Indrajalavidya 119
Indrajālavidyā 119
- Language
- Sanskrit
119.1
padmakaṃ nāma yaddravyaṃ sūkṣmacūrṇantu kārayet
vāpīkūpatar̤āgeṣu nikṣiped badhyate jalam
"oṃ namo bhagavate jalaṃ stambhaya vaḥ paḥ”
119.2
agastyapuṣpaniryyāsaṃ mahiṣīpayasā pibet
khādettannavanītañca jalāgnau nāvasīdati
“oṃ namo bhagavate rudrāya balasya vidrava kalahapriye
kalahaṃsadhvani ehyeti svāhā”
119.3
trilauhaveṣṭitaṃ hastaṃ kṛkalāsasya dakṣiṇam
samantraṃ dhārayeddaktre svecchayā sañcarejjale
samudre'pi na sandeho narastoyairna bādhyate
“oṃ anaye udasvāhā”
119.4
mūlaṃ puṣye tu guñjāyāḥ kusumbharasapeṣitam
tenaiva rañjayedvastraṃ tadvastrasvāṅgaveṣṭitam
gabhīrajalamadhye tu yāvadicchati tiṣṭhati
jalastambhamidaṃ khyātaṃ guñjāmantreṇa sidhyati
119.5
alābuphalacūrṇantu pakvaṃ śleṣmāntajaṃ phalam
piṣṭvā tenājinaṃ liptvā naro hyaṅgulamātrakam
tacchuṣkaṃ nikṣipettoye tar̤āge vā nade hrade
tasyopari sthito yo'sau kadācinna nimajjati
119.6
śleṣmāntānābupiṣṭena karttavyaṃ pādukādvayam
godhācarmmamayaṃ baddhaṃ kṛtvārūr̤haścarejjale
119.7
śleṣmāntaphalacūrṇantu vāpīkūpatar̤āgake
kṣipedrātrau bhaved bandho muktyarthaṃ lavaṇaṃ kṣipet
119.8
śleṣmāntaphalacūrṇantu lepyaṃ śuṣkantu mṛddhaṭe
ghanamaṅgulamātraṃ syācchoṣayet pūrayejjalaiḥ
kṣaṇārddhe bhidyate kumbho jalaṃ baddhantu tiṣṭhati
mantrastu |- “oṃ namo bhagavate rudrāya jalaṃ stambhaya stambhaya
vaḥ ṣaḥ vaḥ ṭhaḥ ṭhaḥ ṭhaḥ” | pūrvoktayogānāmayaṃ mantraḥ
119.6-2
makarasya śṛgālasya nakulasya vasāyutam
jalasarpaśiropetamam̐gatailena pācayet
tena nāsākarṇalepaṃ kṛtvā saṃstambhayejjalam
“oṃ namo bhagavate rudrāya vyāghracarmaparidhānāya jalaṃ stambhaya
stambhaya ṭhaḥ ṭhaḥ”
119.10
caturdinaṃ naktabhojī liṅgapūjākṛte japet
ayutaikena japtena siddhibhāgabhavati dhruvam
Linked texts (3)
- Hāhārāvatantra — Sanskrit
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit