Indrajalavidya 124
Indrajālavidyā 124
- Language
- Sanskrit
124.1
atha vidveṣaṇam
kākolūkasya pakṣāṃstu yayornāmnā tu homayet
ubhayornaśyati prītiḥ kurupāṇḍavayoriva
124.2
kākolūkakharāśvānāṃ caturṇāṃ grāhayecchiraḥ
nikhaned dvāradeśe tu tadgṛhe kalahaḥ sadā
124.3
brahmadaṇḍyāstu mūlāni kākamastakameva ca
jātīpuṣparasairbhāvyaṃ saptarātraṃ tataḥ punaḥ
vidveṣakārako dhūpaḥ śikhipicchāhikañcukaḥ
124.4
mūṣamārjāraromāṇi viprasya kṣapaṇasya ca
eṣa vidveṣako dhūpaḥ patyoḥ pitroḥ sutasya ca
124.5
ulūkajihvāmādāya vidārīrasabhāvitām
sodarāṇāmayaṃ dhūpo bhavedvidveṣakārakaḥ
124.6
adhaḥpuṣpīṃ somavāre sūtreṇāveṣṭya mantrayet
bhaumavāre samuddhṛtya pāṭayet tāṃ dvidhā samam
yasya nāmnā kṣipennadyāṃ sā strī satyaṃ patiṃ tyajet
124.7
kākolūkasya pakṣāṃstu mārjārasya nakhāni ca
pādapāṃśu tayorgrāhyaṃ kaṭutailena homayet
ekaviṃśaddine teṣāṃ vidveṣo jāyate dhruvam
124.8
ārdrāyāṃ vipramārjāra-mūṣakakṣapaṇasya ca
keśaromāṇi saṃgṛhya samyak cūrṇaṃ prakalpayet
talliptadarpaṇaṃ dṛṣṭvā vidviṣanti parasparam
124.6-2
mahiṣocchāgayormeṃdoghṛtadīpasya kajjalaiḥ
añcitākṣo naraḥ paśyedvidviṣanti parasparam
124.10
brahmavṛkṣasya śuṣkasya kāṣṭhamekaṃ samāharet
tat chindyāt krakacenaiva taccūrṇaṃ cāntarīkṣataḥ
gṛhītvā tadvayormadhye nikṣiped dveṣakṛt tataḥ
124.11
cillamājarāiravārāharomāṇi mūṣakasya ca
anena dhūpamātreṇa vidviṣanti parasparam
"oṃ namo mahākapālini ! vṛścikodare daṇḍapāśadhare
amukasyāmukena saha vidveṣaṃ kuru kuru svāhā”
124.12
dhustūrakarasairliptavā cityaṅgāraṃ tato likhet
nāmamantrayutau yantrau sthāpayet tau pṛthak pṛthak
nadyāmubhayatīrasthe nikhanedvṛkṣamūlake
yannāmnā likhitau yantrau tayordveṣaḥ prajāyate
caturasre dvayoḥ kuṇḍe nāma vai mantragarbhitam
sādhako mantrasiddhātmā likhan siddhimavāpnuyāt
124.13
ekahaste kākapakṣamulūkasyāparaṃ kare
darbhavat dhārayed yatnāt trisaptāhaṃ jalāñjalim
nityaṃ nadyāṃ pradātavyamaṣṭottarasahasrakam
parasparaṃ bhaved dveṣaḥ siddhayoga udāhṛtaḥ
"oṃ āmodaki pramodarkā gauri me gauri ! amukasya akena saha kākolūkādivat kuru kuru sphroṃ sphroṃ svāhā”
Linked texts (2)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit