Indrajalavidya 1

Indrajālavidyā 1

Language: Sanskrit

1.53-2 — 1 part

1.10

mahākālasya vījāni prasthamekaṃ samāharet
dhātrīrasena deveśi ! sapta vārān vibhāvayet
guṭikā karttavyā, tāṃ guṭikāṃ mukhe nikṣipya pārāvato
bhavati

1.11

athātaḥ saṃpravakṣyāmi śṛṇu tvaṃ mama vallabhe !
chāgasya śīrṣaṃ saṃgṛhya kṛṣṇamṛttikāṃ pūrayitvā punaḥ
dhustūravījāni vāpayet, kāle tāni puṣpitāni bhavanti, tadā
yasyopari nikṣipet sa chāgo bhavati

1.12

mayūraśīrṣamādāya kṛṣṇacaturdaśyāṃ mṛttikāṃ pūrayet, śaṇavījāni vāpayet, yadā phalitāni puṣpitāni bhavanti, tadā
śaṇavījāni grīvāyāṃ bandhayet| mayūro bhavati

kṛṣṇacaturdaśyāṃ mayūraśīrṣamādāya kṛṣṇamṛttikāyāṃ pūrayet,
kārpāsavījāni vāpayet; yadā phalitāni puṣpitāni bhavanti,
tadā puṣpaphale saṃgṛhya samastaṃ peṣayitvā aṅgaṃ vilipya pānīyamadhye praviśya tathā jale tiṣṭhati yathā sthale

1.14

kṛṣṇakākaśīrṣamādāya kākamācīvījāni vāpayet, yadā
phalitāni puṣpitāni bhavanti, tadā tat phalaṃ saṃgṛhya mukhe prakṣipyakāko bhavati, kāka iva gacchati mahyām uḍḍīrṇaṃ mokṣaḥ

1.15

pārāvataśīrṣamādāya kṛṣṇamṛttikāṃ pūrayitvā tilavījāni
vāpayet, kṣīrodakena siñcanīyaṃ, yadā puṣpitāni bhavanti, tadā
mukhe saṃsthāpya antarhito bhavati

1.16

teṣāṃ phalānāṃ cūrṇaṃ kṛtvā tena cūrṇena yaṃ spṛśati, sa kiṅkaro
bhavati, sarvasvaṃ dadāti

1.17

tāni tilāni saṃgṛhya netrāñjanena saha piṣṭvā kapilādugdhena guṭikāṃ kārayet| saptarātraṃ pācayet, tāṃ guṭikāṃ
mukhe nikṣipya antarhito bhavati, devairapi na dṛśyate manuṣyāṇāṃ
kā kathā| urddharetena puruṣo bhavati| jīvedvarṣaśataṃ striyaḥ
sarve janāśca vaśyā bhavanti

1.18

gṛdhraśiraḥ samādāya kṛṣṇacaturdaśyāṃ kṛṣṇamṛttikāyāṃ nikṣipet, laśunabījāni vāpayet; yadā phalaṃ puṣpaṃ bhavati, tadā
puṣyānakṣatre puṣpaṃ gṛhītvā añjanena saha kapilāghṛtena kajjalaṃ
pātayet, cakṣurañjanīyaṃ, tāvat yojanaśataṃ paśyati medinīṃ, divā
nakṣatrāṇyapi paśyaṃti| lābhastasya—yat kiñcit kartumicchati
tat karoti na saṃśayaḥ

1.16-2

anye ca sarve jīvāḥ evam uṣṭragardabhamahiṣyādi-laghubṛhajjīvāḥ| yat yat bījaṃ yasya śirasi vāpayet; yadā puṣpitaṃ
phalitaṃ bhavati, tadā yasya bījāni mukhe nikṣipyante sa jīvo
bhavati nātra sandehaḥ

1.20

sarveṣāṃ sādhāraṇamantraḥ
auṃ hrīṃ hrīṃ hvem̐ aiṃ laṃ laṃ śrīṃ bhau svāhā| ekādaśākṣaro
manurasya, puraścaraṇaṃ lakṣajapaḥ| daśāṃśahomaḥ ghṛtena, tarpaṇaṃ
mārjanaṃ brāhmaṇabhojanādikaṃ kārayitvā siddhirbhavati

