Indrajalavidya 110

Indrajālavidyā 110

Language: Sanskrit

110.1 — 10 parts
110.47 — 1 part

110.1.1

puttalīḥ pañcakurvīta sāṅgopāṅgāḥ samāḥ śubhāḥ
ekā sādhyadrumeṇa syādanyā piṣṭamayī tathā
cakrihastamṛdānyā syādanyā sikthamayī smṛtā
lavaṇaproktasambhūtaṃ cūrṇitaṃ pariśodhitam
kur̤avaṃ prokṣayet kṣīradadhyājyamadhubhiḥ saha
gur̤ājyamadhubhiḥ samyak miśritenā'munā tataḥ
kurvīta puttalīṃ saumyāṃ sarvāvayavaśobhitām
prāṇamantrakṛtaṃ yantramāsāṃ hṛdi virnikṣapet
asyāṃ prāṇān pratiṣṭhāpya pūjayet kusumādibhiḥ
paścāt kṛṣṇāṣṭamīrātrau yāmamātre gate sati
vidhāya mātṛkānyāsaṃ mantranyāsamanantaram
ciṭimantrasamudbhūtān caturviṃśatisaṃkhyakān
tārādyān vinyasedvarṇān sthāneṣvepu samāhitaḥ
mūrdhni bhāle dṛśoḥ śrutyornāsāyāṃ cibuke tathā
kaṇṭhahṛtstanayugmeṣu kukṣau nābhau kaṭidvaye
meḍhre pāyau pravinyasya śiṣyaṃ varṇacatuṣṭayam
ūrudvaye jānuyuge jaṅghāyugme padadvaye
evaṃ vinyastasarvāṅgo raktamālyānulepanam
raktavastradharaḥ śuddhaḥ puttalīṃ dāruṇā kṛtām
adhomukhīṃ khanet kuṇḍe piṣṭajāmāsanādadhaḥ
mṛnmayīṃ pratimāṃ pādadeśe nyasyet tathā''tmanaḥ
madhūcchiṣṭamayīṃ vyomni kuṇḍasyorddha pralambayet
lavaṇena kṛtāṃ paścāt pratimāṃ saṃspṛśan japet
ṛkpañcakaṃ yathā nyāyam aṣṭottarasahasrakam
saṃhṛtya ciṭimantrārṇān punastasyāstanau nyaset
aṅguṣṭhasandhiprapadajaṅghājānūrūpāyuṣu
liṅgadeśe punarnābhau jaṭhare hṛdayāmbuje
stanadvaye kandharāyāṃ cibuke vadane punaḥ
ghrāṇayoḥ karṇayorakṣṇorlalāṭe mūrddhani kramāt
agnimādāya sandīṣya sādhyalakṣmapradārubhiḥ
asminnabhyarcya mantroktadevatāṃ rūpyapāvake
kuśodajātīpuṣpaiśca dattvāghyaṃ praṇamet sudhīḥ
mantrairetaiḥ prayogādāvante saṃyatamānasaḥ

110.1.2

oṃ tvamagnenājyasiddhastvaṃ ! niśāyāṃ havyavāhana !
haviṣā mantrajaptena tṛpto bhava tayā saha
oṃ jātavedo mahādeva taptajāmbūnadaprabha !
svāhāpate viśvabhakṣya lavaṇaṃ daha śatruhan !
oṃ sarvveśvarīśe ! sarvvāṇi ! grastaṃ muktaṃ tvayā jagat
mahādevi ! namastubhyaṃ varade ! kāmadā bhava
oṃ tamomayi mahādevi ! mahādevasya suvrate !
kriyayā puruṣaṃ hṛtvā vaśamānaya suvrate !
oṃ durge ! durgādirahite ! durgasambodhanākule !
śaṅkhacakradhare devi ! duṣṭaśatrubhayaṅkari !
namaste daha śatruṃ me vaśamānaya caṇḍike !
śākambhari ! mahādevi ! śaraṇaṃ me bhavānaghe !
oṃ bhadrakālī bhavābhīṣṭabhadrasiddhipradāyinī
sapatnān me hana hana daha śoṣaya tāpaya
oṃ śūlāsi śaktivajrādyairutkṛtyotkṛtya māraya
mahādevi ! mahākāli ! rakṣāsmānakṣatātmike !
mādhyaṃ saṃskṛtya nirbhidya puttalīṃ saptadhātutaḥ
lavaṇaṃ cūrṇayitvā tu madhugavyasamanvitam
samāṃ puttalikāṃ kṛtvā prāṇamantreṇa manvitām
aṣṭāviṃśatikṛttantu aṣṭottaraśatantu vā
vahradvījasamāyuktaṃ vāyubījasamanvitam
hṛdaye sthāpayitvā tu sādhyaprāṇaṃ visarjayet
ṛkpañcakaṃ samuccārya juhuyādedhite'nale
lavaṇāmbhasi tīkṣṇo'si ugro'si hṛdayaṃ tava
pṛthvī lavaṇamātā'sti tathaiva varuṇaḥ pitā
tatpacati pācayati tacca chindati bhindati
lavaṇe hūyamāne tu kuto nidrā kuto ratiḥ
amukasya dahāṅgāni daha māṃsaṃ daha tvacam
daha tvagasthiromāṇi asthibhyo majjikāṃ daha
vasatiryojanaśate nadīnāñca śatāntare
nagare lauhaprākāre kṛṣṇasarpākṛtirgale
sandagdhvānaya me śīghraṃ lavaṇasya ca tejasā
yā te rātrirmahārātriḥ sā te rātrirmahāniśā

