Indrajalavidya 114
Indrajālavidyā 114
- Language
- Sanskrit
114.1
pārāvatasya hṛccakṣuḥ svaraktaṃ rocanaṃ tathā
jihvāmalasamāyuktamañjane strī vaśībhavet
114.2
rocanaṃ citibhasmāpi naratailaṃ svaśukrakam
piṣṭe piṣṭvā pradātavyaṃ sadyo vaśyāḥ parastriyaḥ
114.3
citibhasma vasā kuṣṭhaṃ tagaraṃ kuṅkumaṃ samam
cūrṇaṃ strīśirasi kṣiptvā puruṣasya tu pādayoḥ
svadāsadāsatāṃ yāti yāvajjīvaṃ na saṃśayaḥ
114.4
unmattaṃ mātuluṅgañca svaraktaṃ malapañcakam
ceṭikā hṛdayañcaiva bhakte pāne striyo vaśāḥ
114.5
triṃśat caṇakabījāni ṣoḍaśendrayavāstathā
godantaṃ naradantañca piṣṭvā tailena lepayet
lalāṭe tilakaṃ kṛtvā vaśīkuryyāt tilottamām
114.6
ṭaṅgaṇaṃ madhuyaṣṭī ca rocanaṃ citibhasma ca
kārkajihvāsamaṃ kṣaudraṃ tilake strī vaśībhavet
114.7
puṣye puṣpañca saṃgrāhyaṃ bharaṇyāntu phalaṃ tathā
śākhāñcaiva viśākhāyāṃ haste patraṃ tathaiva ca
mūle mūlaṃ samuddhṛtya kṛṣṇonmattasya ca kramāt
piṣṭvā karpūrasaṃyuktaṃ kuṅkumaṃ rocanaṃ samam
tilake strī vaśaṃ yāti yadi sākṣādarundhatī
114.8
kākajaṅghāṃ vacāṃ kuṣṭhaṃ vilvapatrañca kuṅkumam
svaraktasaṃyutaṃ bhāle tilakaṃ dāravaśyakṛt
114.6-2
kākajaṅghāṃ vacāṃ kuṣṭhaṃ śukraśoṇitasaṃyutam
śmaśāne roditi sadā bālā dattoktabhojanā
114.10
kalaviṅkaśirastulyaṃ śvetārkasya ca mūlakam
mañjiṣṭhā khadiraṃ pāne datte kāntāṃ vaśaṃ nayet
114.11
sarpatvagbījapūrañca tailameraṇḍajaṃ samam
yoṣitāṃ mohakṛddhūpo ratikāle prayojayet
114.12
aśvinyāṃ grāhayeddhīmān palāśasya ca bandhakam
kare baddhvā bhajed yāntu nāyikā vaśagā bhavet
114.13
oḍumbarasya bandhantu mṛgaśīrṣe samāharet
haste baddhvā spṛśet kanyāṃ sā vaśyā bhavati kṣaṇāt
114.14
śirīṣasya dhaniṣṭhāyāṃ bandhamādāya bandhayet
kare vā dhātakībandhaṃ svātau rāmāṃ vaśaṃ nayet
114.15
aśvinyāṃ grāhayeddhīmān palāśasya ca bandhakam
kare baddhvā spṛśed yāntu nāyikā sā vaśā bhavet
114.16
revatyāṃ vaṭaśṛṅgañca haste baddhā vaśaṃ nayet
mūle vā badarīrandhraṃ bhojane strī vaśā bhavet
114.17
svarṇe tārapuṣyamūlaṃ ghṛṣṭvā spṛṣṭe striyo vaśāḥ
etān sarvvaprayogāṃśca caṇḍamantreṇa yojayet
śatamaṣṭottaraṃ japtvā tataḥ siddho bhavatyalam
114.18
mārgaśīrṣe tu pūrṇiāyāṃ śikhimūlaṃ samuddharet
mantreṇa † dāpayet strīṇāṃ khādyeṣvvāsāṃ vaśaṅkaram
114.16-2
śvetaguñjābhavaṃ mandre mūlaṃ pañcamalānvitam
bhakṣye pāne ca dātavyaṃ vaśye vāmāvaśaṅkaram
114.20
prātaḥ svadantaṃ prakṣālya saptavārābhimantritam
yasya nāmnā pibettoyaṃ sā vāmā vaśagā bhavet
“oṃ namaḥ kṣipraṃ kāminīṃ amukīṃ me vaśamānaya huṃ phaṭa
svāhā”
114.21
anyonyaṃ melayelliṅgaṃ yā nārī vīkṣate ciram
hakārāntaṃ japettāvat sā nārī vaśagā bhavet
nāgapuṣpaṃ priyaṅguñca tagaraṃ padmakeśaram
vacāṃ māṃsīṃ samānīya cūrṇayenmantravittamaḥ
svāṅgantu dhūpayettena bhajanti kāmavat striyaḥ
“oṃ mūli mūli mahāmūli ! rakṣa rakṣa sarvvāsāṃ cettebhyo
parebhyaḥ svāhā”
114.22
jihvāmalaṃ dantamalaṃ nāsākarṇamalaṃ tathā
surāpāne pradātavyaṃ vaśīkaraṇamadbhutam
“oṃ namaḥ savāyai namaḥ savānyai ca amukīṃ me vaśamānaya
svāhā”
114.23
vāñcālakasya mantreṇa puṣpaṃ saptābhimantritam
phalaṃ vā dīyate'vaśyaṃ samyagvaśyakaraṃ param
“oṃ namo vācāṭa patha patha hiṭi drāvahi svāhā”
114.24
apāmārgasya madhye tu caturaṅgulakīlakam
saptābhimantritaṃ grāhyaṃ kṣipedveśyāgṛhe vaśā
“oṃ drāviṇī svāhā” “oṃ hamile svāhā”
114.25
ulūkanetramāṃsañca candanañcaiva rocanam
kuṅkumaṃ matsyatailañca dehābhyaṅgādvaśāḥ striyaḥ
“oṃ hrīṃ hrīṃ plūṃ plūṃ phaṭ namaḥ”
114.26
vidhinā kṛkalāsasya pādaṃ saṃgṛhya dakṣiṇam
saṃveṣṭya ratikāle tu mukhasthe nāyikā vaśāḥ
tasyaiva vāmanetreṇa madhutailena cāñjayet
yāṃ paśyati naro mattaḥ vāmā sā tatkṣaṇādvaśā
“oṃ ānanda brahmā svāhā” “oṃ hrīṃ klīṃ plāṃ kāli
kapāli ! svāhā”
114.27
tasyaiva dakṣanetrañca sauvīraṃ madhunā saha
añjitākṣasya sā vaśyā yā strī rūpātigarvitā
“oṃ pūjitāya svāhā”
114.28
trisandhyantu japenmantraṃ manmathasya śataṃ śatam
sanmantrāt kāminī māsānmohayatyeva darśanāt
“oṃ namaḥ kāmadevāya sahakala sahadaśa sahayama sahālime
hṛdaye dhunana janaṃ mama darśanam utkaṇṭhitaṃ kuru kuru dakṣadaṇḍadhara
kusumaṃ bāṇena hana hana svāhā”
114.26-2
kāmākrāntena cittena nāmnā mantraṃ japenniśi
avaśyaṃ kurute vaśyaṃ prasanno viśvaceṭakaḥ
“oṃ sahavallīṃ vallīṃ karavallīṃ kāmapiśāca amukīṃ kāmaṃ
grāhaya svapnena mama rūpeṇa nakhairvidāraya drāvaya svedena bandha
śro phaṭ
114.30
caṇḍamantreṇa homāni vaśyārthe kārayet sudhīḥ
pūrvamevāyute japte siddhiḥ syāddaśyakārakaḥ
114.31
lavaṇaṃ tilasaṃyuktaṃ kṣīramadhvājyasaṃyutam
saptāhādrūpahīno'pi vaśīkuryāttilottamām
114.32
rājikā lavaṇaṃ kṣīramadhvājyairmiśritaṃ hutam
saptāhena vaśaṃ yāti yā rāmā rūpagarvitā
114.33
aṣṭottaraśataṃ kāṣṭhamairaṇḍaṃ caturaṅgulam
lavaṇaṃ kaṭutailañca tribhirekatra homayet
aṣṭottaraśataṃ juhvan yannāmnā sā vaśā bhavet
114.34
mahānimbasya puṣpāṇi ghṛtena saha homayet
saptarātre vaśaṃ yāti yadi rāmā manoramā
mantrastu |—“oṃ hrīṃ raktacāmuṇḍe turu turu amukīṃ me vaśa
mānaya svāhā”
114.35
gomuṇḍatritaye cullīṃ kṛtvā paścānnṛmuṇḍake