1.21

atha vaśyādhikāraḥ
mātuluṅgasya mūlantu dhustūrabījakena ca
palāṇḍupuṣpamādāya sūkṣmacūrṇantu kārayet
yo'sya gandhaṃ samāghrāti sa ca snehena paśyati
dundubhiṃ paṭahāṃścaiva śaṅkhāṃścaiva tu lepayet
eṣa bhūtopasṛṣṭānāṃ kumārīṇāṃ gṛheṣu ca
bhūpateḥ sevyamānānāṃ tathāpatyāpajīvinām
na cāgnirdahyate veśma yatraiṣa so'gado bhavet

1.22

atra mantraḥ|—oṃ raktacāmuṇḍe amukaṃ me vaśamānaya hrīṃ hrīṃ
hraṃ phaṭ| ayutaṃ japavyam

1.23

oṃ namo'stu ādityāya kili kili cili cili dhūmaṃ
lihi yakṣiṇi modate hi śākini anidudru śūlapāṇi
svāhā| varṇāḥ 40| śilākṛtike mantre|—oṃ namo guhāvāsinyai
gṛhapati gṛhhile manojavo oṃ eṃ oṃ vijye namaḥ| śilāyāḥ
kṛtiḥ karalikhitā khadirānalasantaptaliṅgā yato navayoṣito'pi ākarṣaṇam| varṇāḥ 26| oṃ namaḥ kapālarudrāya sarvalokavaśaṅkarāya anāthāyāpratihatabalavīryyaparākramaprabhavāya hā hā
he he paca paca māraya māraya kapaṭa kapaṭa kāṭa sarpa karmekari
amukaṃ me vaśamānaya svāhā! ayutajapāhaśīkaroti

1.24

anyaprakāraḥ| pārāvatasya hṛdayaṃ cakṣurjihvā ca śoṇitam
añjanaṃ rocanāyuktaṃ vanitāvaśakṛtparam
tatra mantraḥ|—oṃ naya naya mahāriṇi namo devyai svāhā
ekaviṃśativārān parijapya siddhirbhavati

1.25

anyaprakāraḥ| kapālaṃ mānuṣaṃ gṛhya kanakasya phalāni ca
karpūraṃ madhusaṃyuktaṃ niṣpiṣya tilakena ca
nārī vā puruṣo'nena vaśyo bhavati nityaśaḥ
eṣa kāpāliko yogo vaśiṣṭhasya śubho mataḥ

1.26

puruṣavaśīkaraṇam
karpūraṃ bālukaṃ lākṣā rajasā saptabhāvitam
ratikāli bhagaṃ lipya patirdāso bhaviṣyati

1.27

anyaprakāraḥ| narajihvāṃ samuddhṛtya sūkṣmacūrṇantu kārayet
jalena ca suśītena dāpayet tadvicakṣaṇaḥ
pāne phale ca puṣpe ca bhakṣye bhojye ca dāpayet
prajāpatikulodbhūtā yadi sākṣādarundhatī
sā'bhiṣaktaṃ priyaṃ yāti nānyaṃ puruṣamicchati

1.28

anyaprakāraḥ | kanakañcāpyapāmārgaṃ surasā gaurasarṣapāḥ
tilatailena piṣṭo'pi yona lepaḥ praśasyate
atra mantraḥ|–śroṃ namaḥ śayyāyai dari vidari yāmini amukaṃ
me vaśamānaya svāhā

1.26-2

anyaprakāraḥ| haritālaṃ śmaśāne kṛṣṇacaturdaśyāṃ chiptyā kuṣṭhavimiśra grāhyam, avaśyaṃ vaśo bhavet sa naraḥ

1.30

anyaprakāraḥ | ṛtunavūlocanatālālalāṭāsthibāṇasādhitaṃ tailam
sakalamanujendralalanāvaśaṅkaraṃ bhaṃkarālaye puṣye
naratailaṃ pretāmbaravarttikaṃ kṛtvā rātrau prajvālyārkavṛkṣaskandhe
kajjalaṃ kṛtvā cakṣuṣī abhyañjayet; yaṃ paśyati sa vaśyo
bhavati

