Bhutadamara 3

Bhūtaḍāmara 3

Language: Sanskrit

3.25 — 1 part

3.1

tṛtīyaṃ paṭalam
unmattabhairavyuvāca
bhagavan ! sundarīmantrasādhanaṃ vada me prabho !
mantroddhāraṃ tathā mudrāmarcanaṃ japapaddhatim

3.2

unmattabhairava uvāca
ekavṛkṣe devagehe vane vajradharālaye
nimnagāsaṅgame vāpi pitṛbhūmāvathāpi vā
sidhyanti bhūtabhūtinyo nṛṇāmiṣṭaphalapradāḥ

mantroddhāraṃ pravakṣyāmi yathāvadavadhāraya
ādibījaṃ samuddhṛtya mahāpadamanantaram
bhūtaśabdāt kulapadaṃ sundarīkūrcasaṃyutam
anādibījamuccārya tato vijayasundarīm
tato rudravadhūbījaṃ kalāyuktaṃ dvitīyakam
ādibījaṃ samuddhṛtya vimaleti padantataḥ
sundarīti padaṃ pāśaḥ savisargaṃstṛtīyakaḥ
brahmabījaṃ samuddhṛtya sundarīpadamuddharet
ṣaḍakṣaro manuḥ proktaḥ sakūrcayugalo mataḥ
hālāhalaṃ samuddhṛtya manoharī padantataḥ
sundarī dhīḥ samāyuktaḥ paścamo'yaṃ mahāmanuḥ
bahurūpiṇamābhāṣya bhūṣaṇeti padantataḥ
sundarīpadamābhāṣya kāmabījaṃ paro manuḥ
hālāhalaṃ samādāya tato dhavalasundarī
tataḥ prāthamikaṃ bījaṃ savisargantu saptamaḥ
viṣāccakṣurmaṃdhupadaṃ tato mattapadaṃ likhet
sundarīpadato vallijāyā caṇḍikayānvitā

3.3-2

3.4

evamaṣṭau mahābhūtarājño vajradharoditāḥ
eṣāṃ grahaṇamātreṇa sarvasiddhipradāyakāḥ

3.5

iṣṭasiddhi prayacchāmo bhūtinīsahitā vayam
ityāhuryakṣagandharvāparājitapuraḥsarāḥ

3.5-2

yakṣa, gandharva, bhairava, aparājita ādi saba ne kahā hai ki hamaloga bhūtiniyoṃ ke sātha sādhaka ko vāṃchita siddhi pradāna kareṃge

3.6

bhairava uvāca
yadi kālamatikramya yūyaṃ sthāsyatha nirbhayāḥ
tadā sakulagotraṃ vo ghātayāmi na saṃśayaḥ

3.7

athāparājitaḥ prāha bhūtavṛndasamanvitaḥ
mudrāmantrābhidhānena susiddhiṃ krodhajāpine
yadi nāhaṃ prayacchāmi bhavāmi kulanāśakaḥ
dārayiṣyatha māṃ mūrdhni narake pātayiṣyatha

3.7-2

tadanantara bhūtagaṇoṃ se ghire hue bhūtanātha aparājita kahate haiṃ—yadi krodha-bhairavopāsaka ko hamaloga mudrā-mantra ādi dvārā susiddhi na deṃ, taba hama kulanāśaka kahe jāyeṃge aura āpa hamārā mastaka vidīrṇa karake hameṃ naraka kā bhāgī banāyeṃ

3.8

atha mudrāvidhiṃ vakṣye bhūtinīmantrasādhanam
vāmamuṣṭiṃ dṛḍhaṃ baddhvā madhyamāntu prasārayet
āvāhya pūjanīmudrāṃ uttamāṅgulisādhinīm

3.9

anyo'nyamuṣṭisaṃyuktā tarjanīntu prasārayet
sidhyate tatkṣaṇādeva bhūtinī satyapālinī

3.10

vāmahaste dṛḍhāṃ muṣṭiṃ kaniṣṭhāntu prasārayet
bhūtinyākarṣiṇīmudrā sānnidhyākarṣiṇī smṛtā

3.11

prasārya vāmahastantu tarjanīṃ kuṭilākṛtim
jyeṣṭhayāṅgulinā baddhā bhūtinīvaśakāriṇī

3.12

vāmamuṣṭiṃ dṛḍhāṃ kṛtvā'nāmikāntu prasārayet
bhūtinyākarṣiṇī mudrā sarvavighnavighātinī

3.13

vāmahaste dṛḍhāṃ muṣṭiṃ jyeṣṭhāṅgulīṃ prasārayet
sammukhīkaraṇī mudrā sarvaduṣṭabhayaṃkarī

3.14

vāmahaste dṛḍhāṃ muṣṭiṃ kaniṣṭhāntu prasārayet
bhūtinī nāmikā mudrā śīghrānayanakāriṇī

3.15

yadi śīghraṃ na cāyāti mriyate śuṣyati dhruvam
cakṣuḥ sphuṭati bhūtinyāḥ śiraḥ sphuṭati niścitam
tathāpi yadi nāyāti bhūtinīkālamākramet
krodhenānena cākṛṣya japedaṣṭasahasrakam

3.16

ādibījaṃ dvidhā cāstraṃ kūrcaṃ lajjāmataḥ param
amukabhūtinīkūrcāstradviṭhasampuṭito manuḥ
akṣiṇa mūrghni sphuṭatyeva yadi nāyāti satvaram
śuṣyate mriyate vāpi narake patati dhruvam

3.17

athātaḥ sampravakṣyāmi bhūtinīsiddhisādhanam
nadīsaṅgamamāsādya maṇḍalaṃ candanātmakam
kṛtvā puṣpaiḥ samabhyarcya guggulunā pradhūpayet
japedaṣṭasahasrantu siddhā syāt kulasundarī

3.18

tataḥ krodhamanuṃ smṛtvā sahasraṃ prajapenniśi
āyāti niścitaṃ dadyādarghyaṃ jambūdakena ca
tataḥ kāmayitavyā sā bhāryā bhavati niścitam
tyaktvā svarṇapalaṃ yāti prabhāte ca dine dine
māsābhyantara evantu sidhyate kulasundarī

3.19

nīcagāsaṅgamaṃ gatvā candanena ca maṇḍapam
dadhibhakti nivedyātha japedaṣṭasahasrakam
yāvat saptadinānyeva āyāti divase'ṣṭame
candanena nivedyārghaṃ vadettuṣṭā vara vṛṇu
sādhakena tu vaktavyaṃ rājyaṃ me dehi sundari
rājyaṃ dadāti sā nityaṃ vastrālaṅkārabhojanam
svayaṃ yacchati devīyaṃ tuṣṭā vijayasundarī

3.20

vajrapāṇigṛhaṃ prāpya śubhracandanamaṇḍale
hayamāraprasūnaiśca sampūjya dhūpayet tataḥ
guggulunā japedaṣṭasahasraṃ siddhimāpnuyāt
sahasraṃ hi japedrātrau punarāgacchati dhruvam
dattvā puṣpāṇi vaktavyaṃ svāgataṃ hṛṣṭamānasaḥ
tuṣṭā bhavati sā bhāryā divyāmbararasāyanam
dhanaṃ dadāti śatrūṇāṃ karoti nidhanaṃ dhruvam
tridivaṃ pṛṣṭhamāropya nayatīṣṭa prayacchati
daśavarṣasahasrāṇi sundarī prītisādhakam

