Pramāṇa · Search · About · API

Indrajalavidya 123

Indrajālavidyā 123

Language
Sanskrit

Contents

123.1

atha māraṇam
narāsthikilaṃ puṣye tu gṛhṇīyāccaturaṅgulam
nikhanettaṃ gṛhe yasya bhavet tasya kulakṣayaḥ
"oṃ vuṃ vuṃ bhūṃ bhūṃ vuṃ phaṭ svāhā"

123.2

aśvāsthikīlamaśvinyāṃ nikhaneccaturaṅgulam
śatrorgehe nihantyāśu kuṭumbaṃ vairiṇāṃ kulam
"oṃ sura sure svāhā"

123.3

sarpāsthyaṅgulamātrantu hvāśleṣāyāṃ riporgṛhe
nikhanet saptadhā japtaṃ mārayedripusantatim
"oṃ jayavijayati svāhā"

123.4

bhūte kākālayo grāhyaḥ deyaścāgnau sacetasā
aṅgulyekena tadbhasma śatrusūrddhani nikṣipet
mriyate nātra sandeho gṛhe kṣipte kulakṣayaḥ
“oṃ namo bhagavate rudrāya māraya māraya namaḥ svāhā”

123.5

ṣaḍ‌binduvṛścikau grāhyau viṣaṃ taddhānarīphalam
etaccūrṇa pradātavyaṃ śatruśayyā''sanādiṣu
jāyate sphoṭako tīvrā daśāhānmāraṇaṃ dhruvam

123.6

mātuluṅgasya vījāni kīṭaṃ ṣaḍbindusaṃjñakam
kapikacchukarāemāṇi hiṅgu vaibhītakaṃ phalam
etāni samacūrṇāni tathā maṇḍalakārikā
pūrvvavat prakṣipet śatrormāraṇaṃ bhavati dhruvam

123.7

tilai palaṃ sakumudaiḥ samā'ṃśaṃ raktacandanam
kuṣṭhakukkuṭapittañca lepanena sukhāvaham

123.8

svarṇakeśañca saṅgrāhyaṃ tadāsye śatrujaṃ malam
kṣiptvā tadraktasūtreṇa veṣṭayitvā tataḥ punaḥ
bhallātakaphalaiḥ sārddhaṃ ruddhā tanmārayedripum
prakṣālayecchanai radbhistajjīvāt tasya jīvanam

123.6-2

snānabhūmūtrabhūmṛttāṃ sarpavaktre viniikṣipet
veṣṭayet kṛṣṇasūtreṇa mārgamadhye adhomukham
nikhanenmriyate śatrustasyotpāṭe sukhaṃ bhavet

123.10

gardabhasyāsthi cādāya kṛṣṇā'jagarakaṃ śiraḥ
nikhaned yasya tadvāre māraṇoccāṭanaṃ bhavet
“oṃ namo bhagavate uḍḍāmareśvarāya amukaṃ māraya māraya”
uktayogānāmayaṃ mantraḥ

123.11

grāhyā kṛṣṇacaturdaśyāṃ śākhā bhūtataroḥ sthitā
mṛtakasya hṛdisthaiśca bhūtakāṣṭhaiśca tāṃ dahet
tadaṅgārairlikhenmantraṃ tadā śatrurmṛto bhavet
“oṃ namo bhagavate uḍḍāmareśvarāya amukaṃ hara hara rakṣa rakṣa
kālarūpeṇa svāhā”

123.12

vāmadantaṃ kulīrasya adhobhāgasthamāharet
śarāgne tatphalaṃ kuryād dhanuśca vijitendriyaḥ
gavāṃ śirāguṇaṃ kṛtvā śatruṃ kuryācca mṛnmayam
taṃ hanyāt tena bāṇena mriyate tatkṣaṇādripuḥ
“oṃ namo bhagavate rudrāya yamarūpiṇe kālaṃ saṃśayāvartta
saṃhāre śatrum amukaṃ hana hana dhuna dhuna pācayaṃ ghātaya huṃ phaṭa
ṭhaḥ ṭhaḥ ṭhaḥ”

