Bhutadamara 2

Bhūtaḍāmara 2

Language: Sanskrit

2.23 — 1 part

2.1

dvitīyaṃ paṭalam
athātaḥ sampravakṣyāmi sugopyaṃ manumuttamam
surānāmatha bhūtānāṃ māraṇaṃ yena siddhyati

viṣaṃ oṃ vajrajvālena hanayugamaṃ tataḥ param
sarvabhūtān tataḥ kūrccamastrāntaṃ manumīritam
asya vijñānamātreṇa krodheśādromakūpataḥ
vajrajvālāḥ prajāyante śuṣyanti pramathādayaḥ
brahmeśajiṣṇupramukhā nītā syūryamaśāsanam || 2-3
tataḥ savismayaṃ prāhū rudrādyā krodhabhūpatim
vartamāne'tra samaye nāmīṣāṃ nigrahaṃ kuru
sarvabhūtāśca bhūtinyaḥ kariṣyanti bhavadvacaḥ

2.7

vijñānārkarṣiṇī mantraṃ bhāṣate'to'tivismitā
tāraṃ brahmamukhe procya śarayugmāntamīritam
asya bhāṣitamātreṇa vajrajvālā viniḥsṛtāḥ
mṛtasañjīvanī vidyā mṛtaprāṇapradāyinī
bhūtānāṃ duritadhvaṃso bhavedasya prabhāvataḥ || 5-6
athāparājitānātho nāthapādau pragṛhya ca
vandayitvā ca śirasā trātā tvaṃ bhagavān paraḥ
trāhi māṃ bhūtanicayaṃ jambūdvīpe kalau yuge

2.8

rasaṃ rasāyanaṃ saukhyaṃ svarṇavaidūryamauktikam
haṃsendukāntādimaṇigandhavastrañca kāñcanam
bhojanaṃ kusumaṃ kṣemaṃ varaṃ dāsyāma īpsitam

2.9

bhūtinyaśceṭikāḥ krodhajāpināṃ ceṭakā vayam
rājā hi taskarabhayaṃ jarāniṣṭādhasambhavam
bhūtapretapiśācādīnnāśayāma: prayatnataḥ

2.10

yadi siddhi na yacchanti bhūtinyaḥ sādhakaṃ prati
sphoṭayāmi tadā nūnaṃ krodhavajreṇa mūrdhani
kvacidagnau mahāghore narake pātayāmi ca

2.11

evamastviti tāḥ prāhurvismitāḥ krodhabhūpatim

2.12

tato nṛṇāṃ hitārthāya pramathādyupakārakam
krodharājaḥ punaḥ prāha mṛtasañjīvanīmanum

2.13

pañcaraśmiṃ samuddhṛtya saṅghaṭṭeti dvidhā padam
asya bhāṣitamātreṇa mūcchitā bhūtadevatāḥ
stambhitā vepamānāśca uttiṣṭhantyativihvalāḥ

2.14

atha prāha mahādevo bhūpati taṃ muhurmuhuḥ
krodhādhipaṃ vajrapāṇi hitvā trātā na vidyate

2.15

athovācāśanidharo mābhairbhābhairmaheśvaram
tavānyeṣāñca devānāṃ hitārthaṃ bhūtanigraham
kariṣyāmi kalau jambūdvīpasthānāṃ nṛṇāmapi

2.16

rakṣāsmānasakṛt prāhuḥ pramathāścāpsaro'ṅganāḥ
nāginyo yakṣakāmyaśca krodheśaṃ praṇipatya ca

2.17

atha vajradharaḥ prāha bhairavo romaharṣaṇaḥ
sundari ! tripure ! bhadrakāli ! bhairavacaṇḍike !
majjāpināṃ nṛṇāṃ yūyamupasthānaṃ kariṣyatha
svarṇādyākāṅkṣitānnāni jāpine'pi pradāsyatha

2.21

yakṣiṇyo'psaro devakanyakā nāgakanyakāḥ
dāsyāmo devadeveśa ! niścitaṃ krodhajāpinaḥ
kariṣyāma upasthānaṃ dāsyāmaḥ prārthitaṃ dhanam
yadi kurmo'nyathā naṣṭā bhavāmaḥ sakula prabho !
sarvakarma kariṣyāmo dāsyatvaṃ krodhajāpinām
yadyanyathā kariṣyāmo bhagavān mūrdhni dārayet
śatadhā krodhavajreṇa narake vā nipātayet || 18-20
sādhvityuktvā vajrapāṇiḥ punaḥ prāha surāniti
kariṣyathetyupasthānaṃ narāṇāṃ krodhajāpinām
vaidūryādimaṇīn svarṇamuktādravyāṇi dāsyatha

Linked texts (2)

Puraścaryārṇava — Sanskrit
Ḍāmaratantra — Sanskrit