3.21

gatvā nadītaṭe kṛtvā maṇḍalaṃ gandhavāriṇā
gandhena sitapuṣpeṇa arghyaṃ guggulunā punaḥ
dhūpayitvā japedaṣṭasahasraṃ siddhimāpnuyāt
sahasraṃ hi punā rātrau japedāgacchati dhruvam
dattvā puṣpodakenārghyaṃ vaktavyā bhaginī bhava
bhūtvā tu bhaginī nityamiṣṭadravyāṇi yacchati
rasaṃ rasāyanaṃ kāmyaṃ svayaṃ yacchati sundarī

3.22

śūnyaṃ devālayaṃ gatvā baliṃ dattvā yathocitam
japedaṣṭasahasrantu siddhā''gacchati sannidhim
kāmitā sā bhavedbhāryā rājyaṃ yacchati vāñchitam
svargaṃ nayati sā tuṣṭā pṛṣṭhamāropya durlabham
rājakanyāḥ samādāya prayacchati dine dine
dīnārāṇāṃ sahasrantu pradadāti manoharā
pañcavarṣasahasrāṇi bhuktvā bhogaṃ mahītale
mṛte rājakule janma punarbhavati niścitam

3.23

nīcagāsaṅgamaṃ prāpya maṇḍalaṃ parikalpayet
dattvāmiṣopahārañca karavīraprasūnakam
dhūpañca gugguluṃ dattvā japedaṣṭasahasrakam
siddhā bhavati kāminyāḥ punaḥ pūjāṃ samācaret
prajvālya ghṛtadīpañca sahasraṃ prajapenmanum
nūpurasya tu śabdena devī bhuvanasundarī
sahasrārddhaparīvārairyuktā gacchati sannidhim
kāmitā tuṣṭibhāvena bhāryā bhavati nānyathā
bhāryātve ca parīhāre śatrunāśo bhaved dhruvam
pratyahaṃ pṛṣṭhamāropya sūryalokaṃ nayatyapi
pañcavarṣasahasrāṇi bhuktvā bhogamanuttamam
mṛte rājakule janma bhavatīti na saṃśayaḥ

3.24

kuṅkumena vidhāyātha maṇḍalaṃ nīcagātaṭe
dhūpaścātrāguruṃ dattvā baliṃ dadyād yathocitam
japedaṣṭasahasrantu punā rātrāvatandritaḥ
prāgvat pūjāṃ vidhāyātha sahasraṃ prajapenmanum
āgatā cettato dadyādarghaṃ candanavāriṇā
hṛṣṭā brūte varaṃ brūhi svayaṃ dhavalasundarī
sādhakena tu vaktavyaṃ mātṛvat paripālaya
sahasrārdhaparīvāraṃ vastrālaṅkārabhojanaiḥ
nityaṃ toṣayate devī vāñchitārthaṃ prayacchati
daśavarṣasahasrāṇi bhogān bhuktvā mṛto bhavet
punarviprakule janma bhavatīti na saṃśayaḥ

3.25

nīcagāsaṅgamaṃ gatvā kṛtvā pūjāmanuttamām
prajvālya ghṛtadīpañca baliṃ dattvā prayatnataḥ
pūjayet sakalāṃ rātrimekacitto bhayojjhitaḥ
tato'rdharātrisamaye samāgacchati sannidhim
karttavyaṃ kiṃ mayā dhīra vada tvaṃ nijavāñchitam
sādhakena ca vaktavyaṃ rājyaṃ me dehi sundari !
rājyaṃ yacchati sā tuṣṭā dīnārāṇāṃ sahasrakam
dine dine'pi vā lakṣaṃ dadāti mriyate yadi
sārvabhaumakule janma vajrapāṇiprasādataḥ
etā aṣṭau mahābhūtarājobhīṣṭaphalapradāḥ
krodhādhipabhayāt siddhiṃ prayacchanti kalau yuge

3.25.p1

iti bhūtaḍāmare mahātantre sundarīsādhanaṃ nāma tṛtīyaṃ paṭalam || 3

Linked texts (1)

Ḍāmaratantra — Sanskrit

Bhutadamara 3

Contents

Linked texts (1)