Indrajalavidya 125
Indrajālavidyā 125
- Language
- Sanskrit
125.1
atha vyādhijananam
bilvavṛkṣodbhavaiḥ kāṣṭhaiḥ karaṇḍaṃ kārayed budhaḥ
picumaddodbhavaiḥ kāṣṭhaiḥ pidhānaṃ kārayed tataḥ
tatra madhye kṣipenmūrttimūttānāṃ jīvitānvitām
varttimūcchiṣṭasiktāṃ vā śatrostasyodare kṣipet
kīlayet kaṇṭakenaiva nikhanet sampuṭe kṣipet
vyādhistasya bhavecchatroḥ punastat cālanāt sukhī
125.5
bhallātakaraso guñjā ūrṇanābhiḥ sucūrṇa
galatkuṣṭhī bhavecchatruḥ svastho vā jāyate kvacit
125.6
kṛkalāsaṃ grāmacillīṃ śākaṃ raktañca sārṣapam
piṣṭvā tadvakṣaṇādeva hyaṅgasphoṭakaraṃ ripoḥ
125.7
śvetāparājitā guñjā suśvetā ca jayantikā
piṣṭvā tadvakṣaṇādeva samantreṇa nivarttate
bālakaṃ candane dve ca lepo'pyatra sukhāvahaḥ
“oṃ namo bhagavate uḍḍāmareśvarāya kampane dhūnane mu
muñca durgo saḥ”
125.8
kṛkalāsodbhavaṃ carma ripumūtreṇa pūrayet
mukhaṃ baddhā'śvabālena khanedbhūmāvadhomukham
mūtrarodhī bhavet taccoddhṛtya cālanataḥ sukham
125.6-2
ulūkamastakaṃ grāhyaṃ lavaṇena prapūrayet
saptāhaṃ tāmrapātrasthamakṣakāṣṭhena cāñjayet
dṛṣṭistambhakaraṃ tat syānmaricākṣaphalaṃ tathā
125.10
tryaṅgulaṃ tvanurādhāyāmaṅgulīmūlamāharet
cakṣūrogakaraṃ gehe nikhanedvairiṇāṃ dhruvam
“oṃ ambe rahaḥ ambe rahaḥ svāhā”
125.11
dhustūrakāṣṭhairdagdhvādau bhramaraṃ madhupūritam
jalakumbhe kṣipet tantu tatpānādvadhiro ripuḥ
jātīpuṣparasaṃ pītvā svastho bhavati tatkṣaṇāt
125.12
snuhīkṣīraṃ yavakṣāraṃ mṛddanaṃ pādapāṃśukam
samametatpralepena śatruḥ khañjo bhavatyalam
“oṃ namo bhagavate uḍḍāmareśvarāya rudraśekharāya khañja
saṅkocane ṭhaḥ ṭhaḥ”
125.13
taṇḍulīṃ pippalīṃ śigrumāraṇālena peṣayet
lepe pāne khāñjanāśaḥ śatrūṇāṃ nātra saṃśayaḥ
125.14
kṛṣṇasarpasya raktena nīlamatsyīkapotaviṭ
viṣṭhāṃ vilepayed yasya khañjo bhavati tatkṣaṇāt
tilatailairbalāyugmaṃ piṣṭvā liptvā sukhī bhavet
125.15
sarṣapañca śilāṃ tālaṃ raudratailena pācayet
abhyaṅge pādasaṅkocaṃ svasthastailāktārañjanāt
"oṃ namo bhagavate rudraśekharāya uḍḍāmareśvarāya calamāline svāhā"
125.16
raktena kṛkalāsasya sarpasya haritasya vā
rañjite laṅghite sūtre yoṣidraktaṃ sravatyalam
ullaṅghane punaḥ svasthā jāyante varayoṣitaḥ
125.17
strīmūtrabhūmau sārdrāyāṃ nikhanet kṛṣṇavṛścikam
varāṅge jāyate duḥkhamuddhṛte tu punaḥ sukham
125.18
jambīrabradhnaṃ hastarttaṃ datte strī durbhagā bhavet
"oṃ namo bhagavate uḍḍāmareśvarāya amukaṃ gṛhṇa gṛhṇa
ṭhaḥ ṭhaḥ"| uktayogānāmayaṃ mantraḥ
125.16-2
bhṛṅgīmūlaṃ samuddhṛtya kṛṣṇāṣṭamyāñca cūrṇayet
bhakte pāne kṣipenmūrdhni jvarātīsārakṛdbhavet
vājikarṇīyamūlena svāsthyamutpadyate punaḥ
125.20
muṇḍamāṃsamulūkasya samañca kharakākayoḥ
saṃgṛhya dāsamuccārya sopavāso japedamum
jvareṇa dahyate śatrurahorātre kṛte jape
śucirbhūtvā samāviṣṭaḥ sammukhaḥ snānamācaret
āturasya svayañcaiva devāgre jāyate sukhī
125.21
kalullīvadane † kṣiptaṃ tāmbūlaṃ vairiṇāṃ mukhāt
dantakāṣṭhaṃ ca vā teṣāṃ gonāsavadane kṣipet
āsyarodho bhavet tasya duṣṭānāṃ daṇḍa īdṛśaḥ
125.22
kṛṣṇāsarpamukhe nyastāṃ śatrūṇāṃ mūtramṛttikām
veṣṭayet kṛṣṇasūtreṇa mūtrarogeṇa bādhyate
125.23
śvetasya karavīrasya mūlaṃ puṣpañca cūrṇayet
vilvamajjā tu tadbhakṣye dattaṃ syāccharddikṛdripoḥ
125.24
bhāvayet pūgakhaṇḍāni vajrokṣīreṇa saptadhā
tāmbūle tasya taddattaṃ tasyoṣṭhe śvetakuṣṭhakṛt
125.25
tāmbūle indragopañca dattvāsye śvetakuṣṭhakṛt
pratyāyanaṃ yathāpūrvaṃ bhakṣyā vā somarājikā
"oṃ namo bhagavate rudrāya uḍḍāmareśvarāya amukaṃ rogeṇa
gṛhṇa gṛhṇa paca paca tār̤aya kledaya huṃ phaṭ ṭhaḥ ṭhaḥ" | uktayogānāmayaṃ
mantraḥ
125.26
ajā-go-ghṛtadhūpena sukhaṃ sañjāyate dhruvam
dhustūrabījendrayavaṃ pārāvatamalaṃ samam
grahāveśakaro dhūpo vāmānāṃ nātra saṃśayaḥ
"oṃ gṛhṇa gṛhṇa subhage ṭhaḥ ṭhaḥ" | uktayogānāmayaṃ mantraḥ
125.27
likhennāmāṅkitaṃ mantraṃ śmaśānoddhṛtabhasmanā
hastarttaṃ tvaṅgulaṃ kaulaṃ karavīrakakāṣṭhajam
nikhanet kumbhakārasya śālāyāṃ bhāṇḍanāśakṛt
gokṣuraṃ śṛṅgaberañca bījaṃ vā kokilākṣajam
125.28
śūkarasya malaṃ vā'tha mūlaṃ vā śvetaguñjakam
pākasthāne tu bhāṇḍānāṃ kṣiptvā sphoṭayate dhruvam
125.26-2
latākarañjabījaṃ vā ṭaṅkaṇena sahaiva tu
kṛtvā bhāṇḍaṃ sphuṭatyeva uktānāṃ mantra ucyate
“oṃ madana madana svāhā"
125.36
madhūkakāṣṭhakīlantu citāyāṃ caturaṅgulam
nikhanet tailaśālāyāṃ ta
"yadi mantro na vyatikrameti svāhā" | etanmantradvayaṃ
vālukābhiḥ saha śvetasarṣapān saptavāramabhimantrya kṣetramadhye
nikṣipet, sarvvopadravā naśyanti
125.37
mūṣakajambukakīṭānāṃ kurute tuṇḍabandhanam
vidyāmaṅgananāthasya mantraṃ vā bhairavasya ca
"oṃ namo jagannāthāya hara hara śili sarvveṣāṃ tvaṃ prāṇināṃ
tuṇḍabandhanaṃ kuru kuru mūkamṣakakīṭapataṅgādiprāṇināṃ tuṇḍabandhanaṃ kuru kuru huṃ phaṭ svāhā" | anena mantreṇa yavaṃ saptavārābhimantritaṃ vāṭikāmadhye nikṣipet, puṣpaṃ phalaṃ sarvvaṃ
nirupadravaṃ bhavati
Linked texts (3)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Kakṣapuṭa — Siddha Nāgārjuna, Sanskrit