśrayassumanasāṃ pādābjareṇuśca te no mandārasitā paraṃ smita rucirmañjīrayoścadvayī no bāhuḥ kalahaṃsametya jayati tvadyānalīlāpyasau no śumbhattaralākṣamānanamidaṃ pādāmbujaṃ cāmbike nāthe tāvakavāhaṃsahacakitāstvatpādamūle natā nūnaṃ babhramurabhramupriyamukhā dikkumbhivīrā'ciram no cedeṣa kathaṃ tadunnataśirassindūrasandohajo rāgaste caraṇāmbuje pariṇamannadyāpi vidyotate tvatpādo'yamajāśritaśca rucirasparśānvito yogināmantasthākṛtirūṣamabhākcamahiṣapradhvaṃsanaprakrame ### [2.1.2](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.1.2) evaṃ khalvakhilākṣarātmakamamuṃ śailendrakanye kathaṃ bhāṣante natavargabandhumapavargālambanaṃ cāmbike unmīlannakhamaṇḍalohimakaṇaśśoṇaprabhāgairikaṃ bibhrāṇaḥ pariśobhamānakaṭako bhūyovanaikāśrayaḥ gāyatsiddhavadhūniṣevitatalaḥ pādastvadīyaśśive rājatyeṣa himādripādavadidaṃ yuktaṃ himādressute dikpālairdaśabhiḥ pṛthak pṛthagayaṃ tvatpādayorarpito dṛśyo bhaktyanurāga eva daśadhā śoṇāṃguliśrīmiṣāt pādābhyāmapi tān prati prakaṭitā nūnaṃ prasādāṅkurāḥ dṛśyante nakhakānti paṅktidaśakavyājena śailātmaje meghānāṃ kuliśasya cāpratihatā dhārāḥ kramantāṃ ciram no naśyenmadadānavārivibhavo nākasya nāgasya ca putro'yaṃ mama sainikāśca dadhatāṃ nityaṃ jayantassukhaṃ tvatpādāmbujapātinassurapateritthaṃ jayantyarthanāḥ dhārā vajrāyudhasya tokṣaṇāgrāśca apratihatā: kramantāmavyavahitā: pracalantām | "yajñādbhavati parjanya:" ityuktarītyā loke makhā adhikādhikaṃ pravartantāṃ yena tuṣṭo'haṃ meghai: varṣadhārā utpādayāmyavicchinnatayā | mamāyudhasya dhārā praharaṇaśaktirapyakuṇṭhitā syāt sādhudruhāṃ rakṣasāmapahatyai | madadānavārivibhava: nākasya nāgasya ca na naśyet | bhagavatyā: kṛpayā svargasya madotpādakānāṃ vāroṇāṃ somarasānāṃ prācuryaṃ saulabhyaṃ vā na naśyet | loke yāgā: pravartantāmanavarataṃ yena svargasthā: sadā somapāyino bhavema | nāge madīyavāhanabhūte airāvate madajanitadānavāri madajalavibhava: na naśyedarthāt gajo mama sadā matta: yauvanamanubhavatu | putro'yaṃ mama suta: jayantākhya: mama sainikāśca jayanta: yuddha vijayina: nityaṃ sukhaṃ dadhatāṃ sukhino bhavantu ### [2.1.3](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.1.3) itthamuktaprakāreṇa tvatpādāmbujapātina: davayā: padayo: praṇamataḥ surapaterathanā: jayanti ājyāsaktakarairdvijanmabhirahaṃ hūyeya no dānavai: svāhārocitamastu pārśvamaniśaṃ tādṛk ca havyaṃ labhe rakṣāvāniti bhūtimāniti ca me śabdaprasiddhyā śive nopekṣyo'hamiti tvadaṃghrinamane jīyāsuragnergira: bhaveyam| me pārśvaṃ vāmabhāgaḥ sadā svāhārocitamastu matpatnyā svāhādevyā sarvadā'laṃkṛtaṃ syāt| tādṛk havyaṃ svāhārocitaṃ svāhākāreṇa mukharitaṃ havyaṃ ca sadā labhe yena tṛpto bhaveyam rakṣāvān bhūtimāniti me śabdaprasiddhyā rakṣito'yaṃ pūrvameva na