Indrajalavidya 104

Indrajālavidyā 104

Language: Sanskrit

104.1

iti śrīkṛṣṇānandavidyāvāgīśabhaṭṭācāryyakṛtāyāṃ ṣaṭkarmadīpikāyāṃ
śāntikalpe vaśyakarma caturthoddeśaḥ
atha stambhanam
śrīdevyuvāca
prabho ! tvaṃ bhairavaśreṣṭhaḥ sarvamantrārthajīvakaḥ
nānārahasyasārañca tvadṛte na śa‍ṛṇomyaham
divyatantraṃ mahātantraṃ pūrvapaścimasaṃjñakam
dakṣiṇottaramūrddhañca upāyāḥ kathitāḥ prabho !
vaśyākarṣaṇadivyañca māraṇoccāṭanādikam
vidveṣaṃ mohanaṃ cānyaṃ vividhaṃ kāmanādikam
vistāraṃ kathitaṃ pūrvaṃ jñātavyaṃ sarvasaṃjñayā
idānīṃ stambhanaṃ deva ! kathayasva prasādataḥ
kathayasva suraśreṣṭha ! yadyahaṃ tava vallabhā

104.2

śrībhairava uvāca
sādhu sādhu tvayā prājñe ! sarvamantrārthasādhike !
na kasyacinmayā khyātaṃ śa‍ṛṇu sundari ! yatnataḥ
guhyād guhyataraṃ devi ! snehātte prakaṭīkṛtam
athātaḥ sampravakṣyāmi śa‍ṛṇu caikāgramānasā
vidyā yā paramā guhyā mahāstambhanarūpiṇī

104.3

oṅkāraṃ pūrvamuccāryya sthiramāyāmathoccaret
sambodhanapadaṃ coktvā tataḥ śrīvagalāmukhi !
tadagre sarvaduṣṭānāṃ tato vācaṃ mukhaṃ padam
stambhayeti padaṃ paścāt kīlayeti padadvayam
buddhiṃ vināśaya paścāt sthiramāyāṃ punarlikhet
likhecca punaroṅkāraṃ svāheti padamuttamam
ṣaṭtriṃśadakṣarā vidyā devānāmapi durlabhā
vahnihīnendrayugbhāyā sthiramāyā prakīrttitā
gajasya ca rathānāñca dvijānāṃ śīghracetasām
stambhitāñca mahāvācāṃ bṛhaspatimukhodgatām
mahāparvatavṛkṣāṇāṃ saritāṃ sāgarasya ca
stambhayettāni divyāni mānuṣeṣu ca kā kathā ?
trailokyamohinī vidyā tasyāśca vagalāmukhī
śṛṇu devi ! pravakṣyāmi vividhaṃ kāmanāgatam
nyāsaṃ dhyānaṃ japaṃ homaṃ mantrameva pṛthak pṛthak

104.4

aṅganyāsaṃ pravakṣyāmi karāṅgavidhipūrvakam
oṃ sthiramāyāñca hṛdaye mūrdhni śrīvagalāmukhi
śikhāyāṃ sarvaduṣṭānāṃ vācaṃ mukhañca stambhaya
kavace kīlayadvandvaṃ netre buddhiṃ vināśaya
hrīṃ oṃ svāhā tathā cāstre ṣaḍaṅgavidhirauritaḥ
yugmakāleṣu saptarttudaśārṇaiśca manūdbhavaiḥ
karaśākhāsu talayoḥ karāṅganyāsamācaret
nārāyaṇa ṛṣimūrdhni triṣṭupchandastu tanmukhe
śrīvagalāmukhīṃ devīṃ hṛdaye vinyasettataḥ
līṃ bījaṃ guhyadeśe tu svāhā śaktiśca pādayoḥ
iṣṭārthe viniyogastu ṛṣyādinyāsa eva ca
mūrdhni bhāle dṛśoḥ śrutyorgaṇḍayornasayoḥ punaḥ
oṣṭhayormukhagaṇḍe ca dakṣiṇāṃśe ca kūrpare
tathaiva maṇibandhe ca tathā cāṅgulimūlake
galamūle stane dakṣe stane vāme tathā hṛdi
nābhau kaṭyāṃ guhyadeśe vāmāṃśe kūrpare tathā
maṇibandhe'ṅgulīmūle vinyasettu samāhitaḥ
dakṣorumūle jānau ca gulphe cāṅgulimūlake
mūlamantrākṣarairvidvān vinyaset kramayogataḥ
evaṃ nyāsavidhiṃ kṛtvā tato dhyānaṃ śṛṇu priye !

