Pramāṇa · Search · About · API

Indrajalavidya 103

Indrajālavidyā 103

Language
Sanskrit

103.1

ityātharvaṇoktasarvarogapratīkāraḥ
iti śrīūrdhvavidyāvāgīśabhaṭṭācāryyakṛtāyāṃ ṣaṭkarmmadīpikāyāṃ
nānāprakāraśāntiniyamastṛtīyoddeśaḥ
atha vaśīkaraṇam
atha vakṣyāmi mantrābhyāṃ vaśīkaraṇamuttamam
yena vijñānamātreṇa vaśīkuryyānnaraṃ striyam
kṛtāñjaliḥ śikhiśikhā vibhautā girikarṇikā
cāṇḍālīsahitāḥ piṣṭvā paṭṭe kṣīrapariplutā
tena saṃlipya paṅkena paṭṭavastrasya varttikām
kārayitvābjasūtreṇa pūrṇagarbhāṃ surakṣitām
ekavarṇagavodugdhakṛtājyadīpapūritam
kajjalaṃ ṛjuke kāryyaṃ kajjalaṃ narasaṅkule
sampūjya bhairavaṃ devaṃ caturdaśyāṃ niśāgame
kajjalaṃ pātitaṃ grāhyaṃ tena vaśyaṃ jagadbhavet
narañca vanitāñcaiva yamicchati narottamam
ataḥparataraṃ vaśyaṃ na bhūtaṃ na bhaviṣyati
bhāṣitaṃ bhairave tantre gopanīyaṃ prayatnataḥ
krūre ca cumbake duṣṭe nindake capaleṣvapi
asya vaśyaprabhāvaṃ hi varṇituṃ na ca śakyate
devadevena devebhyo vaśīkaraṇamuttamam
etad yogaprabhāveṇa brahmādyā munayaḥ surāḥ

103.2

anyāṃ vakṣye mahāvidyāṃ mohinīṃ vaśyakāriṇīm
yasyāḥ prabhāvamātreṇa vaśīkuryyājjanaṃ naraḥ
tāraṃ prathamamuddhṛtya māyābījamanantaram
mohinīpadamādāya śeṣe pāvakavallabhām
jñātvā mantramimaṃ mantrī mantraṃ paṭhati siddhidam
anena mantrarājena saṃspṛśya jāpitaṃ yadā
dīyate ca jalaṃ puṣpaṃ dukūlamuttamaṃ phalam
aṣṭottaraśataṃ japtvā pāṇau yeṣāṃ pradīyate
te sarve vaśamāyānti nātra kāryyā vicāraṇā

103.3

tāraṃ ciṭidvayaṃ paścāccāṇḍālīṃ tadanantaram
mahāpadābhyāṃ tāṃ brūyādamukaṃ me tataḥparam
vaśamānaya ṭhadvandvaṃ ciṭimantra udāhṛtaḥ
saptabhirdivasairbhūṃpān vaśayedvidhinā'munā
vilikhya tālapatre taṃ sādhyanāmavigarbhitam
nikṣipya kṣīrasaṃmiśre jale tat kvāthayenniśi
vaśyo bhavati sādhyastu nātra kāryyā vicāraṇā

103.4

tālapatre likhittvainaṃ bhadrakālīgṛhe khanet
vaśyāya sarvajantūnāṃ prayogo'yamudāhṛtaḥ

103.5

mūrdhnibhāle kāmakalāṃ japato bindudhāraṇāt
yonimudrāprayogeṇa karoti vaśagaṃ jagat

103.6

rephahuṅkārayormadhye sarvvalokaṃ tataḥparam
vaśamānaya ṭhadvandvaṃ japan sampūjya sādhakaḥ

103.7

rājamukhi padādrājābhimukhi vaśyapūrvvike † !
tataśca bhuvaneśāno-śrīkāmān devi devi ! ca
tadante ca mahādevi ! padaṃ padamataḥ param
devādhidevi ! sarvasya mukhaṃ vaśyaṃ kuru dviṣṭaḥ
praṇavādirayaṃ mantraḥ strīvaśyasampadāvahaḥ
“śrīm̐ rājamukhi rājābhimukhi vaśyamukhi ! hrīṃ śrīṃ klīṃ devi
devi mahādevi devādhidevi ! sarvajanasya mukhaṃ vaśyaṃ kuru ṭhaḥ ṭhaḥ
svāhā”
māyāhṛdaurathānte ca brahma strīrājite tataḥ
proktā rājāñcite'rṇān vai jaye ca vijaye tathā
gauri gāndhāri tribhuvanavaśaṅkari vai tataḥ
tataḥ paraṃ prayoktavyaṃ sarvalokavaśaṅkari !
tataḥ prayojayetsarvastrīpuruṣavaśaṅkari !
vīpsayā yojanīyāni sudurdhorārākṣarāṇi vai
māyādviṭhāntakaḥ prokta ekaṣaṣṭyarṇako manuḥ
juhuyādghṛtasaṃpṛktaiḥ pāyasabhā gairrddaśāṃśakairvihitaiḥ
ārādhayettadaṅgaiḥ diśo'dhipairmātṛbhiśca niścitamanāḥ
tilataṇḍulakairlomaiḥ svādayutaiḥ sat phalaiśca madhurataraiḥ
ājyairaruṇakuvalayaiḥ tridinaṃ havanaṃ vaśaṅkarīṃ vidyām
nityaṃ sūryyagatāṃ tāṃ devīṃ pratipadya tanmukho japati
aṣṭottaraśatasaṃkhyāṃ sarvamakasmādvaśīkarotyacirāt
varṇādarvāṅnrtrī yathānigaditaṃ prayojayeta vidhim
sādhyāṅga karmayuktaṃ prajapedvā mantrakaṃ suhavanavidhau
vāñchitasiddhi vidhātā girivarakanye ! tadā mantraḥ
ṛṣirastyasyā yoniḥ prāvṛṭchando'sti devatā gaurī
sa caturdaśabhiḥ daśabhiḥ aṣṭābhiḥ sādaraṃ tato'ṣṭābhiḥ
daśabhiścaikādaśabhiḥ kramaśaḥ saṃyojitaiḥ sumantrivaraiḥ
mantrākṣaraiśca śucibhiḥ suṣadaṅgavidhiḥ samucyate kramaśaḥ
dhyānam
amalaśaśivirājanmaulirābaddhapāśāṅkuśarucirakarābjā bandhujīvāruṇāṅgī
amaranikaravandyā trīkṣaṇā śoṇavarṇā'ṃśukakusumayutā syāt sampade pārvatī vaḥ

103.8

mada mada padamādau mādayeti dvivāram
tadanu ca paṭhanīyaṃ hrīm̐padaṃ tatra paścāt
vaśaya padayutā syāt nāmarūpādisaṃjñā
bhavati madanamantraḥ svāhayā saṃyuto'yam
kanakaracitamūrttiḥ kuṇḍalākṛṣṭacāpo
yuvatihṛdayamadhye niścalāropitākṣaḥ
iti manasi manojaṃ cintayan yo japastho
vaśayata samāstaṃ bhūtalaṃ mantrasiddhaḥ
śataśataparijapāt syādayaṃ siddhidātā
daśaśatakusumānāṃ lohitānāñca dānāt
iha tu sakalakāryyaṃ vāmahastena kuryyāt
upadiśati samastaṃ jyotirīśaḥ samantāt
atra mantraḥ—"mada mada mādaya mādaya hrīm̐ vaśaya amukaṃ svāhā"

103.6-2

tathā mantraḥ
cāmuṇḍe prathamaṃ jayeti kathitaṃ sambodhane mohaya
jñātavyaṃ vaśamānayetyapi padaṃ sādhyaṃ dvitīyānvitam
svāhāntaṃ praṇavādireṣa kathitaistattvairmahāmohanaḥ
sanmantraḥ kavirājasevitapado nāsmāddvitīyottaraḥ
dhyānam
daṃṣṭrākoṭiviśaṅkaṭā suvadanā sāndrāndhakāre sthitā
khaṭvāṅgāsinigūḍhadakṣiṇakarā vāmena pāśaṃ śiraḥ
śyāmā piṅgalamūrddhajā bhayakarī śārdūlacarmāvṛtā
cāmuṇḍā śavavāhinī japavidhau dhyeyā sadā sādhakaiḥ
dhyātvā tāṃ muktakeśīṃ hariharavidhibhiḥ svarcitāṃ viśvavandyām
paścādasyā vibhūtīratulitavibhavāḥ cintayanmantramukhyam
lakṣaṃ japtvā daśāṃśaṃ śukatarukusumairvahnamadhye ca homaḥ
sādhyevaṃ pūjitāmbā svavahitavidhinā sarvasiddhiṃ dadāti
atra mantraḥ |— “oṃ cāmuṇḍe jaya cāmuṇḍe mohaya vaśamānaya
amukaṃ svāhā”

103.10

“oṃ namaḥ kāmāya sarvajanapriyāya sarvajanasammohanāya
jvala jvala prajvālaya prajvālaya sarvajanasya hṛdayaṃ mama vaśaṃ kuru
kuru svāhā”
etanmantrajapādeva vaśī bhavati mānavaḥ

103.11

“oṃ namo bhagavati sūcicāṇḍālini ! namaḥ svāhā”
etanmantreṇa madhūcchiṣṭasya puttalikāṃ kṛtāñjaliṃ kṛtayugmapādām
aṅgapratyaṅgasahitāṃ kṛtvā tatra sādhyasya prāṇapratiṣṭhāṃ kṛtvā
etanmantraṃ japan aṅgāreṣu puttalikāṃ pratāpayet | tataḥ sādhyo
vaśyo bhavati

Linked texts (5)