Indrajalavidya 129
Indrajālavidyā 129
- Language
- Sanskrit
Contents
- 129.75 — 1 part
129.1
indrajālavidyāsādhanam
āścaryyaguṭikā
snukkṣīraṃ kanakaṃ bījaṃ cūrṇaṃ raktaṃ bhavet tataḥ
vastreṇa veṣṭitādhārā kṣurasyeva tu raṃhasā
chinatti keśasaṅghātaṃ savastrā cātikautukam
129.2
guñjāphalaiḥ śuktapiṣṭairlepayet kāṣṭhapādukām
vinā bandhaṃ naro gacchet krośamekaṃ na saṃśayaḥ
129.3
laghudārumayaṃ pīṭhaṃ guñjāpiṣṭena lepayet
śuṣke cāsmiñjale kṣipte hyupaviṣṭo na majjati
129.4
guñjābījaṃ tvaconmuktaṃ cūrṇaṃ bhāvyaṃ nṛmūtrake
saptavāraṃ tataḥ kāṃsye liptamaṅgolavadbhavet
tailamādāya tallipte pūrvavat pādukāgatiḥ
129.5
eraṇḍasya ca bījāni nimbatailaṃ tathaiva ca
varttiṃ sarjarasopetāṃ tailaliptāṃ jale kṣipet
jvalitā dīpavat tiṣṭhed yāvadvarttirna saṃśayaḥ
129.6
śilātālakasindūra-rocanāñjanahiṅgulam
kūrmabhuktamidaṃ paścāt tadviṣṭhāṃ lepayet kare
naṭā nṛtyānnivarttante darśanānmuṣṭibandhanāt
129.7
tacca kūrmantu saptāhāt tālakaṃ bhojayet śubham
tanmalairlepayet pāṇiṃ muṣṭibandhaṃ pradarśayet
nivarttante naṭāḥ sarve sabhyāḥ paśyanti kautukam
129.8
ulūkasya kapālena ghṛtenāhṛtakajjalam
tena netre'ñjite citraṃ rātrau paṭhati pustakam
129.9
ulūkahṛdayaṃ pittaṃ kākapittañca śoṇitam
etadvartyañjite rātrau vicareddivase yathā
129.10
rajanocirajīvānāṃ viṣaraktāttittacūrṇakam
añjitākṣo narastena kṛṣṇarātrau tu paśyati
129.11
śikhipārāvatabhavā khañjarīṭapurīṣajā
guṭikāsparśamātreṇa tālayantraṃ bhinattyalam
129.12
bhallūkavyāghramahiṣacāsagṛdhravilocanaiḥ
śroto'ñjanenāñjitākṣo divāvat niśi paśyati
“oṃ namo bhagavate rudrāya jyotiṣāya śivāya pataye
dātavyasya te bījaṃ me dehi svāhā”
anena siddhamantreṇa hi sarvāṇyañjanāni ca
śivāyai dāpayedyuktaḥ sarvasiddhiḥ karasthitā
129.13
pāṭhāmūlaṃ gale baddhā kṣīrabhāṇḍasthataddadhiḥ
jāyate tatkṣaṇādeva satyametanna saṃśayaḥ
gandhakairaiva dhūpena puṣpāṇāmanyavarṇatā
129.14
kṛṣṇāṃ śvānaṃ mṛtaṃ rakṣed yāvat krimikulākulam
śvetasyopoṣitasyaiva kukkuṭasya tu tān krimīn
yatheṣṭaṃ bhakṣaṇe dadyādviṣṭhāṃ tasya samāharet
tadannaṃ krimivallokairbhakṣyamāṇaṃ vilokyate
palāyante ca taṃ dṛṣṭvā mūrcchanti ca patanti ca
129.15
kaṭutumbuprathyatailena pārāvatabhavaṃ malam
mūlañca peṣitaṃ tena gardabhasyāsthi caiva hi
lalāṭe tilakaṃ tena kṛtvā'sau dṛśyate janaiḥ
daśāsyo nātra sandeho yathā laṅkeśvaro nṛpaḥ
129.16
śigrubījotthitaṃ tailaṃ pārāvatapurīṣakam
varāhasya vasāyuktaṃ śikhimūlaṃ samaṃ samam
lalāṭe tilakaṃ tena yaḥ karoti sa vai janaḥ
pañcāsyo dṛśyate lokairyathā sākṣāt sadāśivaḥ
129.17
sadyohatasya vīrasya grāhyaṃ caurasya vā śiraḥ