1.32

anyaprakāraḥ | karṇadantamalaṃ lālā svadehātti malatrayam
nāsikodbhava raktañca cūrṇametadvalāyutam
etat sarvaṃ samuddhṛtya guṭikāṃ kārayedbudhaḥ
pānabhojanake deyā vaśīkaraṇamuttamam 31
anyaprakāraḥ | kākajihvā vacā kuṣṭham ātmano rudhiraṃ striyāḥ
tadbhāvitāśca mañjiṣṭhā tagaraṃ gaurasarṣapāḥ
śivanirmālyasaṃyuktaṃ samabhāgāni kārayet
bhojye pāne'thavā deyāḥ strīṇāntu vaśakārakāḥ
nityaṃ puruṣamicchantī mṛtamapyanugacchati

1.33

anyaprakāraḥ | kṛṣṇasarpamapyaṅgulapramāṇaṃ śiraśchittvāsthāsyaṃ
sarṣapādibhiḥ pūrayitvā chāyāśuṣkaṃ śoṣayet | parataḥ sarṣapān
grāhayitvā tāni yasmai dīyante sa vaśyo bhavati

1.34

anyaprakāraḥ| pūgīphalaṃ nirgilitvā apānamārge nirgataṃ gṛhya
dhustūrarasāntaritaṃ kṛtvā sapta dināni pūjayet | punaḥ kuṅkumacandanairadhibhāvya yasmai dīyate sa vaśyo bhavati

1.35

anyaprakāraḥ| dardurayugmaṃ gṛhītvā tadbhasmena hi dāhayet
tadbhasma-sahapānena vaśyakṛt paramo mataḥ

1.36

anyaprakāraḥ| ajagandhasya patrāṇi vacākuṣṭhena bhāvayet
śmaśānabhasmasaṃyuktaṃ cūrṇañcaittiṣu durlabham
anenaiva tu cūrṇena joṭayet trissa pādapam
puṣpitaṃ phalitaṃ dṛṣṭvā cūrṇaṃ vṛkṣādvilagnayet
tatkṣaṇāt phalate vṛkṣo naranārīṣu, kā kathā

1.37

anyaprakāraḥ| jihvāmūle saptarātraṃ saindhavenāpi miśritam
dadāti yasya pāneṣu so'pi vaśyo bhavet kṣaṇāt

1.38

anyaprakāraḥ| gopittaṃ saindhavañcaiva bṛhatīphalameva ca
lepametat prayoktavyaṃ naranārīvaśaṅkaram

1.36-2

anyaprakāraḥ| balāmūlaṃ cūrṇayitvā raktaraitaḥsamanvitam
dadyāt pānena pramadāṃ kṣiprameva vaśaṃ nayet
putrādiñca dhanaṃ tyaktvā dāsīvat varttate sadā
yatra vā nīyate tatra paścāt bhramati vihvalā

1.40

anyaprakāraḥ| valmīkamṛttikayā pratikṛtiṃ kṛtvā kṣīreṇa
strāpyā''jyena vibhājya tasya lavaṇāhutimekaviṃśativāraṃ juhuyāt,
trirātreṇa vaśyo bhavati, saptarātreṇāthavā| devīñca gāndhārīṃ
yakṣiṇīṃ śukrasyāpi patnīṃ vaśamānayati

1.41

anyaprakāraḥ| udgātuḥ pakṣiṇo malamātmano rudhirānvitam
strīpuṃsayoḥ pradātavyaṃ vaśīkaraṇamuttamam
atra mantraḥ|—triśūline trinetrāya hili hili svāhā
varṇāḥ 14| saptajapena siddhiḥ

1.42

anyaprakāraḥ| kṛṣṇapakṣacaturdaśyāṃ mṛtabhasma tu grāhayet
strīṇāñca mūrdhni dātavyaṃ vidyayā parijaptayā
dahyate muhyate nārī pacyate śuṣyate'pi ca
aṅgāni caiva bhajyante yadi taṃ na samāviśet
atra mantraḥ| oṃ namaścāmuṇḍe śmaśānavāsini svāhā
varṇāḥ 14| saptarātreṇa prerakaḥ

Linked texts (2)

Indrajāla — Śivaśarman, Sanskrit
Indrajāla (Nityanātha) — Nityanātha, Sanskrit

Indrajalavidya 1

Contents

Linked texts (2)