Pramāṇa · Search · About · API

Indrajalavidya 130

Indrajālavidyā 130

Language
Sanskrit

130.1

atha yakṣiṇīsādhanam
sarvāsāṃ yakṣiṇīnāntu dhyānaṃ kuryyāt samāhitaḥ
bhaginīmātṛputrīstrīrūpatulyā yathepsitā
lakṣamekaṃ japenmantraṃ vaṭavṛkṣatale śuciḥ
bandhūkakusumaiḥ paścānmadhvājyakṣīrimiśritaiḥ
daśā'ṃśaṃ yonikuṇḍe tu hutvā devī prasīdati
vicitrāṃ sādhakasyaiva prayacchati samīhitān
“oṃ vicitre ! citrarūpeṇa siddhiṃ kuru kuru svāhā”

130.2

tripathastho japenmantraṃ lakṣamekaṃ daśā'ṃśataḥ
ghṛtāktairguggulairhaimairvicitrā siddhidā bhavet
“aiṃ hrīṃ mahānande bhīṣaṇe hrīṃ huṃ svāhā”

130.3

gatvā yakṣagṛhaṃ mantrī nagno bhūtvā japenmanum
dinaikaviṃśatiṃ kuryyāt pūjāṃ kṛtvā tato niśi
āvartayettato mantramekacittena sādhakaḥ
niśārddhe vāñchitaṃ dravyaṃ devyāgamya prayacchati
“oṃ hrīṃ nakhakeśī kanakavati ! svāhā”

130.4

lakṣatrayaṃ japenmantraṃ daśā'ṃśaṃ gugguluṃ hunet
lākṣā cotpalake vā'tha dhyātvā sarvāṅgalocanām
paṭṭe paṭe vā saṃlekhyā homānte cintitapradā
“oṃ kuvalaye hili hili tu tu tu siddhisiddheśvari ! hrīṃ
svāhā”

130.5

japellakṣadvayaṃ mantrī śmaśāne nirbhayo manum
daśā'ṃśaṃ juhuyāt sājyaṃ hutvā † tuṣyati vibhramā
pañcāśanmānuṣāṇāñca datte sā bhojanaṃ sadā
“oṃ hrīṃ vibhramarūpe vibhrame kuru kuru ehyehi bhagavati !
svāhā”

130.6

śākayūpapayaḥśaktubhakṣaḥ śvetorṇākāsane
devatāṃ pūjayennityaṃ japellakṣaṃ trayodaśam
pāyasaṃ homayet paścāt sahasraikeṇa sidhyati
nityaṃ lokasahasrasya bhojanaṃ sā prayacchati
lakṣāpurdivyavarṣāṇi datte sā śaṅkaroditā
“om̐ hrīṃ jalapāṇī pijvala pijvala huṃ huṃ svāhā”

130.7

lakṣamutpalaśākotthaṃ hutvā mantramimaṃ japet
lakṣaikādaśamāvartya hutvā madhye śaśigrahe
athavā mālatīpuṣpairhutvā bhānusahasrakam
bhānumukto bhaved yāvat pūrṇānto sidhyati dhruvam
sahasrantu japādyante sahasrāṇāntu bhojanam
“om̐ bhūte sulocane ! huṃ”

130.8

śaṅkhalipte paṭe devīṃ gauravaṇāṃ dhṛtotpalām
sarvālaṅkāriṇīṃ divyāṃ samālikhyārcayet punaḥ
jātīpuṣpaiḥ sopacāraiḥ sahasraikaṃ tato japet
trisandhyaṃ saptarātrantu tato rātrau śucirjapet
arddharātre gate devī samāgatya varapradā
pañcaviṃśatidīnārān pratyahaṃ sā prayacchati
“om̐ hrīṃ ratipriye ! svāhā”
dinaikaviṃśatiṃ yāvadudayāstamayaṃ japet
nityaṃ sāyaṃ svamāhārapiṇḍaṃ harmyopari kṣipet
trisaptāhe tu sā tuṣṭā śayyāṃ gatvā piśācikā
pañcaviṃśatidīnārān dadāti prativāsaram
karṇe kathayati kṣipraṃ yad yat pṛcchatyasau kramāt
“om̐ hrīṃ caḥ caḥ kambalike gṛhṇa piṇḍaṃ piśācike ! svāhā”

130.10

gṛhe vā'raṇya ekānte lakṣamekaṃ japenmanum
puṣpadhūpādibhiḥ pūjāṃ nityaṃ kuryyāt prayatnataḥ
pañcāmṛtairdaśāṃśena hute devī prasīdati
dīnārāṇāṃ sahasraikaṃ pratyahaṃ toṣitā satī
“oṃ gulu gulu candrāmṛtamayi ava jāṭilaṃ hulu hulu
candragiri ! svāhā”

130.11

ekaliṅge † mahādevaṃ trisandhyaṃ pūjayet sadā
dhūpaṃ dattvā japenmantrī brūyāt sā “tvaṃ kimicchasi ?”
“devi ! dāridryāddagdho'smi tanme nāśakarī bhava”
tato dadāti sā tuṣṭā vittāyuścirajīvitam
“oṃ hrīṃ āgaccha surasundari ! svāhā”

130.12

kuṅkumena samālikhya bhūrjapatre sulakṣaṇām
pratipattithimārabhya pūjāṃ kṛtvā japettataḥ
trisandhyaṃ trisahasrantu māsānte pūjayenniśi
saṃjapannarddharātre tu samāgatya prayacchati
dīnārāṇāṃ sahasraikaṃ pratyahaṃ paritoṣitā
“oṃ hrīṃ anurāgiṇi maithunapriye ! svāhā”

130.13

nadītīre śubhe deśe candanena sumaṇḍalam
vidhāya pūjayeddevīṃ tato mantrāyutaṃ japet
trisaptāhaṃ japedevaṃ prasannā vitaret ‡ tadā
dīnārāṇāṃ sahasraikaṃ vyayaṃ kuryyāddine dine
vinā vyayena sā kruddhā na dadāti kadācana
“oṃ hrīṃ sarvakāmade manohare ! svāhā”

130.14

mantrāyutaṃ japenmantrī prātaḥ sūryyodaye sati
māsamekaṃ japedevaṃ pūjāṃ kuryyāddine dine
śaṅkhasaṃliptapaṭṭe tu śubhrapuṣpaiḥ sapāyasaiḥ
daśā'ṃśaṃ homayet sājyairindhanaiḥ karavīrajaiḥ
dadāti śaṅkhinī tuṣṭā nityaṃ rūpyakapañcakam
“oṃ hrīṃ śaṅkhacāriṇi śaṅkhābharaṇe ! jhāṃ jhīṃ klīṃ aiṃ śra
svāhā”

130.15

sahasrāṣṭamamaṃ mantraṃ japet saptadināvadhi
pratyahaṃ maṇibhadrākhyaṃ prayacchatyekarūpyakam
mantrastu |—“oṃ namo maṇibhadrāya namaḥ pūrṇāya namo mahā
yakṣasenā'dhipataye moṭa moṭa dhāraya svāhā”

130.16

caturlakṣamimaṃ mantraṃ japettyāgā prasīdati
dadāti cintitānarthāṃstasya bhogāya mantriṇaḥ
“oṃ ahotyāgi ! mama tyāgārthaṃ dehi me vittaṃ vīrasevitaṃ
svāhā”

130.17

rātrau rātrau japenmantraṃ sāgarasya taṭe śuciḥ
lakṣajāpe kṛte siddho datte sāgaraceṭakaḥ
ratnatrayaṃ tadāmūlyaṃ tena mantrī sukhī bhavet
“oṃ namo bhagavan rudra dehi ratnāni jalarāśe ! namo'stu te
svāhā”

130.18

ekānte ca śucau deśe trisandhyaṃ trisahasrakam
māsamekaṃ japenmantrī tataḥ pūjāṃ samārabhet
puṣpadhūpādinaivedyaiḥ pradīpairghṛtapūritaiḥ
rātrāvabhyarcayet samyak susthiraḥ sumanāḥ sudhīḥ
arddharātre gate devī samāgatya prayacchati
rasaṃ rasāyanaṃ divyaṃ vastrālaṅkārabhūṣaṇam
“oṃ hrīṃ āgaccha svāmośvari ! svāhā”

130.18-2

tripathastho vaṭādhaḥstho rātrau mantraṃ japet sadā
lakṣatrayaṃ tataḥ siddhā syāddevī vaṭayakṣiṇī
vastrālaṅkaraṇaṃ divyaṃ siddhaṃ rasarasāyanam
divyāñjanañca sā tuṣṭā sādhakāya prayacchati
“oṃ hrīṃ śrīṃ vaṭavāsini yakṣakulaprasūte vaṭayakṣiṇi !
ehyehi svāhā”

130.20

vaṭavṛkṣaṃ samāruhya lakṣamekaṃ japenmanum
tataḥ saptābhimantreṇa kāñjikaiḥ kṣālayenmukham
yāmadvayaṃ japedrātrau varaṃ yacchati yakṣiṇī
rasaṃ rasāyanaṃ divyaṃ kṣudrakarmmāṇyanekadhā
siddhāni sarvakāryāṇi nānyathā śaṅkaroditam
“oṃ hrīṃ namaścandradrave karṇakarṇakāraṇe ! svāhā” | “oṃ
namo bhagavate rudrāya candrayogini ! svāhā” | mantradvayasyaikā
siddhiḥ

130.21

ciñcāvṛkṣatale mantraṃ lakṣamāvarttayecchuciḥ
viśālā vitaret tuṣṭā rasaṃ divyaṃ rasāyanam
“oṃ hrīṃ viśāle ! drāṃ drūṃ klīṃ ehyehi svāhā”

