Indrajalavidya 116
Indrajālavidyā 116
- Language
- Sanskrit
116.1
atha pativaśyam
mālatīpuṣpasaṃyuktaṃ kaṭutailaṃ supācitam
etalliptabhagā nārī ratau mohayate patim
116.2
khañjarīṭasya māṃsañca madhunā saha peṣayet
anena yonilepena patirdāso bhavatyalam
karpūraṃ devadāruśca sakṣaudraṃ pūrvavat phalam
116.3
saindhavena tilān bhāvya saptavāraṃ punaḥ punaḥ
taddṛṣṭvā lepayed yoniṃ patirdāso ratau bhavet
116.4
sauvarcalaṃ vacā sindhu maunapittaṃ vasā ghṛtam
sauvīrañca samaṃ piṣṭvā yonilepe patirvaśaḥ
116.5
pañcāṅgaṃ dār̤imaṃ piṣṭvā śvetasarṣapasaṃyuktam
yonilepe patiṃ dāsaṃ karotyapi ca durbhagā
mantrastu |—“oṃ kāmamālini ṭhaḥ ṭhaḥ”
saptābhimantrite siddhiḥ proktayogeṣu sammatā
116.6
rocanaṃ matsyapittañca piṣṭvā tu tilake kṛte
vāmahastakaniṣṭhāyāṃ patirdāso bhavatyalam
116.7
svayonāvṛtukāle tu rocanaṃ nikṣipet punaḥ
svapuṣpaṃ bhāvayet tena tilakaṃ pativaśyakṛt
116.8
dhustūrabījacūrṇantu saptāhaṃ bhāvayenmalaiḥ
sarvadvārodbhavaistena khāne pāne patirvaśaḥ
116.6-2
putrajīvasya raktā ca mohinī girikarṇikā
śvetāparājitāmūlaṃ samāṃśaṃ cūrṇamadhyataḥ
dīyate paścime rātrau satāmbūle'tivaśyakṛt
116.10
suśvetaṃ kaṇṭakāryāśca mūlañca girikarṇikā
tāmbūlena pradātavyaṃ dāsavat kurute patim
116.11
samūlacūrṇāṃ bhūdhātrīṃ vastre baddhā niveśayet
navanīte vinirkṣiptaṃ taccūrṇaṃ pācayed ghṛte
taddhṛtaṃ bhojane deyaṃ patirdāso bhavatyalam
116.12
puṃbinduṃ grāhya kārpāsādratāvante svayonigam
sajīvamaṇḍūkamukhe kārpāsaṃ taṃ vinirkṣipet
kanyāvarttitasūtreṇa puṃpādāntaṃ śiro milet
khaṭvāṅgaṃ veṣṭayet sūtre catuṣpādaṃ tataḥ punaḥ
tena sūtreṇa maṇḍūkaṃ baddhā'syaṃ hrāṇḍikāntare
ruddhā tannikhanedbhūtau patirvaśyo bhavatyalam
anyatra ṣaṇḍo madano bhavatyatra tayā saha
116.13
yatra mūtrayate bharttā tatra mṛdāmapāṇinā
yatnād grāhyā samantreṇa prajapan pañcabhirnakhaiḥ
116.14
mṛdaṃ kulālacakrasthāṃ viparītagatāṃ haret
ubhābhyāṃ vṛṣabhaṃ kṛtvā nāsāṃ sūtreṇa protayet
dvāradeśe sthitaṃ tantuṃ yāvadbharttā tu laṅghayet
tathā tu nikhaneccaiva patirvaśyo bhavatyalam
tadgṛhe kāmadevo'sau hyanyatra ṣaṇḍatāṃ vrajet
mantrastu |—“oṃ hrauṃ nāthaṃ tucchaṃ mantrayatī hauṃ pañcanakhe uccāpanī hauṃ sāmohi nīladruti sauṃ sāṃ yoginī kāmiyālī bandhau sukhena sāṃ javena jāmraya saṃ rāṃ sāsthā”
anena mūtrasthānamṛttikā grāhyā | iti siddhiyogaḥ
116.15
kārpāsadhūnakasyaiva yantrataḥ śeṣamāharet
taṃ kārpāsaṃ svapuṃśukre bhāvayettacca śukrakam
vivastrākanyakāhastairviparītena karttayet
dhanurdabhamayaṃ kuryyāt sūtraiśca triguṇairguṇam
patyuḥ puṃstvaṃ bhavettāvad yāvadāropitaṃ dhanuḥ
avatīrṇe guṇe ṣaṇḍo jāyate ca vaśo bhavet
116.16
devadāru samaṃ kuṣṭhaṃ pāyayeddarśayet patim
“oṃ namo bhagavate uṇeśāya oṃ digbandhāya svāhā”
anena mantreṇa saptābhimantritaṃ kṛtvā siddhiḥ
116.17
patiśukrañca karpūraṃ vaṭapatrarasaṃ tathā
rocanañca pived yā strī patimati tatkṣaṇāt
116.18
sanālāni tu padmāni kṣīreṇājyena peṣayet
guṭikāṃ chāyayā śuṣkāṃ nābhau yonau pralepayet
daśavāraprasūtāyāḥ kanyāvajjāyate bhagam
116.16-2
vetaso mūlamādāya sapta vā khadiraṃ samam
peṣayecchītatoyena pītaṃ saṅkocayedbhagam
116.20
kokilākṣasya vījāni ajākṣīrañca lāṅgalī
kvāthayellepayettena yoniṃ prakṣālayet punaḥ
116.21
jale kārpāsamūlañca ghṛṣṭvā mṛdvagninā pacet
anena kṣālanaṃ kuryyādvistīrṇaṃ kocayedbhagam †
vṛddhānāmapi nārīṇāṃ yonisaṅkocanaṃ bhavet
Linked texts (3)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Kakṣapuṭa — Siddha Nāgārjuna, Sanskrit