110.1.3

yā rātriḥ śalyaviddhasya śūlāgrāropitasya ca
prathame dakṣiṇaḥ pādastatkarastadanantaram
śirastṛtīyamākhyātaṃ vāmahastamataḥparam
madhyādūrdhvaṃ pañcamaṃ syādadho'ṃśaḥ ṣaṣṭha īritaḥ
saptamo vāmapādaḥ syādayaṃ bhāgakramaḥ smṛtaḥ
saptasaptavibhāge vā prokteṣveṣu yathāvidhi
hutvaivamarcayitvainaṃ praṇameddaṇḍavat tataḥ
yajamāno dhanairdhānyaiḥ praṇamed gurumātmanaḥ
pradadyāddakṣiṇāṃ tasmai sahasraṃ śatameva vā
gavāṃ suvarṇaniṣkāṇāṃ bhūmiṃ vā śasyaśālinīm
sarvaśāntimavāpnoti sarvarakṣākṛtaṃ bhavet
iti śrīkṛṣṇavidyāvāgīśabhaṭṭācāryyaviracitāyāṃ ṣaṭkarmadīpikāyāṃ
navamoīśaḥ samāptaḥ
siddhanāgārjunakakṣapuṭam
yaḥ śāntaḥ paramālayaḥ paraśivaḥ kaṅkālakālāntako
dhyānātīta anādinityanicayaḥ saṅkalpasaṅkocakaḥ
ābhāsāntarabhāsakaḥ samarasaḥ sarvātmanā bodhakaḥ
so'yaṃ śarma dadātu nityajagatāṃ vidyādisiddhāṣṭakam
yā nityā kulakeliśobhitavapurbodhoditā jṛmbhate
pūrṇābhāmṛtakuṇḍalā paraparā mantrātmikā siddhidā
mālāpustakadhāriṇīṃ trinayanāṃ kundenduvarṇojjvalām
nityānandakulaprakāśajananīṃ vāgdevatāmāśraye
yeṣāṃ vaktrācchrutaṃ kiñcinmaṇimantrauṣadhādikam
tatkarmaṇi ratān pūrvaṃ praṇamāmi mahātmanaḥ
saṃsāre bahuvistīrṇe vidyāsiddhiranekadhā
proktavāñchaṅkaraḥ pūrvaṃ yadi pṛcchati pārvatī
anyairdevagaṇaiḥ siddhairmunideśikasādhakaḥ
yad yaduktaṃ hi śāstreṣu tatsarvamavalokitam
śāmbhave yāmale śāstre maule kauleya ḍāmare
svacchande kākule śauce rājatantre mṛteśvare
uḍḍīśe vātule tantre ucchiṣṭe siddhiśāvare
kiṅkiṇī merutantre ca kālacaṇḍeśvare mate
śākinī ḍākinītantre raudre'nugrahanigrahe

110.1.4

kautuke śākyatantre ca kriyākālaguṇottare
haramekhalake granthe indrajāle rasārṇave
ātharvaṇe mahāvede cārvāke gāruḍe'pi ca
ityevamāgamoktañca vaktrādvaktreṇa yacchrutam
etat sarvaṃ samuddhṛtya dadhnoghṛtamivādarāt
sādhakānāṃ hitārthāya mantrakhaṇḍamihocyate
vaśyamākarṣaṇaṃ stambhaṃ mohamūccāṭamāraṇam
vidveṣavyādhikaraṇaṃ paśuśasyārthanāśanam
kautukañcendrajālañca yakṣiṇīmantrasādhanam
ceṭakañcāñjanaṃ divyamadṛśyaṃ pādukāgatim
guṭikā khecaratvañca mṛtasañjīvanādikam
tathā kakṣapuṭausiddhāḥ sāṅgopāṅgamanekadhā
susādhyaṃ pratyayopetaṃ sādhakānāṃ hitaṃ priyam
tattanmantramukhaṃ jñātvā karttavyā siddhimicchatā
mantrasādhanakaṃ pūrvaṃ siddhayarthaṃ sādhakottamaiḥ
vinā mantravidhānena sa siddhiṃ labdhavān bhavet
atha kūrmacakram
atha mantrā'ṃśakaṃ vakṣye merutantre śivodite
mantrasādhakayorvarṇān svarāṃśca kramaśaḥ pṛthak
vidhāya siddhasādhyādyairgaṇayenmantravittamaḥ
anusvāraṃ visargañca jihvāmūlīyasaṃjñakam
saṃhitoccāraṇāt prāptaṃ kevalākṣarasaṃyutam
apabhraṃśākṣaraṃ tyaktvā sādhakaścātra śodhayet
vyañjanairvyañjanaṃ śodhyaṃ svarairnāma svarāstathā
ādyamādyena saṃśodhyaṃ dvitīyena dvitīyakam
anenaiva prakāreṇa śeṣā śodhyā yathākramam
ādyaṃ yadakṣaraṃ nāmnā gopanena tadāditaḥ
evaṃ mantrākṣaraṃ sthānaṃ māvāṅgāyāmayaṃ kramaḥ
catuṣkañca catuṣkañca parityajyaṃ punaḥ punaḥ
siddhasādhyasusiddhārisaṃjñayaiva yathākramam
evaṃ krameṇa sarveṣāṃ mantrāṇāṃ gaṇane kṛte
kiyat siddhaṃ kiyat sādhyamityādyapi vicintayet
yanvamantre bhavedetat siddhādīnāṃ catuṣṭayam