tadvaktre kṛṣṇadhustūrabījaṃ vāpyaṃ sumṛttikam
rātrau kṛṣṇacaturdaśyāmāṣār̤he bhairavaṃ yajet
nānāvidhopahāreṇa puṣpadhūpā'kṣatādibhiḥ
śiraḥ khanet kṛṣṇabhūmau bhuktocchiṣṭena secayet
dīpaṃ rātrau sadā dadyāt sūtravarttyājyasaṃyutam
saphalantu bhaved yāvattāvadrakṣeśca pūjayet
grāhyaṃ kṛṣṇacaturdaśyāṃ baliṃ dadyācca kukkuṭam
pañcāṅgaṃ peṣayet tasya vaṭikāṃ kārayeddṛr̤hām
lalāṭe tilakaṃ kuryyāt sa naro dṛśyate janaiḥ
tādṛśastu sahasrākṣarūpo naivātra saṃśayaḥ
129.18
rātrau kṛṣṇacaturdaśyāṃ mayūrāsye viniikṣpeta
bhṛṅgīvījaṃ mṛdaṃ kṛṣṇāṃ kṛṣṇabhūmau nidhāpayet
tajjātabhṛṅgī saṃgrāhyā hyarcayet raktapuṣpakaiḥ
tatpuṣpakarṇaḥ puruṣo mayūro dṛśyate janaiḥ
129.16-2
tadyage kṛṣṇamārjāramukhe cairaṇḍavījakam
tajjātairaṇḍavījānāmekaṃ vaktre nidhāpayet
taṃ prapaśyanti mārjāraṃ manuṣyā nātra saṃśayaḥ
129.20
śṛgālakṣvānameṣājavadane vāpayet pṛthak
mayūrāsye yathā bhṛṅgī jātā siddhiśca tādṛśī
129.21
mṛtā yā śvapacī nārī tasyā yonau tu khādiram
kīlakaṃ nikṣipet paścāddagdhvā bhasma samuddharet
tenaiva tilakaṃ kṛtvā śvapacīrūpadhṛgbhavet
129.22
raktaguñjāphalaṃ vā'tha nṛkapāle ca secayet
jātaṃ phalaṃ kṣipedvaktre strīrūpo dṛśyate naraḥ
129.23
viṣaṃ guñjotthitaṃ tailaṃ sarpapittañca peṣayet
sakuṣṭhaṃ tilakaṃ yasya taṃ paśyanti mayūravat
129.24
viṣaguñjotthatailena pāṇilipena kuñjaraḥ
bhallūkaḥ pādalepena jihvālpena candramāḥ
gaṇeśaḥ kukṣilepena strīśca sarvāṅgalepataḥ
129.25
rātrāvaṅkolatailena liptāṅgo dṛśyate naraiḥ
dīrghadaṃṣṭrordhvaromā ca rūpaṃ raudraṃ vahannaraḥ
129.27
navabhāṇḍe viniikṣapya chinnanāsāṃnu mūṣikām
saptāsaṃ kṛkalāsañca pṛthagbhāṇḍe viniikṣpet
upavāsatraye jāte tayordadyāttu bhojanam
malaṃ tayoḥ pṛthak grāhyaṃ tena nāsāṃ prale
aśvasya tu mṛtaṃ bālaṃ gṛhītvā tasya codare
haridrāṃ khaṇḍaśaḥ kṛtvā kṣiped yāvat prapūryyate
taṃ rātrau nikhanedbhūmī mantreṇānena pūjayet
tatpañcāṅgaṃ samuddhṛtya rajanīṃ śoṣya peṣya ca
mantrastu |—“oṃ aruḥ śrīṃ raḥ”
anena mantrarājena siddhātmā saṃyatendriyaḥ
sa bālakādiyogāntaṃ karma kuryyāt samāhitaḥ
śvetadūrvvā''ranālaiśca haridrāṃ tāṃ pralepayet
talliptadehaḥ puruṣaḥ pañcadhā dṛśyate naraiḥ
129.28
tāṃ niśāṃ sarṣapaṃ śvetaṃ piṣṭvā cāṅkolatailataḥ
talliptāṅgaṃ naraṃ dṛṣṭvā citraṃ paśyanti saptadhā
gomūtreṇa punaḥ snānādeka eva pradṛśyate
129.29
alaktaṃ tāṃ niśāṃ piṣṭvā dehasandhiṃ pralepayet
bhinnaṃ saṃdṛśyate so'pi pūrvasnānānnivarttate
129.30
haridrā'ṅkolatailābhyāṃ liptāṅgo dṛśyate naraḥ
rākṣaso'pi mahāraudro hyasya snānānnivarttate
129.31
narādisarvvajīvānāṃ grāhyaṃ sadyohataṃ śiraḥ
