[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Magical (ṣaṭkarman) tantras](https://indike.org/pramana/in.sampradaya.general.kamya) › [Indrajala](https://indike.org/pramana/in.sampradaya.general.kamya.indrajala) › 78.4 # Indrajala 78.4 Indrajāla 78.4 - **Language:** Sanskrit ### [78.4](https://indike.org/pramana/in.sampradaya.general.kamya.indrajala.78.4) tadvaṭīṃ golakaṃ kṛtvā vastreṇa veṣṭayet punaḥ mṛttikāṃ lepayet tacca chāyāśuṣkantu kārayet gartte kuṇḍe vinicitte palāśakāṣṭhavahninā jvālayedaṣṭayāmantu nānyathā śaṅkaroditam taṅgasma jāyate siddhiṃ viddhi siddhisamākulam tāmrapātre agnimadhye bindumātraṃ niyacchati tatkṣaṇājjāyate svarṇaṃ nānyathā śaṅkaroditam dātavyaṃ gurubhaktāya na dadyād duṣṭamānase siddhapīṭhe bhavet siddhirgāyatrīlakṣajāpanaiḥ yasmai kasmai na dātavyaṃ dātavyaṃ śivabhaktake agnimukhadvijātīnāṃ pācakānāṃ viśeṣataḥ gopyaṃ gopyaṃ mahāgopyaṃ devānāmapi durlabham rasapratikriyāṃ kṛtvā gopyaṃ naiva prakāśayet vanitātaputramitrādigopyaṃ siddhi anyamatena|—kṛṣṇasarpamekaṃ gṛhītvā tasya mukhe śivavīryyaṃ pūrayitvā sarpasya mukhaṃ gudañca baddhvā nūtanamṛnmayasthālomadhye saṃsthāpya sthālīmukhaṃ mṛdādinā saṃlipya nirjanasthāne prātarārabhya punaḥ prātaryāvat vahninā jvālaṃ dadyāt | tataḥ śubhakṣaṇe sthālīmukhamuddhṛtya sarpabhasma vihāya śivavīryyaṃ gṛhṇīyāt tatastolakamitaṃ tāmraṃ gālayitvā tasmin galitatāmre raktikamātraṃ tat śivavīryyaṃ dadyāt, tena tatkṣaṇādeva tat tāmraṃ suvarṇībhūtaṃ jāyata iti| ādau śivārcanaṃ kṛtvā paścāt prayoga eṣa prakarttavyaḥ - [Previous: 78.1](https://indike.org/pramana/in.sampradaya.general.kamya.indrajala.78.1) - [Next: 78.1-2](https://indike.org/pramana/in.sampradaya.general.kamya.indrajala.78.1-2) - [Up: 78](https://indike.org/pramana/in.sampradaya.general.kamya.indrajala.78) ## Linked texts (1) - [Rasamañjarī](https://indike.org/pramana/in.med.rasa.cikitsa.rasamanjari.4.20) — Śālinātha, Sanskrit --- Source: [https://indike.org/pramana/in.sampradaya.general.kamya.indrajala.78.4](https://indike.org/pramana/in.sampradaya.general.kamya.indrajala.78.4) · Pramāṇa