110.1.5

sa mantrasiddha ityuktaḥ sādhyo vai siddhivarjitaḥ
ripuvarjaṃ mantrayantraṃ sā susiddhirihocyate
susiddhimavihīnañca yantraṃ yacchatrubhūṣitam
ādisiddhāntasiddho'yaṃ madhyasiddho'thavā bhavet
susiddhaḥ sa tu vijñeyaḥ sādhakānāṃ phalapradaḥ
ādāvante susiddho'yaṃ trailokyamapi dāsyati
ādāvante ca sādhyo yaḥ so'tikālina sidhyati
ādāvante ca yaḥ śatruḥ sādhakaṃ mārayatyalam
siddhaḥ sidhyati kālena sādhyo'tha japahomataḥ
susiddhaḥ smaraṇāddevi ! ripusādhakamārakaḥ
evaṃ mantrāṃ'śakaṃ jñātvā susiddhaṃ siddhameva ca
sādhyañcāpi kacid grāhyaṃ siddhārthaṃ mantramuttamam
śāstrādvā guruvaktrādvā grāhayet sādhayet punaḥ
pure vā pattane grāme kaṭake sindhusaṅgame
vane copavane tīrthe mahāpīṭhe ca sāgare
parvate siddhavṛkṣe ca mūle vṛkṣe śmaśānake
guhāmātṛgṛhe puṇyakṣetre vā'tha mahānade
siddhamantre śivasthāne gṛhe vā'tha yathodite
dīpasthānaṃ suniścitya kūrmacakre susiddhidam
apavargaṃ likheddhīmān madhyato yāvaduttaram
kṣamīśānapade kṣetre vedāste netrakoṣṭhake
hṛdāsye bhujakukṣyaṅghi ṣpṛthagvargakramāt sthitāḥ
yadādi dīpasaṃjñāni teṣu kṣetrādhipālakaḥ
amṛtaṃ vṛṣabhañcaiva śūlarājañca vāsukim
amaraṃ ajarañcaiva pūjyaṃ śaktiyutaṃ tathā
yad yad yonimahāśaṅkhau jñeyastatrānukramāt
madhyāt pūrvāditaḥ pūjyā mantramatraiva kathyate
“om̐ amukakṣetrapāla amṛtadevīputra avatāra ! suvaliṃ nipitaṃ
gṛhṇa om̐ kha kha la la kha kha la la kṣetrapāla ! sarvavighnān hana
hana svāhā” | anena mantreṇa sarvakṣetrapālā amṛtādayaḥ pūjyāḥ
yatra yatra bhavedvarge kṣetrāṇāmādyamakṣaram

110.1.6

tanmukhaṃ śeṣavargeṣu karakukṣyaṅgikalpanā
mukhasthaḥ kṣobhayenmantro karasthaḥ svalpabhogabhāk
kukṣisthito hyudāsīnaḥ pādastho duḥkhamāpnuyāt
pucchasthito badhaṃ bandhaṃ tattadāpnoti niścitam
dīpasthānamataḥ kṣetraṃ jñātvā mantraṃ śucirjapet
kṣetrasādhanamantrāṇāmikamevādyamakṣaram
yadi syāt tad dhruvaṃ mantraṃ kṣiprameva susidhyati
japamālā bhedāḥ
japamālādisiddhāntā mantrāṇāṃ sādhanocyate
aṣṭottaraśatañcaiva catuḥpañcāśadevatāḥ
saptaviṃśamaṇirvā'tha karttavyā japamālikā
uttamā madhyamā hīnā tridhā proktā krameṇa tu
brahmagranyagranvitā proktā merutantre śivoditā
mantrapratyakṣatā siddhai śāntike vā'tha pauṣṭike
sphāṭiko mauktiko vā'pi protavyā sitasūtrakaiḥ
sarvakāmaprasiddhayarthaṃ japedrudrākṣamālayā
dharmārthakāmamokṣārthī japet padmākṣamālayā
sārasvate pravālotyā vaśye saiva prakīrttitā
padmarāgamayī vā'pi samaste putrajīvikā
vegāduccāṭayecchatrūn mahādevena bhāṣitam
gardabhasya hyadhodantairmaṇiṃ kṛtvā ca bālakaiḥ
japamālā prakarttavyā śatrūṇāṃ mārakarmaṇi
nāmnā pulyasya sūtreṇa protavyā kāryyasiddhidā
pretadantairathodbhūtā karttavyā japamālikā
sādhyadeha Nakhaiḥ keśaḥ grathitā dveṣakarmaṇi
maṇibhiḥ śaṅkhasambhūtairakṣamālārthasādhane
nidhānayakṣiṇīsiddhai protavyā sitasūtrakaiḥ
'japaprakārāḥ| aṅguṣṭhā'nāmikābhyāntu japeduttamakarmaṇi
aṅguṣṭhamadhyamābhyāntu japedākṛṣṭakarmaṇi
tarjanyaṅguṣṭhayogena vidveṣoccāṭane japaḥ
kaniṣṭhāṅguṣṭhakābhyāntu japenmāraṇakarmaṇi
udayād yāmaparyyantaṃ hemante pauṣṭike japet
yāmadvayaṃ pūrvarātre śiśire māraṇaṃ japet