tasya rakṣāyā āvaśyakatā, bhūtimānayaṃ na tasyaiśvaryasya lipsā iti madīya nāmasaṃketābhyāṃ nirṇīya upekṣyo'haṃ na tvayā| vastutaḥ ubhe te mama prathe mama dāhakatvajanite na tu rakṣito'smi na vā bhūtimān syāṃ bhagavatyāḥ kṛpāṃ vinā| athavā mama rakṣāvattvaprasiddhyā bhūtimattvaprasiddhyā ca sarvathā nopekṣyo'ham| te anavarataṃ mayi sārthaṃkāḥ virājetām evaṃ tava pādapraṇamanāvasare agnidevatāyā: giraḥ jīyāsuḥ tvadvaktāghamabuddhipūrvalikhitaṃ syāccetkṣamethāḥ śive kāntaste mayi roṣavān kuru punastasyārdrabhāvaṃ śanaiḥ devi tvaṃ mahiṣābhihantricakitaṃ trāyasva me vāhanaṃ kālasyeti jayanti te padanatau lolasya saṃprārthanāḥ dharmācāraparo'hamityavamato rakṣobhirekānvayairmahyaṃ devi vininditāṃ diśamadurjātidviṣaścāmarāḥ daivādityubhayacyuto viśaraṇo rakṣyo'hamityādayastvatpādapraṇatau jayanti nirṛteratyākulāḥ prārthanāḥ matputryā mama vā mukundagṛhatābhāgyaṃ na saṃkṣīyatāāṃ mā'haṃ pāyiṣi kumbhajena muninā kalpāntasūryeṇa vā ### [2.1.4](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.1.4) dvedhā me suravāhinīdayitatā sādhu tvayā rakṣyatāāṃ tvatpādāmbujapātino jalapateritthaṃ jayantyarthanāḥ viśvaprāṇamayī tvameva mama tu prāhurjagatprāṇatāṃ sarvasyāpi sadāgatirhi bhavatī māmevamāhurjanāḥ lajjāpādakamīdṛśaṃ janani naḥ kiṃ kurmahe pāhi māmityevaṃ pavanasya te padanatau vāco jayantyākulāḥ śaṅkhollāsigalojjvale samakare padmena kundasmite pādāgrādṛtakacchape mukhamahāpadme mukundārcite ityasminnidhigātri nīlanayane kharvātmike pāhi māmitthaṃ pādanatiśriśave vijayate sakhyuḥ kuberasya te sannāmeṣu bhavatpadāmbujanakhacchāyāṃ jaṭāsaṅginīṃ gaṃgetyādi janā vadanti vitathaṃ mā bhūrmudhā kopinī dṛṣṭirmayyapi dīyatāṃ paruṣamapyekaṃ vaco dīyatāmīśānasya bhavāni te padanatāvitthaṃ jayantyarthanāḥ nābhīto'bhavamāditastava balātpaścādabhītosmyahaṃ tryakṣeṇa trimukhokto'pi caturāsyo'haṃ tavaiva stavaiḥ tvaṃ viśvātmatayopajanya na punaḥ sraṣṭāramākhyāhi māmitthaṃ devi jayanti te padanatau vāṇīpatervarṇayaḥ āśorasti mukhe viḍambayati māṃ bhūyo'pi cāśīspṛhā bhogāssanti sahasradhā punarahaṃ bhogān kathaṃ prārthaye śeṣo'haṃ spṛhayāmyaśeṣasukhamityetacca hāsāspadam nāthe cintaya sarvamityahipatestvatpādapāto jayet pārvatyāḥ padamatra dṛśyamiti vā pāde bhavatvena vā sādhutvāttadupāstaye hitatayā padyānyamūni sphuṭam saiṣā muktipurīgirīndratanayābhaktena nārāyaṇenābaddhā khalu saptatirdiśatu vaḥ kalyāṇakallohalam girīndratanayāyāḥ muktisthalakṣetramadhivasantyāḥ pārvatyāḥ bhaktena nārāyaṇabhaṭṭapādena melpattūranārāyaṇākhyena bhaṭṭapādakavinā āvaddhā ### [2.1.5](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.1.5) nibaddhā saiṣā stutiḥ vaḥ paṭhatāṃ śṛṇvatāṃ ca kalyāṇahallohalaṃ maṅgalaparamparāmahamahamikayā kalyāṇānāṃ prāptiṃ diśatu vitanotu iti śrīrāmakṛṣṇakāryakāratanūjena kāryakāropāhvena svāmināthaśarmaṇā viracitaḥ śrīpādaparāgassamāptaḥ śam sindūrāruṇamujjvalaṃ nayanayorānandasandohanaṃ viśvavyāpi manoramaṃ kalayatāṃ santāpavidhvaṃsanam tejomaṇḍalamātmani sphuratu me bhūyastadantargataṃ lāvaṇyāyatanaṃ svarūpamapi te muktisthalasthe śive ### [2.2](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.2) udyadbhāskarakoṭisuprabhamanarghānekaratnāvalīrājaccandrakalāvirājimukuṭaṃ haimaṃ nisargojjvalam bhrānīlaṃ pṛthukuñcitāgramamalaṃ kalpaprasūnāñcitaṃ snigdhaṃ te kabarībharaṃ ca kalaye muktisthalasthe śive ### [2.3](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.3) ardhendupratime lalāṭaphalake nīlālakālaṅkṛte kastūrītilakaṃ vilāsacaturaṃ cānaṅgacāpopamam bhrūvallīyugalaṃ samunnatamatisvacchaṃ ca nāsāpuṭaṃ rarājanmauktikaratnamamba kalaye muktisthalasthe śive ### [2.4](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.4) līlācañcalamañjanāñcitamatītālokalīlālavapradhvastānatabhūritāpanikaraṃ vistīrṇamatyāyatam snigdhaśyāmalapakṣmapaṃktinayanadvandvaṃ dayāvāridhe dīne pātaya mayyananyaśaraṇe muktisthalasthe śive ### [2.5](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.5) gaṇḍau vidrumadarpaṇādivimalau gorocanālaṃkṛtau karṇoḍḍāsitaratnakuṇḍalarucā vibhrājitau komalau bandhūkaprasavāruṇādharapuṭaṃ kundābhadantāvalībibhrājaccibukaṃ ca devi kalaye muktisthalasthe śive ### [2.6](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.6) bhāsadratnakirīṭakuṇḍalayugagraiveyakoḍḍāsite vaktrendau nijakāntirūṣitapariṣkāre manonandane rājantīṃ smitacandrikāṃ natajanāntastāpanirmūlinīṃ nityaṃ cetasi bhāvayāmi varade muktisthalasthe śive ### [2.7](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.7) kastūrīghanasārakuṅkumamukham̐rālepanairaṅkitaṃ graiveyaiśca nirantaraṃ maṇimayairmaṅgalyasūtrojjvalam rekhābhistisṛbhistathā vilasitaṃ cārusvaraṃ bandhuraṃ kaṇṭhaṃ te kalayāmi gītinipuṇe muktisthalasthe śive ### [2.8](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.8) keyūrādivicitrabhūṣaṇatarān ratnāṅgulīyaprabhārājatpāṇitalān dhṛtekṣavadhanuḥpuṣpeṣupāśāṅkuśān dhrānatrābhayadān śirīṣamṛdulānālepanairaṅkitān bāhūn mūrdhani me nidhehi sadayaṃ muktisthalasthe śive ### [2.9](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.9) niṣkaṃ bāhulatāntare maṇigaṇairākorṇamatyadbhutaṃ hāraṃ cāpi manoharaṃ maṇimayīṃ mālāṃ tathā kāñcanīm rājīvotpalacampakādikusumaiḥ kalpatāmahīnaśriyaṃ mālāṃ saurabhaśālinīṃ ca kalaye muktisthalasthe śive ### [2.10](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.10) vṛttau kuṅkumarūṣitau nirupamau pīnau stanau saṃhatau tuṅgau komalasūkṣmapāṭalapaṭapracchāditāvujjvalau madhyaṃ cāpi kṛśaṃ valitrayayutaṃ vakṣojabhārānataṃ tanvīṃ romalatāṃ ca devi kalaye muktisthalasthe śive ### [2.11](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.11) śrāvarttabhimamandaśobhamamalaṃ nimnaṃ ca nābhībilaṃ kāñcīdāmanibaddharatnavilasattisindūravarṇāṃśukam vistīrṇaṃ raśanāpadaṃ kanakarambhābhāvuru komalau ūrū cārutarau ca devi kalaye muktisthalasthe śive ### [2.12](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.12) jānudvandvamibhendrakumbhasuṣamācauraṃ ca jaṅghāyugaṃ cetojanmaniṣaṅgasaurabhaharaṃ vṛttaṃ ca nātyāyatam mañjīraṃ ca mano'bhirāmaninadaṃ ratnaprabhābhāsuraṃ kūrmābhaṃ prapadaṃ ca devi kalaye muktisthalasthe śive ### [2.13](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.13) snigdhasvacchatarāṅgulīdalataticchāyaṃ virājannakhaprāleyāṃśumarīcidhūtavinamattāpāndhakārotkaram kāntaṃ kalpalatāpravālasubhagaṃ lākṣārasārañjitaṃ pādābjaṃ tava bhāvayāmi varade muktisthalasthe śive ### [2.14](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.14) bhaktānāṃ hṛdayeṣu bhūrikkṛpayā nyastaṃ tadantargataṃ gāḍhaṃ tāpatamo nirasya śiśirīkurvanprakāśādhikam prānandāmṛtavarṣikaṃ ca varade yatsevyamānaṃ budhaistatte pādasarojamamba kalaye muktisthalasthe śive ### [2.15](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.15) yatpāṃsuṃ kamalāsanaprabhṛtayo devā munīndrāstathā voḍhuṃ mūrdhni na kurvate yatadhiyaḥ kiṃ kiṃ tapo duṣkaram tvatpādāmbujamānatasya satataṃ dīnasya me mastake kūjannūpuramarpayāmba sadayaṃ muktisthalasthe śive ### [2.16](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.16) rājā caitrakulodbhavassa suratho yatsevayā'bhūnmanuḥ vaiśyaḥ so'pi samādhiraap matimān jñānaṃ parairdurlabham yoṣāmūrttiramūmuhatsmararipuṃ devo'pi nārāyaṇastatte pādasarojamamba kalaye muktisthalasthe śive ### [2.17](https://indike.org/pramana/in.sampradaya.general.devistotra.ksetra.dravidaksetra.sripadasaptati.2.17) nityaṃ yena śivāṅghrivarṇanamidaṃ stotraṃ dvayossandhyayoḥ padyaiḥ ṣoḍaśabhiḥ kṛtaṃ kṛtadhiyā martyena saṃkīrtyate tasya prītamanāḥ pareśamahiṣi tvaṃ devi tāpatrayaṃ nirddhū yāśśu vidhehi bhaktimacalāṃ muktisthalasthe śive ## See also: more in [Other South Indian Shrine Goddesses](https://indike.org/pramana/in.sampradaya.general.devistotra.ksetra.dravidaksetra) - [Akhilandanayikadandaka (Akhilāṇḍanāyikādaṇḍaka)](https://indike.org/pramana/in.sampradaya.general.devistotra.ksetra.dravidaksetra.akhilandanayikadandaka-bhaskarayajvan) — Sanskrit _Discussed in 1 studies in Pramāṇa (listed on the page)._ --- Source: [https://indike.org/pramana/in.sampradaya.general.devistotra.ksetra.dravidaksetra.sripadasaptati](https://indike.org/pramana/in.sampradaya.general.devistotra.ksetra.dravidaksetra.sripadasaptati) · Pramāṇa