yatra kṛṣṇacaturdaśyāṃ śaṇabījānvitaṃ vapet
bhaṅgīdhustūravātāri-guñjānāṃ caikamaṃyutam
nikhanet kṛṣṇabhūmyantarbalipūjāsamanvitam
secayet phalaparyyantaṃ tataḥ bījāni cāharet
tattadvīje gate vaktre tattadrūpo bhavatyalam
ityevaṃ kautukaṃ loke nānārūpasya darśanam
mukte bīje bhavet svastho nātra kāryyā vicāraṇā
129.32
kṛkalāsasya raktena hyarddhaliptantu darpaṇam
saṃsthāpayeddhiraimūrdhni grahaṇaṃ dṛśyate naraiḥ
129.33
bhaumavāre mṛtāyāstu taccitāṅgāramāharet
muṣṭidvayena tadbaddhā nimajya jalamadhyataḥ
ūrddhaṃ dakṣiṇabāhuḥ syāt yathā toyairna sicyate
tacchuṣkaṃ cāparaṃ siktaṃ pṛthagrakṣet samagrataḥ
śuṣkāṅgārakṛtā rekhā kṣīrabhāṇḍasya pūrvataḥ
citaṃ śuṣyati yat kṣipramārdrāṅgāreṇa tat punaḥ
agrato rekhayā pūrṇaṃ bhavatyevātikautukam
129.34
caurasya nāsikādantacūrṇaṃ pāṇau pralepayet
hastasparśāt sphuṭatyeva nārikelī hi niścitam
129.35
bhallūkāsthibhavaistailaiḥ sarvān sandhīn pralepayet
saṅghātaṃ nārikelasya dhārayet yastu kautukī
sphuṭanti pīḍanādeva nārikelāḥ sakautukam
tenaivāṅkolatailena sphuṭantyeva na saṃśayaḥ
129.36
kṛṣṇasarpo ravau grāhyastadvakte kṛṣṇāmṛttikām
kṣiptvā'tha vāpayet tatra kṛṣṇadhustūrabījakam
tathā matsyamukhe mṛtsna tadbījañca pravāpayet
pṛthak pṛthak kṣipedbhūmī tayoḥ śākhāṃ samāharet
sarpaśākhā matsyaśākhāsparśāt sarpo bhaved dhruvam
matsyaśākhā sarpaśākhāsparśānmatsyā bhavanti hi
129.37
kṣiptā taccūrṇakaṃ cettre dhautavastraṃ viloḍayet
prātaḥ prayatnato nityaṃ dinānāmekaviṃśatim
tatastadvastrakhaṇḍantu jalaiḥ siktvā nipīḍayet
mṛttikāyāṃ tato dhānyaṃ vāpayettat prarohati
tadvastrācchāditaṃ śīghraṃ sarvadhānyaṃ sakautukam
nikṣipet sarvadhānyāni sārdragardabhacarmaṇi
siñcet kukkuṭaraktena trisaptāhantu nityaśaḥ
jātāṅkurāṇi saṃrakṣennivāryya jāyate kṣaṇāt
taddhānyaṃ phalaparyyantaṃ loke bhavati kautukam
129.38
srahyaśvatthavaṭānāñca kṣīramaur̤umbaraṃ tathā
kākoḍumbarikākṣīraṃ lauhacūrṇañca gandhakam
iṣṭikā vai sarjarasaṃ tilatailañca sikthakam
kramottaraṃ tacca madyaṃ kuryyāttena kuṭhārakam
kṣurikenduphalaṃ kuntaṃ vajraṃ nārācameva ca
kuṭhāreṇāsya vṛkṣādi sphoṭayecchedayedapi
bhedayet kuntakhaṅgābhyāṃ yatkiñcit kheṭakādikam
bhidyate nātra sandehaḥ sikthakāgreṇa kautukam
129.36-2
haritālaṃ śilācūrṇamaṅgulotailabhāvitam
talliptavastraṃ śirasi sthitaṃ paśyati vahnivat
129.40
sindūraṃ gandhakaṃ tālaṃ samaṃ piṣṭvā manaḥśilām
talliptavastracchannāṅgo rātrau saṃdṛśyate'gnivat
129.41
khadyotabhūlatācūrṇaiḥ † lalāṭe tilake kṛte
rātrau saṃdṛśyate jyotistasmin sthāne tu kautukam
129.42
cūtraṣaṇaṃ carvvayedādau tatkalka naramūtrakam