104.5

gambhīrāñca madonmattāṃ svarṇakāntisamaprabhām
caturbhujāṃ trinayanāṃ kamalāsanasaṃsthitām
mudgaraṃ dakṣiṇe pāśaṃ vāme jihvāñca vajrakam
pītāmbaradharāṃ devīṃ dṛr̤hapīnapayodharām
hemakuṇḍalabhūṣāñca pītacandrārddhaśekharām
pītabhūṣaṇabhūṣāñca svarṇasiṃhāsane sthitām
evaṃ dhyātvā tu deveśīṃ śatrustambhanakāriṇīm
mahāvidyāṃ mahāmāyāṃ sādhakasya phalapradām
yasyāḥ smaraṇamātreṇa trailokyaṃ stambhayet kṣaṇāt

104.6

sādhanaṃ sampravakṣyāmi sādhakānāṃ hitāya vai
sarvaṃ pītopacāreṇa pītāmbaradharo naraḥ
japamālāñca deveśi ! haridrāgranthisambhavām
pītāsanasamārūr̤haḥ pītadhyānaparāyaṇaḥ
pītapuṣpārccanaṃ nityamayutaṃ japamācaret
daśāṃśaiśca kṛto homaḥ pītadravyaiḥ suśobhanaiḥ
saṃjñāmuccārayetsādhyaṃ stambhanañca mahā'dbhutam
śṛṇu prājñe ! mahāguhyaṃ prakaṭīkṛtasādhanam
ekānte nirjane sthāne śucau deśe gṛhe pure

104.7

atha karmaviśeṣe kuṇḍalakṣaṇam
kuṇḍaṃ sulakṣaṇaṃ kṛtvā mekhalātrayaśobhitam
yonivṛttaṃ trimātraiḥ syāt tatra homantu sādhayet
ākarṣaṇe trikoṇaṃ syāt vaśye tu caturasrakam
tathaivoccāṭane proktaṃ ṣaṭ‌koṇaṃ māraṇe smṛtam

104.8

atha āsanabhedāḥ
vaśye meṣāsanaṃ proktaṃ karṣaṇe vyāghracarmaṇi
śāntau mṛgāsanaṃ proktaṃ gocarma stambhane smṛtam
uṣṭrāsanaṃ tathoccāṭe vidveṣe turagāsanam
māraṇe mahiṣīcarma mokṣañcaiva gajājine
nānāvidhāni te devi ! kramāddravyaṃ samācaret

104.6-2

madhulājatilājyena vaśyalābhāni sādhayet
ākarṣaṇe tathā lodhraṃ satilaṃ madhurānvitam
nimbapatrañca tailāktaṃ vidveṣaṇakaraṃ param
haritālaṃ haridrāñca lavaṇena ca saṃyutām
stambhayeccaiva deveśi ! prajñāñcaiva gatiṃ matim
vājināthasya sāreṇa rudhireṇaiva homayet
māraṇe tu ripordevi ! śmaśānāgnau hunenniśi
kṣudrāṇāṃ kākapakṣāṇāṃ gṛhadhūmena saṃyutām
lājāṃ trimadhusaṃyuktāṃ sarvarogapraśāntaye

Linked texts (9)

Tantracintāmaṇi — Sanskrit
Āgamakalpalatā — Sanskrit
Āgamakalpalatā — Sanskrit
Indrajāla — Śivaśarman, Sanskrit
Indrajāla (Nityanātha) — Nityanātha, Sanskrit
Vidyārṇavatantra — Sanskrit
Siṃhasiddhāntasindhu — Śivānanda Gosvāmin, Sanskrit
Āgamakalpalatā (Yadu Miśra) — Yadu Miśra, Sanskrit
Divyatattva — Devanātha 1629, Sanskrit

Indrajalavidya 104

104.1

104.2

104.3

104.4

104.5

104.6

104.7

104.8

104.6-2

104.10

104.11

104.12

104.13

104.14

Linked texts (9)