123.13

godhālāṅgūlamūlañca kṛkalāsaśirastathā
indragopaṃ vaṃśaśikhā asthi mūtraṃ gajasya ca
hālāhalaṃ nṛmūtreṇa samabhāgaṃ supeṣitam
tena sparśanamātreṇa sphoṭakairmriyate ripuḥ

123.14

ūrṇanābhañca śaḍbinduṃ samā'śaṃ kṛṣṇavṛścikam
yasyāṅge nikṣipeccūrṇaṃ saptāhāt sphoṭakairmṛtiḥ
mayūrapicchanīlāñjaṃ piṣṭvā lepo sukhāvahaḥ

123.15

ripuviṣṭhāṃ vṛścikañca khanitvā bhuvi nikṣipet
ācchādyācchādanenātha tatpṛṣṭhe mṛttikāṃ kṣipet
mriyate malarodhena uddharet sa sukhī bhavet

123.16

yo mṛto bharaṇī bhaume tadbhasmādāya rakṣayet
ripuviṣṭhāsamāyuktaṃ śarāvasampuṭodare
mṛtakaiśaistadā veṣṭya śūnyā''gāreṣu lambayet
yāvacchuṣyati tadviṣṭhā tāvacchatrurmṛto bhavet

123.17

muṇḍamādāya goścaiva tadvaktre sarṣapān kṣipet
mṛdālipya pacedagnau gṛhītvā sarṣapāṃstataḥ
yasyāṅge prakṣipet tasmāt sphoṭakairmriyate ripuḥ
“oṃ namo bhagavate uḍḍāmareśvarāya amukaṃ kālarūpeṇa
ṭhaḥ ṭhaḥ ṭhaḥ” | uktayogānāmayaṃ mantraḥ

123.18

śvetāparājitāmūlaṃ kuṣṭhaṃ lavaṇakaṃ viṣam
śaśavārāhamāyūragaudhānāṃ pittakaṃ tathā
mahānimbasya patrāṇi samaṃ saptadinaṃ hunet
mārayedadbhutaṃ śatruṃ yadi sākṣānmahāsuram
“oṃ namo bhagavate uḍḍāmareśvarāya mama śatruṃ gṛhṇa gṛhṇa
svāhā”

123.16-2

sthānabhraṣṭasya liṅgasya mūrdhni patraṃ samālikhet
sapuṣpaṃ chāgaraktena cityaṅgāraviṣeṇa ca
likhitvā roṣacittena taccheṣaṃ lekhayet karau
aśvacarmmāsane sthitvā tato mantramimaṃ japet
“oṃ namo bhagavate raktavarṇe caturbhuje ūrddhvakeśe vikṛtānane
kālarātrimānuṣāṇāṃ vasārudhirabhojane amukasya prāptakālasya
mṛtyuprade huṃ phaṭ hana hana daha daha māṃsaṃ rudhiraṃ piba piba
paca paca huṃ phaṭ”
amuṃ mantraṃ japedrātrau roṣacitto ripuṃ smaret
arddharātrau tu hastābhyāṃ mārjjayelliṅgamastake
bhraṣṭe patre mastakasthe tatkṣaṇānmriyate ripuḥ
dṛṣṭaḥ pratyaya evāyaṃ siddhayoga udāhṛtaḥ

123.20

raktāśvamārajaṃ bāṇaṃ śuno'sthinirmmitaṃ dhanuḥ
mṛtakeśairguṇaṃ kuryyāduttarāddakṣiṇāmukhaḥ
vakārasadṛśān kuryyāt sindūraiḥ saptamaṇḍalān
kukkuṭaṃ śatrunāmnā tu saptame maṇḍale sthite
pratyekamaṇḍale pūjyaṃ dhanurbāṇañca mantrataḥ
kramāt ṣaṇmaṇḍale prāpte tato hanyācca kukkuṭam
mantreṇa mriyate so'pi dūrastho'pi ripuḥ kṣaṇāt

123.20.p1

iti śrīsiddhanāgārjunaviracite kakṣapuṭe māraṇaṃ nāma daśamaḥ paṭalaḥ

Linked texts (3)