ekīkṛtya vilimpecca ‡ varttiṃ tatraiva dhārayet
jvalantī na dahatyeva keśamātraṃ na saṃśayaḥ
129.43
vadane kṛṣṇasarpasya yavavījāni vāpayet
phalite tāni vījāni samādāya surakṣayet
kṣipet sarpakaraṇḍe tu tadaiva nāstyasau phaṇī
mukto'sau dṛśyate sarpa iti citraṃ mahā'dbhutam
pāṣāṇabhedamūle tu carvvite sati bhakṣayet
pāṣāṇavadarāṇḍābhāṃścaṇakāṃścātikautukam
129.44
muṇḍīrīphalapṛṣṭhe tu chidraṃ kṛtvā tu pāradam
nikṣipet tilamātrantu varttyā taṃ bandhayet tataḥ
jvalantīṃ nikṣipet tena rubhyāttu citramutpatet
129.45
aspṛṣṭapuruṣāyāstu nāryyāḥ prathamajaṃ rajaḥ
vastreṇa grāhayitvā tu tato gacchennadītaṭam
matsyagrāsī yadā pakṣī matsyamādātumudyataḥ
tampakṣiṇaṃ samatsyantu gṛhītvā cūrṇayet pṛthak
taccūrṇa karasaṃspṛṣṭaṃ jale kṣiptaṃ samantataḥ
matsyo dṛṣṭvā samāyāti karamadhye tu kautukam
129.46
ṛtau strīyonimadhyasthaṃ sauvīraṃ dinasaptakam
taṃ hutvā pāvake citramārdrameva pradṛśyate
129.47
mātuluṅgasya bījāni puṣye sauvīramañjanam
ekīkṛtyaiva juhuyādrātraukāṣṭhānvite'nale
saṃdṛśyate rudragaṇo lambamāne site pure
129.48
munipuṣparasaiḥ puṣye ghṛṣṭvā srotoñjanaṃ tataḥ
añjitākṣo naraḥ paśyenmadhyāhne tārakāgaṇam
129.49
mātuluṅgasya bījotthaṃ tailaṃ tāmrasya bhājane
sthāpayedātape paśyenmadhyāhne sarathaṃ ravim
129.50
vilvapatrarasaiḥ siddhaṃ guñjāmūlaṃ janāntike
añjitākṣo naraḥ paśyet piśācānatikautukam
129.51
aṅgāraṃ śikhipittena piṣṭvā cāgradale bhavet
pāvakaṃ tanmukhe dhṛtvā vahnerjvālā sudṛśyate
129.52
dhustūra tailasaṃyuktā viṣacūrṇena lor̤itā
varttiḥ sā jvālitā lokaiḥ puṣyavaddṛśyate dhruvam
129.53
vihaṅgapucche tu yadā nibadhnāti hi varttikām
ulkāmiva prapaśyanti sañcarantīṃ nabhaḥsthale
129.54
bhallātakodbhavaṃ tailaṃ mṛtamatsyeṣu lepayet
te jīvanti jale kṣiptāḥ sadyaḥ sadyohatā iva
129.55
maṇḍūkavasayā dīpamaraṇye jvālayenniśi
caturdikṣu ca tanmadhye sāgaro dṛśyate janaiḥ
129.56
śvetakharjūramūlantu bhūlatā śvetamabhrakam
peṣayecchikhipittena muṣṭyā baddhā tu tanniśi
gṛhopari vivikṣipte dṛśyate jvaladagnivat
129.57
dhātrikābījapiṣṭena liptaṃ kṛtvā prayatnataḥ
bahukālapradīpastu dīpo jvalati kautukam
129.58
śmaśānādagnimādāya caturaṅgārasammitam
gonasāvasayā limpet catasraḥ śarkarāḥ tataḥ
chāgodugdhe vivikṣiṣya kāṣṭhamadhye vivikṣipet
ādityaraśmisamparkājjvalatyeva na saṃśayaḥ
tatkāṣṭhaṃ kautukaṃ loke jāyate śivabhāṣitam
129.56-2
unmattasya tu kāṣṭhāni kodravasya tṛṇāni ca
sandahya bandhayedvastre dīpaṃ prajvālya kajjalam
añjayet tena netrañca divā paśyati tārakān
129.60
raktārjunasya mūlena tilake jalagharṣite
