Pramāṇa · Search · About · API

Indrajalavidya 12

Indrajālavidyā 12

Language
Sanskrit

12.1

atha rājavaśīkaraṇam
kuṅkumaṃ candanañcaiva rocanaṃ śa śimiśritam
gavāṃ kṣīreṇa tilakaṃ rājavaśyakaraṃ param

12.1-2

“om̐ hrīṃ saḥ amukaṃ me vaśamānaya svāhā” | pūrvameva sahasraṃ japtvā
tato'nena mantreṇa saptābhimantritaṃ tilakaṃ kāryam

12.2

campakasya tu vṛndākaṃ kare baddhvā prayatnataḥ
sampūjya bharaṇī-ṛkṣe puṣyāyāṃ vā vidhānataḥ
rājānaṃ tatkṣaṇādeva manuṣyo vaśyatāṃ nayet

12.1-3

atha strīvaśīkaraṇam
puṣye puṣpantu saṃgṛhya bharaṇyāṃ phalakaṃ tathā
śākhāñcaiva viśākhāyāṃ haste patraṃ tathaiva ca
mūle mūlaṃ samuddhṛtya kṛṣṇonmattasya tatkramāt
piṣṭvā karpūrasaṃyuktaṃ kuṅkumaṃ rocanaṃ samam
tilakāt strī vaśaṃ yāti yadi sākṣādarundhatī

12.2-2

kākajaṅghā vacā kuṣṭhaṃ śukraśoṇitamiśritam
taddhaste bhojane nāryyā śmaśāne rudyate sadā
“oṃ namo bhagavate rudrāya oṃ cāmuṇḍe amukīṃ me vaśamānaya
svāhā” | uktayogānāmayameva mantraḥ

12.3

prātarmukhantu prakṣālya saptavārābhimantritam
yasya nāmnā pibet toyaṃ sā strī vaśyā bhaved dhruvam
“oṃ namaḥ kṣiprakarmaṇi amukīṃ me vaśamānarya svāhā”

12.4

kṛṣṇāparājitāmūlaṃ tāmbūlena samāyutam
avaśyāyai striyai dadyād vaśyā bharvāta nānyathā
“aṃ krūṃ svāhā” | anenābhimantrya dadyāt

12.5

sādhyasādhakanāmnā tu kṛtvā saptābhimantritam
dīyate kusumaṃ yasyai sā vaśyā bhavati dhruvam
susādhito hyayaṃ mantraḥ avaśyaṃ phaladāyakaḥ
tasmādetat prayatnena sādhayenmantramuttamam
atra mantraḥ |—“oṃ krūṃ svāhā”

12.6

viśākhāyāntu vandākaṃ maṅgalyasya samāharet
haste baddhvā tu kurute vaśatāṃ varayoṣitām
“oṃ patiṃ vajrāya svāhā” | anenābhimantrya badhnīyāt

12.7

kṛṣṇotpalañca śikhinaśca supakṣayugmam
mūlaṃ tathā bhagavataḥ śitakākajaṅghā
yasyāḥ śirogatamidaṃ vihitaṃ vicūrṇaṃ
dāsībhavej jhaṭiti sā taruṇī surūpā

12.8

savyena pāṇikamalena ratāvasāne
yo retasaṃ nijabhavañca vilāsikāyāḥ
vāmaṃ vilimpati padaṃ sahasaiva yasyāḥ
tasyaiva sā bhavati nātra vikalpabhāvaḥ

12.6-2

sindhūtthamāttikakapotamalāni piṣṭvā
liṅgaṃ vilipya taruṇīṃ ramate navoḍhām
sā'nyaṃ na yāti puruṣaṃ manasā'pi nūnam
dāsobhavediti manoharadivyamūrttiḥ

12.10

gorocanāśiśiradīdhitiśambhuvojaiḥ
kāśmīracandanayutaiḥ kanakadravaiśca
piṣṭvā dhvajopari ramatyabalāṃ navoḍhām
tasyāḥ sa eva hṛdaye mukuṭatvameti

12.11

puṣye rudrajaṭāmūlaṃ mukhasthaṃ kārayed budhaḥ
satāmbūlaṃ pradātavyaṃ vaśyā bhavati niścitam

12.12

tathaiva pāṭalaṃ mūlaṃ tāmbūlena tu vaśyakṛt
tripatrabhaṇṭikāmūlaṃ piṣṭvā gātre tu saṃkṣipet
yasyāḥ sā vaśamāyāti bindumātreṇa tatkṣaṇāt

12.13

svakīyaṃ kāmamādāya kāmadevaṃ smaret punaḥ
taruṇyā hṛdaye dattaṃ tatkṣaṇāt strī vaśībhavet
“aiṃ pīṃ strīṃ krīṃ kāmapiśācini amukīṃ kāmena
grāhaya, kāmena kāmarūpeṇa nakhairvidāraya vidāraya dāraya dāraya,
snehena bandhaya bandhaya strīṃ phaṭ”

Linked texts (8)