110.1.7

vasante praharādūrddhaṃ yāmadvayamite japet
kāryyamākarṣaṇaṃ tatra mantrairiṣṭasya vastunaḥ
grīṣme tṛtīye yāme'bhihito dveṣakarmaṇi
tato'stamayaparyyantamuccāṭe toyadāgame
arddharātre niśānte ca japeccharadi śāntike
yasmin kasminnṛtau kāryyaṃ mantrāṇāṃ sādhanaṃ śubham
pūrvāhne vaśyapuṣṭyarthaṃ madhyāhne prītināśanam
uccāṭamaparāhne tu sandhyāyāṃ māraṇaṃ tathā
somadevagurupetā pauṣṭike'bhihitā budhaiḥ
aṣṭamī navamī caiva daśamyekādaśī tathā
śukrabhānusutopetā praśastā''kṛṣṭakarmaṇi
aṣṭamī paurṇamāsī ca pratipannavamī tathā
śukrabhānusutopetā praśastā dveṣakarmaṇi
tataścaturdaśī kṛṣṇā śanivāre tathā'ṣṭamī
uccāṭane'tiśasteyaṃ jape śaṅkarabhāṣitā
amāvāsyāṣṭamī kṛṣṇā tādṛśī ca caturdaśī
bhānunā tatsutopetā bhūsutenātha saṃyutā
mārayeddbhutaṃ homādrakṣitaṃ śambhunā'pi vā
evaṃ sidhyanti karmāṇi tithivārānusārataḥ
yathoktāsanamārūr̤ho japaṃ mantre samācaret
kuśājināmbare rakte caturaṅgulamūṅkhataḥ
caturasraṃ dvihastañca sudṛḍhaṃ mṛdunirmitam
tatropari niyuñjīta yogamantrasya siddhaye
vadannaśnan svapan vā'nyamāśrayan kimapi smaran
kṣuttṛḍjṛmbhaṇahikkādivikalīkṛtamānasaḥ
mantrasiddhiṃ na cāpnoti yasmād yatnaparo bhavet
vyāghracarmāsanaṃ vaśye mokṣe ca dhanasādhane
ākṛṣṭau yad yadiṣṭaṃ syāddhāraṇaṃ śāntipauṣṭike
uccāṭe māhiṣaṃ carma māraṇe narakeśajam
śāntike svastike proktaṃ pauṣṭike padmajāsanam
ākṛṣṭau pārṣṇikaṃ jñeyaṃ vidveṣe kukkuṭāsanam
arddhasvastikamuccāṭe arddhotthānantu māraṇe
mahākālyāśca durgāyā vaśye uktaṃ śivālaye
ākṛṣṭau niyamo nāsti vidveṣasya śmaśānake

110.1.8

uccāṭanaṃ kutsite ca śūnye devālayopari
śmaśāne kālikākṣetre pretamāruhya mantravit
dakṣiṇābhimukho bhūtvā dantaiḥ sampīḍya cādharam
ripuṃ smṛtvā japaṃ kurvan saptarātreṇa mārayet
vāsanā'tra yathā proktā karmaṣaṭkānurūpiṇī
śāntike saumyarūpā sā pauṣṭike vaśyakarmaṇi
kākolūkādibhiḥ śatruṃ bhakṣyamāṇaṃ mṛtaṃ smaret
ityevaṃ vāsanā kāryā sthānadhyānamathocyate
catuṣpatrāmbuje guhye kuryyānmūle manaḥ sthiram
rasamasiddhiṃ tathā vaśyamākṛṣṭiṃ kālavañcanam
japanādviṣabhūtādi-kāryyārambhaṃ gamāgamau
sārasvataṃ stambhanañca vāmavāhena sādhayet
hṛtyadmakaṇikāṃ dhyāyan sthiracittena yojayet
labhate pauṣṭikīṃ siddhiṃ śatrūccāṭanamāraṇe
vidveṣe ravivāheṇa varanārīvimohanam
śāntikaṃ pauṣṭikaṃ vaśyaṃ sādhayecchaṅkaroditam
bhruvormadhye dvipatre ca dakṣavāheṇa sādhayet
kṣudravidyā mahāvidyā mokṣakautūhalāni ca
yasya mantrasya yaddānaṃ dhyāyet sthānagataṃ budhaḥ
athavā sarvamantrāṇāṃ dhyānaṃ siddhikaraṃ śṛṇu
kacaṃ bindugataṃ dhyātvā prāṇaśaktisamutthitam
śuddhasphaṭikasaṅkāśaṃ śāntike pauṣṭike śubhe
sārasvate rase mokṣe khecaratve rasātale
sā raktā sarvavaśyeṣu stambhane mohane'pi ca
ākarṣaṇe brahmavāde kautuke siddhidāyinī
pītā tūccāṭane dveṣe kṛṣṇā māraṇakarmaṇi
evaṃ dhyātvā japaṃ kuryyānmānasopāṃśuvācikam
śāntike pauṣṭike mokṣe mānasaṃ japamācaret
vaśyākṛṣṭyāvupāṃśu syādvācikaṃ kṣudrakarmaṇi
śanaiḥ śanaiḥ suvispaṣṭaṃ na drutaṃ na vilambitam
japaṃ sapraṇavaṃ kuryyāt sarvakarmārthasiddhaye
japaprārambhakāle tu mantrāyārghyaṃ pradāpayet
nātiriktañca nyūnañca japaṃ kuryyāt suniścitam

110.1.9

japtasya ca daśāṃśena homaṃ kuryyāddine dine
athavā lakṣaparyyantaṃ homaḥ kāryyo vipaścitā
gavyakṣīrājyamadhubhirvaśyapauṣṭikakarmaṇi
trikoṇe vṛttakuṇḍe vā vāyavyābhimukho hunet
lavaṅgaṃ śrīphalaṃ jātī priyaṅguṃ kiṃśukaṃ tathā
pañcadravyairmitaṃ homaṃ kuryādākṛṣṭakarmaṇi
lavaṅgaikena vā kuryāt tathā tiryyagudaṅmukhaḥ
kāryā samastatantroktā tathā vārāṭavojakam
vidveṣe juhuyānmantrau rākṣasīdikkṛtānanaḥ
auḍumbaravaṭāśvatthaplavavījairghṛtaplutaiḥ
uccāṭane matyakuṇḍe juhuyāt pāvakānanaḥ
ajāsarpiñca tatkṣīraṃ vījaṃ kārpāsasambhavam
dagdhāsthinaramāṃsañca sādhyaromanakhāstathā
aṣṭottarasahasrañca vajrakuṇḍe'nalotthite
dakṣiṇāsyastu pañcatve juhuyānmārayedripūn
athavā yatra yad dravyaṃ proktaṃ mantrasya siddhaye
tathā homaḥ prakarttavyaḥ śāstradṛṣṭena karmaṇā
pūjayitvā'tha hutvā'tha japtvā dhyātvā'tha devatām
mṛdu soṣṇaṃ supakvañca bhuñjīta laghubhojanam
yadvā tadvā parityajya duṣṭānāṃ kutsitodanam
śastamannantu bhuñjīyājjitātmā siddhibhāg bhavet
anyathā bhojane doṣaḥ siddhihāniśca jāyate
iti sarvaṃ śivenoktaṃ mantrāṇāṃ sādhanaṃ śubham
anuṣṭhito yathā nyāyaṃ yadi mantro na sidhyati
punastāvadanuṣṭheyaṃ tataḥ siddho bhavatyalam
punastvanuṣṭhito mantro yadi siddho na jāyate
upāyāstatra karttavyāḥ sapta śaṅkarabhāṣitāḥ
śivoktopāyāntarāṇi
drāvaṇaṃ bodhanaṃ vaśyaṃ pīr̤anaṃ śoṣapoṣaṇam
dahanāntaṃ kramaṃ kurvvataḥ siddho bhaved dhruvam
drāvaṇaṃ vāruṇe bīje grathanaṃ kramapoṣataḥ
tanmātrādyantamālikhya śilākarpūrakuṅkumaiḥ
uśīrarocanābhyāñca mantraṃ saṃgrathitaṃ likhet

110.1.10

kṣīrājyatoyamadhubhirmadhye taṃ likhitaṃ kṣipet
pūjanājjapanāddhomādrocitaḥ siddhido dhruvam
drāvito'pi na siddhayed bodhanāttantu kārayet
sārasvatena bījena sampuṭīkṛtya sañjapet
evaṃ buddho bhavet siddho no cettarhi vaśīkuru
āraktacandanaṃ kuṣṭhaṃ haridrāṃ madanaṃ śilām
etaistu mantramālikhya bhūrjapatre suśobhane !
dhāryyaṃ kaṇṭhe bhavet siddhivaśyametat prakīrttitam
vaśīkṛto na siddhayet pīr̤anaṃ tasya kārayet
adharottarayogena yadā tu parijapyate
dhyāyī tadaiva taṃ tadvadadharottararūpiṇī
vidyāmādityamugdhe tu likhitvā kasya vā'ṅgiṇā
tathā bhūtena mantreṇa homaḥ kāryyo dine dine
pīr̤ite lajjayāviṣṭaḥ siddhaḥ syādvātha poṣayet
nityāyāstraipuraṃ bījamādyante tasya yojayet
gokṣīrairmadhunā likhya vidyāṃ pāṇau vidhārayet
poṣito'tī bhavet siddho no cet kāryyasya śoṣaṇā
dvābhyāṃ dvābhyāñca bījābhyāṃ mantraiḥ kuryyādvidarbhaṇam
eṣā vidyā gale dhāryyā likhitvā vaṭabhasmanā
śoṣito'pi na siddhayeddahanīyo'gnivījataḥ
āgneyena ca bījena mantrasyaikaikamakṣaram
ādyantamadha ūrddhantu yojayeddāhakarmaṇi
brahmavṛkṣasya tailena mantramālikhya dhārayet
kaṇṭhadeśe tato mantrasiddhiḥ syācchaṅkaroditam
ityevaṃ sarvamantrāṇāmupāyaḥ śambhunoditaḥ
sarvavaśīkaraṇam
ekacittasthito mantrī mantraṃ japtvā'yutadvayam
tataḥ kṣobhayate lokān darśanādeva sādhakaḥ

110.2

vidārīvaṭamūlantu jalena saha gharṣayet
vibhūtyā saṃyutaṃ mantrī tilakaṃ lokavaśyakṛt

110.3

puṣye punarnavāmūlaṃ rudradantīyamūlikā
yavabījaṃ tathā baddhvā kare saptābhimantritam
pūjyo bhavati sarvatra mantramatraiva kathyate
“śrīṃ aiṃ puraṃ kṣobhaya bhagavati ! gambhīraya klīṃ svāhā”
japtvā siddhimavāpnotīmamantramayutadvayam

110.4

udbhrāntapatraṃ mañjiṣṭhāṃ kakubhaṃ tagaraṃ samam
khāne pāne tathā sparśe datte vaśyaṃ bhavatyalam

110.5

siṃhaumūlaṃ haret puṣye kaṭyāṃ baddhvā jagatpriyaḥ
niśi kṛṣṇacaturdaśyāṃ mahānīlīṃ śmaśānataḥ
uddhṛtya naratailena añjane lokavaśyakṛt

110.6

tanmūlaṃ svasya śukreṇa añjane lokavaśyakṛt
tanmūlaṃ bandhayeddhaste sarvalokapriyo bhavet

110.7

candrapuṣye samuddhṛtya brahmadaṇḍīyamūlakam
bhojayet sarvasattvānāṃ vaśīkaraṇamadbhutam

110.8

ulūkahṛdayaṃ tulyaṃ kumārīrocanaṃ sudhīḥ
añjanaṃ locane vaśyamānayedbhuvanatrayam
“oṃ namo mahāyakṣiṇi amukaṃ me vaśamānaya svāhā |”
mantrasya pūrvaṃ hyayutaṃ subodhaḥ
japvaiva śāntāsanaśuddhacittaḥ
udbhrāntapatrādi suyogasaṅgān
śatābhimantrānsaphalān karoti

110.6-2

sarveṣāmeva mantrāṇāṃ mantradhyānaṃ pṛthak pṛthak
uktasthāne yathāsaṃkhyamanukte tvayutaṃ japet

110.10

mṛgaśīrṣe tu saṃgrāhāṃ suraktakaravaurakam
navāṅgulaṃ kīlakantu saptavārābhimantritam
yasya nāmnā khanedbhamau sa vaśyā bhavati dhruvam
“oṃ aiṃ svāhā” prathamamayutajapaḥ

110.11

apāmārgasya kīlantu mūlamutpādya tryaṅgulam
saptābhimantritaṃ yasmin gṛhe kṣipte vaśī bhavet
“oṃ madanakāmadevāya phaṭ svāhā |”
śatamaṣṭottaraṃ japtvā pūrvamevābhavannaraḥ
siddho bhavati tatsatyaṃ tilakaṃ kurute vaśam

110.12

svayambhūqasumaṃ vastre gṛhītvā tripathe dahet
śanibhaumasya vāre vā tadbhasma tilakaṃ kṛtam
vaśaṃ nayati rājānamanyalokeṣu kā kathā
“oṃ namo bhairavītaraṃ ājñākāle kamalamukhe rājamohane
prajāvaśīkaraṇe strīpuruṣarañjani lokavaśyamohani ! me so'haṃ
oṃ guruprasādena”

110.13

rātrau kṛṣṇacaturdaśyāṃ lāṅgalīmūlamuddharet
śvetacchāgalikāgarbhe śayyāyāṃ nagnatailakam
kṣaudratālakasaṃyuktaṃ tilakaṃ sarvavaśyakṛt

110.14

ajamodasya mūlena turagīgarbhaśayyayā
haritālañca saṃmpiṣya guṭikā mukhamadhyagā
yad yasmād yācate vastu tattadeva dadātyasau
“oṃ aśmakarṇeśvari durbale ārdrakeśikajaṭākalāpe | ḍhakkāra
phetkāriṇi ! svāhā”

110.15

vaṭapatraṃ varhiśikhātulyaṃ syāllokavaśyakṛt
viṣṇukrāntāṃ bhṛṅgarājaṃ rocanaṃ sahadevikām
śvetāparājitāmūlaṃ kanyāhaste pralepayet
vāriṇā tilakaṃ kuryyāt sarvalokavaśaṅkaram

110.16

raktāśvamārapuṣpañca kuṣṭhañca śvetasarṣapam
śvetārkamūlaṃ tagaraṃ śvetaguñjāñca vāruṇīm
puṣyayuktā'sitāṣṭamyāṃ caturdaśyāṃ tathāvidham
peṣayet kanyakāhaste † tilakaṃ sarvavaśyakṛt

110.17

apāmārgasya mūlantu peṣayedrocanena tu
lalāṭe tilakaṃ kṛtvā vaśīkuryyājjagattrayam
“oṃ namo varajālinī sarvalokavaśaṅkarī svāhā”| ayaṃ
mantra uktayogānām | aśottarasahasrajapāt siddhiḥ

110.18

ulūkacakṣurādāya gorocanasamanvitam
vāriṇā saha dātavyaṃ pānāddṛśyakaraṃ param

110.16-2

ulūkasya tu karṇau dvau caṭakasya vilocanam
taccūrṇaṃ tilake pāne bhakṣaṇe gandhapuṣpayoḥ
kṣipedvā mastake yasya sa vaśyo jāyate'cirāt

110.20

māṃsaṃ grāhyamulūkasya kuṅkumāgurucandanam
gorocanasamaṃ piṣṭaṃ bhakte pāne jagadvaśam
striyo vā puruṣo vā'pi sahasrajapanādbhavet
“oṃ hrīṃ hrīṃ hraḥ hraḥ hraḥ phaṭ namaḥ”

110.21

kṛtopavāso gṛhṇīyāt samūlāñcendravāruṇīm
uttarābhimukhenaiva kuṭṭayet tadulūkhale
tatkalkaṃ.trikaṭuṃ tulyamajāmūtreṇa peṣayet
chāyāśuṣkāṃ vaṭīṃ kuryyāt sā vaṭī raktacandanam
ghṛṣṭvā'tha svāṅgulīṃ liptā tayā spṛṣṭe jagadvaśam

110.22

sā vaṭī devadāruśca tulyañca sitacandanam
jale ghṛṣṭvā vilepāya dattaṃ yasya bhavedvaśaḥ

110.23

sā vaṭī rocanaṃ tulyaṃ kṛtvā toyena peṣayet
anena tilakaṃ kṛtvā sarvatra vijayī bhavet
mantrastu |—“oṃ namaḥ śacī indrāṇī sarvavaśaṅkarī sarvārthasādhinī svāhā” | asya sahasre japte pūrvayogasiddhiḥ

110.24

kṛṣṇapakṣacaturdaśyāmaṣṭamyāṃ vā upoṣitaḥ
baliṃ dattvā samuddhṛtya sahadevīṃ sucūrṇayet
tāmbūlena tu taccūrṇaṃ yojyaṃ vaśyakaraṃ param

110.25

rocanā sahadevībhyāṃ tilako vaśyakārakaḥ
manaḥśilā ca tanmūlamañjayet sarvavaśyakṛt

110.26

tāmbūlāntaśca saptāhaṃ sahadevīṃ prayojayet
rājā vaśamavāpnoti sarvalokeṣu kā kathā

110.27

śirasā dhārayettacca cūrṇaṃ sarvatra vaśyakṛt
mukhe kṣiptvā'tha tanmūlaṃ kacyāṃ baddhā ca kāmayet
yā nārī sā bhavedvaśyā mantrayogena nānyathā
mantrastu |—“oṃ namo bhagavati mātaṅgeśvari sarvamukharañjani
sarveṣāṃ mahāmāye mātaṅgikumārike ! lepe laghu laghu vaśaṃ kuru
kuru svāhā”| sahasrajapte uktayogānāṃ siddhiḥ

110.28

sunirvātacitā'ṅgāraṃ śṛgālarudhiraiḥ saha
yasyaiva śirasi kṣiptaṃ sa vaśyo bhavati dhruvam

110.26-2

śikhipittañca gorambhā mohinī rocanī śikhā
peṣayet kanyakāhastaiḥ sparśa pāna jagaddaśam

110.30

śvetāparājitāmūlaṃ candragrahaṇe uddhṛtam !
añjitākṣo narastena trilokīlokavaśyakṛt

110.31

meghanādasya mūlantu vaktrasthaṃ vaśyakārakam
paravādī bhavenmūko'thavā yāti digantaram

110.32

grāhyaṃ kṛṣṇacaturdaśyāṃ śvetaguñjīyamūlakam
tāmbūlena pradātavyaṃ sarvalokavaśaṅkaram

110.33

śilārocanatanmūlaṃ vāriṇā tilake kṛte
sambhāṣaṇena sarveṣāṃ vaśīkaraṇamuttamam

110.34

svarṇaveṣṭitatanmūlaṃ samudraṃ kārayedbudhaḥ
tadvākyādvaśamāyāti prāṇairapi dhanairapi

110.35

carvayitvā tu tanmūlaṃ tenaiva tilakaṃ kṛtam
dṛṣṭamātre vaśaṃ yāti nārī vā puruṣo'pi vā
mantrastu |—“oṃ vajrakiraṇe śive rakṣa rakṣa bhagavati mamādi
amṛtaṃ kuru kuru svāhā”| uktayogānāṃ sahasrajape siddhiḥ