130.22

narāsthinirmitāṃ mālāṃ gale pāṇau ca karṇayoḥ
dhārayejjapamālāñca tādṛśīntu śmaśānataḥ
lakṣamekaṃ japenmantraṃ sādhayennirbhayaḥ sudhīḥ
tato mahābhayā siddhā dadātyeva rasāyanam
tena bhakṣitamātreṇa parvatānapi cālayet
balīpalitanirmuktaścirajīvī bhavennaraḥ
“oṃ hrīṃ mahābhaye ! hūṃ phaṭ svāhā”

130.23

śuklapakṣe japettāvad yāvad dṛśyeta candrikā
datte pītvā yadamaro'mṛtaṃ tacca bhavennaraḥ
“oṃ hrīṃ candrike ! haṃsaḥ svāhā”

130.24

śakracāpòdaye lakṣaṃ nirguṇḍītalamadhyagaḥ
japenmantraṃ tatastuṣṭā devī pātālasiddhidā
"aiṃ klīṃ aindri māhendri ! kulu kulu culu culu huṃ
svāhā"

130.25

hṛdi dhyātvā japedrātrau haṃsabaḍaṃ sacetasam
yogaṃ dadāti sā tuṣṭā jarāmṛtyuvināśanam
“oṃ haṃsaḥ sarvvalocanāni bandhaya bandhaya devī ājñāpaya
svāhā"

130.26

svīyamūrdhni karaṃ vāmaṃ dattvā lakṣaṃ japenmanum
vāksiddhiṃ mantriṇe liṅge ceṭakastu prayacchati
"oṃ namo liṅgodbhava rudra ! dehi me vācaṃ siddhiṃ vināma
parvvatagate drāṃ drīṃ drūṃ draiṃ drauṃ draḥ”

130.27

japenmāsatrayaṃ rakta-kambale ! suprasīdati
mṛtakotthāpanaṃ kuryyāt pratimācālanaṃ tathā
"oṃ raktakambale ! mahādevi ! dūtamumukāmukaṃ utthāpa
utthāpaya pratimāṃ cālaya cālaya parvvataṃ kampaya kampaya līlaya
cila cili huṃ huṃ"

130.28

aṣṭottaraśataṃ japtvā yatkiñcit svātmabhojanam
tato'nuvāsaraṃ datte nityaṃ sānnidhyakārakam
atītānāgataṃ karma svāsthyāsvāsthyaṃ bravīti sā
pratimāparvvatān sarvvān cālayatyeva tatkṣaṇāt
“oṃ karaṅkamukhe vidyujjihve ! oṃ huṃ ceṭake ! jaḥ
svāhā"

130.26-2

pūrvvamevāyutaṃ japtvā kṛtvā homaṃ daśāṃśataḥ
ghṛtāktai rajanīkuṣṭhaiḥ pūrṇānte ca punarjapet
limpan gātraṃ candanena rātrau mantraṃ samuccaret
yāvannidrāvaśaṃ yāti svapne vadati sā tadā
vāñchitaṃ yacchubhaṃ kiñcit syāt siddhaṃ vā na sidhyati
“śroṃ hrīṃ saḥ namaḥ śmaśānavāsini caṇḍavegini ! svāhā”
mantradvaye ekameva sādhanam

130.30

karañjavṛkṣamāruhya japeddaśasahasrakam
tatpañcāṅgena kalkena āpādaṃ saṃvilepayet
japānte pūrvavat svapne kathayet sā śubhāśubham
“śroṃ namo rudrāya śroṃ namo bhagavate śmaśānavāsiyogine
svāhā” | “śroṃ namaścandrasrāviṇi karṇakarṇakāriṇi ! svāhā”
ubhayoḥ pūrvavat siddhiḥ

130.31

pūrvamevāyutaṃ japtvā kuṣṭhakalkābhimantritam
saptavārapralepena svapne vakti śubhāśubham
trailokye yādṛśī vārttā tādṛśīṃ kathayatyalam
“śroṃ hrīṃ āgaccha cāmuṇḍe ! svāhā”

130.32

rocanākuṅkumaqṣāraiḥ padmamaṣṭadalaṃ likhet
nīrase sūryyapatre tu māyābījaṃ dale dale
likhitvā dhārayenmūrdhni cemaṃ mantraṃ tato japet
pūrvvameva tu saptāhaṃ evaṃ kuryyāt prayatnataḥ
atītānāgataṃ sarvaṃ svapne vadati devatā
“śroṃ hrīṃ cini piśācini svāhā”

130.33

alābumūlikā puṣye tathā sarpākṣimūlikā
saṃgrāhyā mantritā yatnādraktasūtreṇa veṣṭayet
mantreṇa mūrdhni baddhā tu vadatyeva śubhāśubham
“śroṃ namo bhagavate rudrāya karṇapiśācini ! svāhā”

Linked texts (6)