Bhutadamara 4

Bhūtaḍāmara 4

Language: Sanskrit

4.1

caturthaṃ paṭalam
unmattabhairavyuvāca
bhagavan ! devadeveśa ! surāsurabhayaprada !
smaśānavāsinīṃ brūhi yadi tuṣṭo'si bhairava !

4.2

bhairava uvāca
athātaḥ sampravakṣyāmi pitṛbhūvāsinīmanum
dīnānāmupakārāya natvāgre krodhabhūpatim

huṃ prāthamikaṃ kālabījaṃ dviguṇamīritam
prāleyamatha bhūteśabījaṃ phaṭ phaṭ dvayaṃ punaḥ
tataḥ sarvabhūtinīnāṃ padaṃ bhagavataḥ padam
vajradharasya samayamanupālaya saṃlikhet
hanavadhākramapadaṃ samuddhṛtya dvayaṃ dvayam
bho bho rātrāvitipadāt śmaśānavāsinīpadam
āgaccha śīghraṃ kūrcastraṃ bhūtinyāvāhakanamanuḥ

4.4

tāraṃ jvalayugaṃ paścād vidhūnaiva caladvayam
cālayapraviśau prāravajjvalatiṣṭhadvayaṃ dvayam
samayamanupālaya padaṃ bho bho rātrāvudīrayet
śmaśānavāsinī kāladvayādastradvayaṃ dviṭhaḥ
asau śmaśānavāsinyā manuḥ samayasaṃjñakaḥ
śmaśānavāsinīmantramato vakṣye yathākramam

4.5

pañcaraśmiṃ samuddhṛtya caladvayaṃ paṭhadvayam
mahāpadamato lekhyaṃ bhūtinīṃ sādhayeti ca
kule priye sphurayugaṃ taddvisura kaṭdvayam
tataḥ pratihatapadaṃ jayavijayayugmakam
tarjayugmaṃ huccayugmaṃ phaṭyugmañca prathadvayam
viṣamagnipriyānteyaṃ proktā daṃṣṭrākarālinī

4.6

prāleyaṃ prathamaṃ gṛhya tato ghoramukhīpadam
śmaśānavāsinīśabdāt sādhakānupadāttaḥ
kule'pratihatapadaṃ siddhidāyika ityapi
anādisṛṣṭitritayaṃ natijvalanavallabhā
idaṃ ghoramukhīmantramuktamiṣṭārthaṃsādhakam

4.7

brahmasūtraṃ samuddhṛtya taṃdante tarjanīmukhi
viṣadvayaṃ samābhāṣya tato viśvacitācite
sarvaśatrupadādgṛhya bhayaṃkaripadastataḥ
hanadvayaṃ dahayugaṃ paca māraya dvayaṃ dvayam
tato mamākārapadaṃ gṛhya mṛtyukṣayaṅkari
sarvanāgapadād yakṣabhakṣa aṭṭāṭṭahāsini
sarvabhūteśvarī kūcam̐hatādviśikhipriyā

4.8

vedādito'gneśca priyāntā tajjayajayonmukhī
anādibījamābhāṣya tataḥ kamalalocani !
manuṣyavatsale devi ! sarvaduḥkhavināśini
sādhakānupadāt kūle priye ! jayapadadvayam
dve gṛhītvā kālabīje mantraṃ grāhyaṃ padaṃ natiḥ
vahnipriyāntayukteyaṃ devī kamalocanī

4.9

triṣādyā vikaṭamukhi tato daṃṣṭrākarālini !
jvaladvayapadādgṛhya sarvayakṣabhayaṅkari !
dhīradhīrapadaṃ gṛhya gaccha gaccha padaṃ tataḥ
bho bhoḥ sādhakakimājñāpayasi huṃ padakramāt
śivo'ntāceritā devi vikaṭāsyeṣṭasiddhidā