110.36

kṛtopavāso mantrī tu puṣye kṛṣṇāṣṭamīyute
puṣpadhūpabaliṃ dattvā ghṛtenaiva tu dīpayet
dattvā mantraṃ japettatra aṣṭādhikasahasrakam
atha mantraḥ |—“oṃ śvetavarṇe sitaparvatavāsini apratihite
mama kāryaṃ kuru kuru ṭhaḥ ṭhaḥ svāhā”
śvetaguñjāphalaṃ grāhyaṃ tat sthānāt mṛttikāyutam
ghṛtena lepayet sarvaṃ navapātre tu śobhane
kṣiptvā kṛṣṇacaturdaśyāmaṣṭamyāṃ bhuvi vikṣipet
samantreṇodakenaiva siñcennityaṃ phalāvadhi
punaḥ puṣye śucirbhūtvā sopavāso jitendriyaḥ
dhūpadīpopahārādyairnyāsaṃ kṛtvā samuddharet
asya ca mūlamantrasya pūrvamevāyutaṃ japet
daśāṃśaṃ havanaṃ kuryāt tiladūrvāghṛtaplutam
evaṃ kṛtvā samuddhṛtya guñcāmūlaṃ susiddhidam
tanmūlaṃ candanaṃ śvetaṃ lepaḥ syādvaśyakārakaḥ
tanmūlaṃ madhunā yuktaṃ lepaḥ sarvatra vaśyakṛt

110.37

manaḥśilāñca tanmūlaṃ vāriṇā śvetacandanam
ghṛṣṭvā tattilakaṃ kuryāt sarvalokavaśaṅkaram

110.36-2

tanmūlaṃ sarṣapaṃ śvetaṃ priyaṅguñca samaṃ samam
cūrṇitaṃ mastake yasya kṣipet tadvaśyakṛdbhavet
vāsāmūlaṃ priyaṅguñca kuṣṭhaile nāgakeśaram
śvetasarṣapasaṃyukto dhūpaḥ sarvavaśaṅkaraḥ
“oṃ kāmini mārdhāva namaḥ” | anena dhūpamabhimantrayet | athānena mantreṇa śatamabhimantritaṃ puṣpaṃ yasya dīyate, yasya ca nāmnā
nityaṃ saptagrāsamannaṃ bhujyate, saptadinena sa vaśyo bhavati
mantrastu |—“oṃ kaṭaṃkaṭe ghorarūpiṇi ! ṭhaḥ ṭhaḥ” | asya mantrasya
uktasiddheśca pūrvvamantravat

110.40

“oṃ ghaṇṭākarṇāya namaḥ” | asya pūrvvamevāyutaṃ japtvā tato'nena mantreṇa pāṣāṇaṃ saptābhimantritaṃ kṛtvā pattane vā grāme
kṣipet, vā tena pāṣāṇena vṛkṣaṃ tār̤ayet | grāmamadhye aprārthitaṃ
sukhabhogaṃ prāpnoti

110.41

kandabādho japellakṣadvayaṃ mantrasya sādhakaḥ
ghṛtāktairguggulairhomairdevī saubhāgyadāyinī
trailokyaṃ vaśamāyāti sṛṣṭamātre na saṃśayaḥ
“klīṃ janake svāhā”

110.42

yakṣamantreṇa saṃtāḍyaḥ saptadhā kṣīrabhūruhaḥ
tatkāṣṭhañcaiva saṃgrāhyamekaviṃśatimānvitam
dhārayeddakṣiṇe karṇe annamaprārthitaṃ labhet
“oṃ mahāyakṣasenā'dhipataye māṇibhadrāya aprārthitamannaṃ dehi
me dehi svāhā”

110.43

aśvatthavṛkṣamārūḍhaḥ pūrvvamevāyutaṃ japet
karavīrakapuṣpañca saptamantrābhimantritam
tatpuṣpaṃ dīyate yasya sa vaśyastatkṣaṇādbhavet
“oṃ namo bhagavate rudrāya siddharūpiṇe śikhibandha sarvveṣāṃ
śivamastu śivamastu hana hana rakṣa rakṣa sarvabhūtebhyaśca namaḥ”

Linked texts (14)

Ajñānadhvāntadīpikā — Sanskrit
Merutantra — Gommaṭa, Sanskrit
Puraścaryārṇava — Sanskrit
Kaulāvalīnirṇaya — Jñānānanda Paramahaṃsa 1500, Sanskrit
Phetkāriṇītantra — Sanskrit
Indrajāla — Śivaśarman, Sanskrit
Indrajāla (Nityanātha) — Nityanātha, Sanskrit
Kakṣapuṭa — Siddha Nāgārjuna, Sanskrit
Ḍāmaratantra — Sanskrit
Merutantra (Śiva) — Śiva, Sanskrit
Siṃhasiddhāntasindhu — Śivānanda Gosvāmin, Sanskrit
Saradatilaka (ed. Arthur Avalon) — Sanskrit
Uḍḍīśatantra (Śrīnātha) — Śrīnātha, Sanskrit
Auḍḍīśaśāstra — Sanskrit

Indrajalavidya 110

Contents

Linked texts (14)