Bhutadamara 8
Bhūtaḍāmara 8
- Language
- Sanskrit
Contents
- 8.6 — 1 part
8.1
aṣṭamaṃ paṭalam
unmattabhairavyuvāca
pramatheśa ! mahādeva ! vahnīndrarkatrilocana !
yadi tuṣṭo'si deveśa ! ceṭikāsādhanaṃ vada
8.2
unmattabhairava uvāca
athātaḥ sampravakṣyāmi ceṭikāsiddhisādhanam
manuṣyāṇāṃ hitārthāya krodhabhūpena bhāṣitam
ālasyapāpayuktānāmācāryagurughātinām
traidhātukaṃ bhavedrājyaṃ yena krodhaprasādataḥ
bhūtinī yakṣiṇī nāgakanyakā gaṇabhaṅgikāḥ
bhūtvā ceṭayo'vatiṣṭhanti krodhamantrasya jāpinaḥ
mantrajāpena sidhyanti nānyathā yadi ceṭikāḥ
krodhasampuṭito japto manurāsāśca sidhyati
8.3
hālāhalaṃ samuddhṛtya raudrabījamataḥ param
kālabījaṃ tridhā kṛtvā dvayaṃ hālāhalaṃ punaḥ
amukaśca tridhā krodhabījaṃ tāraṃ kalānvitam
anena sahitaṃ mantraṃ japedaṣṭasahasrakam
bhūtino dāsyatāṃ yānti śīghramāgatya nānyathā
akṣiṇaṃ mūrdhni sphuṭatyāśu kurvanti yadi nānyathā
nāśyet sakalān gotrān krodharājasya jāpataḥ
8.4
gorocanena saṃlikhya bhūtinīpratimāṃ śubhām
ākramya vāmapādena japedaṣṭasahasrakam
hā hā hī hī mahāśabdenāgatyāpi bravīti ca
bho bhoḥ kimājñāpayasi ceṭī tvaṃ bhava sādhakaḥ
ceṭīkarma karotyevaṃ yāvadāyūśca bhūtinī
8.5
gorocanena saṃlikhya bhūtinīpratimāmimām
ākramya vāmapādena japedaṣṭasahasrakam
kṣaṇādeva samāyāti yadi nāyāti sammukhe
sarṣapaistāḍayeduccairmantramenamudīrayet
tāraṃ bhūteśvarībījaṃ krodhabījatrayaṃ tataḥ
mama śatrūnitipadaṃ mārayadvayamīrayet
bījaṃ prāthamikaṃ kūrcabījamādāya saṃyutam
evamuccārite tīvrajavenākramitā satī
mriyate bhūtinī jīvenmṛtākṣaudrābhiṣecanāt
evaṃ sā jīvitā dadyādvastrālaṅkārabhojanam
dāsīkarma karotyevaṃ vajrapāṇiprasādataḥ
8.6
vihāradvāramāgatya japedaṣṭasahasrakam
yāminyāṃ kuñjaravatī bhūtinyāyāti toṣitā
balidānairveded vatsa ! kimājñāpayasi sphuṭam
sādhakenāpi vaktavyaṃ mātṛvat paripālaya
anaupamyāni vastrāṇi bhojyāni bhūṣaṇāni ca
dadāti kuñjaravatī mriyate śuṣyate'nyathā
8.6.p1
iti bhūtaḍāmaramahātantre ceṭikāsādhanavidhiraṣṭamaṃ paṭalam