Indrajalavidya 108
Indrajālavidyā 108
- Language
- Sanskrit
108.1
atha vidveṣaṇam
atha vidveṣaṇaṃ vakṣye mitho vidveṣaṇaṃ ripoḥ
karaṇīyaṃ maheśāni ! yaduktaṃ mālinīmate
anyo'nyayuddhasaṃrambhe roṣitau samareṣu tau
108.2
tadīyanakharoḍḍīnadhūlimādāya sādhakaḥ
dhūlinā tena vidveṣastār̤anādabhijāyate
108.3
parasparaṃ riporvairaṃ mitreṇa saha niścitam
mahiṣāsrapurīṣābhyāṃ gomūtreṇa samālikhet
108.4
yayornāma tayoḥ śīghraṃ vidveṣañca parasparam
raktena māhiṣāsrena śmaśānavastrake likhet
108.5
yasya nāma bhavettasya kākapacceṇa lekhitam
veṣṭayeddvijacāṇḍālakeśairekataraistataḥ
gartte āmaśarāvasthe pitṛkānanamadhyataḥ
108.6
ṣaṭkoṇacakramadhye tu ripornāmasamanvitam
mantrarājaṃ pravakṣyāmi mahābhairavasaṃjñakam
“oṃ namo mahābhairavāya rudrarūpāya śmaśānavāsine amukākayorvidveṣaṃ kuru kuru suru suru huṃ phaṭa̱ phaṭa̱”
etanmantraṃ likhettatra vidveṣo jāyate dhruvam
108.7
anyayogamahaṃ vakṣye durlabhaṃ vasudhātale
yena jñātena śatrūṇāṃ vidveṣaṃ kurute dhruvam
108.8
“oṃ namo bhagavati śmaśānakālike amukaṃ vidveṣaya vidveṣaya
na hana paca paca matha matha huṃ phaṭ svāhā”
amunā mantrarājena homayet prayata: sudhīḥ
vahnikuṇḍe nimbapatraiḥ kaṭutailānvitaistathā
prajvālya khādirairvahniṃ śmaśānotthaṃ tataḥ punaḥ
daśasāhasrasaṃyuktaṃ yavākṣatatilānvitam
bhāvayet kālikāṃ devīmindranīlasamaprabhām
mahojjvalāṃ vyomanīlāṃ surāsuravimarddinīm
trilocanāṃ mahārāvāṃ sarvābharaṇabhūṣitām
kapālakarttṛkāhastāṃ candrasūryyopari sthitām
śavajālagatāñcaiva pretabhairavaveṣṭitām
vasantīṃ pitṛkāntāre sarvvasiddhipradāyinīm
lauhasruveṇa saṃyuktaṃ pūrvvoktaṃ dravyasañcayam
homayedvividhaiḥ puṣpairbalicchāgopahārakaiḥ
pūjayitvā maheśānīṃ bhaktiyuktena cetasā
tadbhasma ca samādāya dhārayedattiyatnataḥ
bhasmanā tena yaṃ hanyādvidveṣo jāyate nṛṇām
vahniḥ śītalatāṃ yāti patedbhūbhau yadā raviḥ
yadi śuṣyati pāthodhiṃścandramāḥ yadi vai patet
tadā mithyā bhavedeṣa yogarājaḥ sudurllabhaḥ
mahāyogo'yamuddiṣṭaḥ śambhunā tripurāmate
gopitavyaṃ prayatnena yadīccheccirajīvitam
108.6-2
śmaśānasambhavaṃ vastramānīya lekhayedatha
tālakena śilāyogādviṣābhyāmuktamīdṛśam
ṣaṭkoṇaṃ cakrarājañca śatrūṇāṃ nāmaṭaṅkitam
pūrvvadravyeṇa vidveṣaṃ kārayedatha sādhakaḥ
"oṃ hrīṃ vidveṣiṇi amukāmukayoḥ parasparaṃ vidveṣaṃ vṛ
kuru svāhā"
108.10
cakravāhye likhedenaṃ mantraṃ pūrvoktavastubhiḥ
parasparaṃ bhavedveṣaḥ kathitaḥ kubjikāmate
pūrvaṃ ghuṃghuṃṭike yugmaṃ tato markaṭike yugam
paścāttu vilikhedghore vidveṣodvegakāriṇi
atha ghoraghorayoḥ syādamukāmukayostataḥ
vidveṣaya yugaṃ huṃ phaṭ vidyā ghuṃghuṃṭikeritā
Linked texts (3)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Vidyārṇavatantra — Sanskrit