pātre śālontu tallājāṃścūrṇayettardbahirgatān
pātrasthantu pṛthak cūrṇaṃ mūrdhni kṣitte vaśāḥ striyaḥ
antargatena cūrṇena kṣiptaṃ vaśyaṃ nivarttate
siddhiyogo hyasaṃkhyāto vinā mantreṇa siddhidaḥ
114.36
gardabhasya śiro majjāṃ pūrayennarapātrake
bhṛṅgarājarasairbhāvyā varttiḥ kārpāsasambhavā
saptavārantu sā śuṣkā majjā pātre pradīyate
kajjalaṃ narapātre tu śanivāre samuddharet
tenāñjayedvaśīkuryāt kāminīntu vilokanāt
114.37
śilā tālaṃ svavīryyañca aṅkolatailamiśritam
gajagaṇḍamadonmiśraṃ tilakaṃ strīvaśaṅkaram
114.38
manaḥśilā priyaṅgaśca nāgakeśararocanam
añjitākṣo naro rāmāṃ vaśīkuryānmanoramām
114.36-2
priyaṅguśca vacā patraṃ rocanā'ñjanacandanam
añjitākṣo naro rāmāṃ dṛṣṭvā mohayati dhruvam
114.40
somarājī ravermūlaṃ mūlaṃ vā cakramardajam
kaṭisyaṃ naranāryorvā parasparavaśaṅkaram
114.41
kṛṣṇāṣṭamyāṃ caturdaśyāṃ pītadhustūramūlakam
hematāraṃ puṭaṃ kuṣṭhaṃ devadāru samaṃ samam
cūrṇaṃ strīṇāṃ śiraḥkṣiptaṃ puṃso vā'tha vaśaṅkaram
114.42
jalena saha ghṛṣṭvā tu saudhāmalakamañjayet
tilake vā kṛte vaśyaṃ kuryyāt strīmaṇḍalaṃ kṣaṇāt
114.43
indravāruṇikāmūlaṃ puṣye nagnaḥ samuddharet
kaṭutayairgavāṃ kṣīraiḥ piṣṭvā taddhaṭakīkṛtam
candanena samāyuktaṃ tilakaṃ strīvaśaṅkaram
114.44
barbūrabrahmakaṃ svātyāṃ vadyāttvanurādhayā
brahmaṃ vā dhārayeddhaste pṛthak strīvaśyakārakau
114.45
ūrddhapuṣpī adhaḥpuṣpī lajjālugirikarṇike
saptāhaṃ bhāvayecchukre pañcāṅgamalasaṃyute
khāne pāne pradātavyaṃ nārīvaśyakaraṃ param
114.46
śuklapakṣayute puṣye saṃgrāhyaṃ ratisaṅgame
yonisyamubhayorvīryaṃ yatnato vāmapāṇinā
tena spṛṣṭāḥ striyo vaśyā vāmapāṇitale kila
kṛṣṇapakṣayute puṣye pūrvavat strīvaśā bhavet
114.47
vacā śvetārkalāṅgalyāai lajjālī viṣamuṣṭikā
tulyaṃ tulyaṃ pracūrṇyātha sūkṣmaṃ stanapayaḥsutam
dhustūraphalamadhyasthamekīkṛtya prayojayet
kāmabāṇamidaṃ khyātaṃ bhojane strīvaśaṅkaram
uktānāṃ sarvayogāṇāṃ caṇḍamantreṇa mantraṇam
siddhyanti nātra sandehaḥ pūrvamevāyute kila
114.48
pānīyasyāñjalīn sapta dattvā vidyāmimāṃ japet
sālaṅkārāṃ naraḥ kanyāṃ labhate māsamācataḥ
mantrastu |—“om̐ viśvāvasurnāma gandharvaḥ kanyakānāmadhipati
surūprāṃ sālaṅkārāṃ dehi me namastasmai viśvāvasave svāhā”
114.46-2
supeṣaṃ lāṅgalākandaṃ madhupiṣṭaṃ vilepayet
nābhāai yonau ca kanyāyā bālā bhavati kāminī
“om̐ drāvikāsāya svāhā”
Linked texts (4)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Ḍāmaratantra — Sanskrit
- Kakṣapuṭa — Siddha Nāgārjuna, Sanskrit