4.10

viṣaṃ dhruvipadaṃ karṇapiśācini tataḥ param
kaṭudvayaṃ dhūnayugaṃ mahāsurapadaṃ tataḥ
pūjite bhindayugalaṃ mahākarṇapiśācini
bho bho huṃ sādhakapadaṃ kiṅkaromyuccaret tataḥ
lajjābījaṃ visargāntaṃ kālādastvayugaṃ likhet
vahnipriyāntamityuktamuddharenmanuvigraham

4.11

viṣaṃ dhruvipadaṃ lekhyaṃ sarukaṭudvayaṃ dvayam
stambhayadvayamābhāṣya cālayadvayamīrayet
mohaya dvayato vidyutkarālīpadamuddharet
atibhūtacarasyāgre vilikhet siddhidāyike
hu pheṃ bhayaṅkarī bījamantrāgnidayitānvitam
iti vidyutkarālyuktā vāñchitārthapradāyinī

4.12

viṣaṃ saumyamukhīṃ gṛhyākarṣayadvayamuddharet
tataḥ sarvabhūtinīnāṃ jayadvayamudīrayet
bho bhostataḥ sādhaketi padaṃ tiṣṭhadvayaṃ tataḥ
samayamanvitipadaṃ pālayeti padaṃ tataḥ
sādhu sādhu tato bho bhoḥ kimājñāpayasi dvayam
kilidyāginajāyāntaḥ proktaḥ saumyamukhīmanuḥ

4.18

asyā eva tu mudrāyā praveśyā'nāmikā punaḥ
kaniṣṭhāntu prasāryāsau vikaṭāsyā prakīrttitā

4.19

dakṣapāṇikṛtā muṣṭistarjanīntu prasārayet
khyāteṣā'rundhatī mudrā sarvābhīṣṭapradāyinī

4.20

asyā eva tu mudrāyāstarjanyākuñcya madhyamām
prasāryaṃ darśayedeṣā mudrā vidyutkarālinī

4.21

dakṣamuṣṭi vidhāyātha kaniṣṭhāntu prasārayet
proktā saumyamukhī mudrā vāñchitārthaphalapradā

4.22

athāsāṃ sādhanaṃ vakṣye daridrāṇāṃ hitāya ca
kurvīran ceṭikākarma devyo'mūḥ sādhakasya ca

4.23

gatvā śmaśānaṃ prajapenmanumaṣṭasahasrakam
sarveṣāmeva mantrāṇāṃ pūrvameṣā puraskriyā
pitṛbhūmau samāsthāya dadhikṣaudraghṛtānvitam
hunedaṣṭasahasrantu khādiraṃ samidhaṃ sudhīḥ
siddhe home samāgatya pitṛbhūvāsinī vadet
kiṃ karomi vada tvaṃ me santuṣṭā sādhakaṃ prati
sādhakenāpi vaktavyaṃ kiṅkarī ceṭikā bhava
yacchatīha dīnārāṃśca kṣetrakarma karoti ca
matsyamāṃsaṃ baliṃ kṣetravāṭikāyāṃ pradāpayet
yatraikaviśarātriśca ceṭīkarma karoti ca

4.24

athavā prajāpedrātrau śmaśāne'ṣṭasahasrakam
śataghnadiksahāyāḍhyā bhūtinyā''yāti vakti ca
kiṃ karomīti tacchrutvā sādhako bhāṣate punaḥ
kiṅkarī bhava dāsī tvaṃ gṛhakarma kuruṣva me

4.25

pitṛbhūmau tu yāminyāṃ japedaṣṭasahasrakam
śataghnadiksahāyāḍhyā bhūtinyāyātisannidhim
matsyamāṃsaudanabali gṛhya hṛṣṭā prayacchati
vāsoyugmamalaṅkāraṃ dīnāraṃ prativāsaram
sahasrayojanāddivyā kāminīmānīya yacchati
suguptaṃ ceṭīkākarma yāvajjīvaṃ karoti ca