kṛte tvayutahasto'sau dṛśyate rākṣasākṛtiḥ
129.6-2
kṛkalāsasya saṃgṛhya pucchaṃ dakṣiṇapārśvataḥ
trilohaveṣṭitaṃ vaktre dhṛtaṃ cānantarūpadhṛk
“oṃ saṅkocāya svāhā|” anena mantreṇa aṣṭottarasahasrajape siddhiḥ
129.62
sindūravarṇabhūnāgavarttidīpasya tejasā
yadastu dṛśyate tatra tattacca svarṇavadbhavet
129.63
kārpāsabījaṃ sarpasya vaktre kṣiptvā khaned bhuvi
tajjātavarttikādīpaḥ sarpatailena dīpitaḥ
gṛhe paśyanti yadrātrau tattat sarpopamaṃ bhavet
129.64
eraṇḍatailajaṃ dīpaṃ śamīpuṣpāhikañcukam
kārpāsajā bhavedvarttiścitraṃ paśyati pūrvavat
129.65
śvetārkasambhavāṃ varttiṃ sarpatailayutāṃ niśi
prajvālya sarpavat sarvaṃ gṛhe paśyati pūrvavat
129.66
hastacaṃ sindhuvārasya mūlamādāya yatnataḥ
sparśane bandhuvicchedaṃ kurute śīghramasaṅgatam
129.67
māṃsaṃ raktotpalaṃ tulyaṃ kṛkalāsasya yojayet
tanmantrairguṭikāsparśāt tālayantraṃ bhinattyalam
129.68
tanmāṃsaṃ śoṇitaṃ grāhyaṃ tanmantreṇābhimantritam
bhūdāravaṭapuṣpaiśca veṣṭayitvā sthitaṃ kare
spṛṣṭamātre mahā''ścaryaṃ tālayantraṃ bhinattyalam
129.69
tanmāṃsaṃ vaṭapatreṇa veṣṭitaṃ hastamadhyagam
brahmāṇḍe'pi sthitaḥ pakṣī dṛśyate patito dhruvam
129.70
tanmāṃsaṃ rājavṛkṣasya puṣpañca hastamadhyagam
vṛkṣārūḍhaśchākhagataṃ citraṃ paśyati mānavaḥ
129.71
śirīṣapuṣpaistanmāṃsaṃ veṣṭitaṃ hastadhāritam
spṛṣṭamātreṇa nārīṇāṃ ragaṃ yātyatikautukam
129.72
kacchapasya śirogrāhyaṃ lajjālurindragopikā
kākajaṅgābhavaṃ bījaṃ tathā śatapadīkṛmiḥ
pañcābhirvaṭikā kāryyā'nāmikāmadhyagā śubhā
taddarśanāt stanaṃ yāti sṛṣṭe vā'tha mahā'dbhutam
129.73
kaniṣṭhikānāmikāmadhye darśyādāyāti tat punaḥ
tayā guṭikayā lepālliṅgasaṅkocanaṃ bhavet
nirliṅgo dṛśyate martyaḥ kṣālitena punarbhavet
mātṛvāhastanaṃ yāti muktiḥ svāsthyaṃ prajāyate
129.74
kṛkalāsabhavaṃ cūrṇaṃ kūrmmāhitailapācitam
talliptastana uḍacchet tatkṣaṇāddārayoṣitaḥ
129.75
aṅkolotthena tailena liptahastena mardayet
nirguṇḍīvījakaṃ bhūmau kṣiptaṃ bhavati vṛścikam
ityevaṃ sarvayogānāṃ mantrarājaṃ śivoditam
pūrvamevāyutaṃ japtvā tataḥ sidhyati kautukam
"oṃ namo bhagavate rudrāya uḍḍāmareśvarāya bahurūpānāmārūpadharāya saha saha sa sa nṛtya nānā kautukendrajāladarśanāya
haṃ phaṭ ṭhaḥ ṭhaḥ svāhā”
anena giriśoktena sanmantreṇābhimantraṇāt
jitendriyaiḥ sadācāraḥ yogī siddhiṃ labhedruvam
129.75.p1
iti śrīsiddhanāgārjunaviracite kakṣapuṭe indrajālavidyāsādhanaṃ nāma trayodaśaḥ paṭalaḥ
Linked texts (5)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Kakṣapuṭa — Siddha Nāgārjuna, Sanskrit
- Śivatattvaratnākara — Basappa Nāyaka 1684, Sanskrit
- Śivattvaratnākara — Basava, Sanskrit