Indrajalavidya 131
Indrajālavidyā 131
- Language
- Sanskrit
131.1
atha añjanam
añjanānāntu sarveṣāṃ mantraṃ sādhyamaghorakam
vinā'ghoreṇa vighnāni nāśayanti pade pade
dakṣiṇamūrttimāsādya japedaṣṭasahasrakam
tataḥ sarvavidhānāni sukhasādhyāni kārayet
oṃ vidyādharaṃ virūpākṣaṃ bahurūpa maheśvaram
japāmyahaṃ mahādevaṃ sarvasiddhipradāyakam
“rudrāya namo bahurūpāya nāśaya viccherūpāya namo viśvāya
viśva rūpāya namastatpuruṣāya namo yakṣirūpāya namaḥ ekayakṣāya
namaḥ ekaromāya namaḥ ekamaṇaye namo varadāya nama styakṣāya
namo rudrāya svāhā”
jitendriyaḥ sopavāsaḥ maheśvaramajaṃ vibhum
arcan siddhamimaṃ mantraṃ japet siddhimavāpnuyāt
131.2
kajjalānāṃ nipātāya grāhyo yatnena pāvakaḥ
dīkṣitasya gṛhāt śreṣṭho yatīnāñca viśeṣataḥ
rajakasya gṛhādvāpi takṣakasya gṛhācca vā
“oṃ jvalitadyutidehāya svāhā” | ayamagnigrahaṇamantraḥ | “oṃ
namo bhagavate vāsudevāya śrīparvate kulaparvate vasuvate svāhā”
anena mantreṇāgniṃ racayet | “oṃ varttiṃ bandha diśaṃ bandha pātāla bandha
maṇḍalaṃ bandha bandha svāhā” | anena varttimabhimantrayet | “oṃ namo
bhagavate siddhisāvarāya jvala jvala pata pata pātaya pātaya bandha
bandha saṃhana saṃhana darśaya darśaya nidhiṃ namaḥ” anena dīpaṃ prajvālayet
“oṃ iṃ sarvasiddhibhyo namaḥ | vicche svāhā” | anena kajjalaṃ grāhyam
“oṃ kāli kāli ! rakṣa rakṣa madañjanaṃ namo vicche svāhā”
anena yatkiñcidañjanadravyamabhimantrayet
131.3
hemnaḥ śalākayā cādau cakṣuṣorañjanaṃ smṛtam
tayā śalākayā paścādañjanadravyamañjayet
añjayitvā'ñjanaṃ paścāt sapta vā'śvatthapatrakam
bandhayet pratinetrantu hyacchidraṃ tadadhomukham
tasyopari sitaṃ vastraṃ paṭṭajaṃ vā'tha bandhayet
nāṅgādadhikahīnāṅgaṃ cādṛṣṭiṃ vā'gnidagdhakam
sampūrṇāṅgaṃ śucisnātaṃ dvidinaṃ naktabhojinam
kṣīraśālyannabhoktāraṃ dvidinānte tato japet
añjitasya śikhābandhaṃ karttavyaṃ mantra ucyate
“oṃ namo bhagavate rudrāya śrīṃ māhiṃ hulu hulu vihulu vihulu
mahā yakṣa yakṣa pūjite yakṣakumāryyaḥ sulocane ! svāhā”
131.4
dakṣiṇāmūrttimāśritya hyudayāstamayaṃ japet
pūrvameva samākhyātā śikhābandhe śivoditā
ayaṃ sarvāñjanānāṃ vai vidhijñeyaḥ śubhāvahaḥ
131.5
rocanaṃ kuṅkumaṃ śaṅkhaṃ bālapuṣpī tu candanam
rājāvarttaṃ † kumārīñca sauvīrāñjanapāradam
kajjalaṃ kāñcanīñcaiva sitapadmasya keśaram
yāvakaṃ saghṛtaṃ kṣīraṃ samabhāgaṃ supeborder border border? - suṣeṣayet || [correction: subeṣayet / supeborder?]
yāvakaṃ saghṛtaṃ kṣīraṃ samabhāgaṃ subeṣayet || [Let me check carefully: supeborder? looks like supeṣayet]
yāvakaṃ saghṛtaṃ kṣīraṃ samabhāgaṃ supeṣayet
śmaśānacelamādāya pūrvapiṣṭena lepayet
tadvarttiṃ ghṛtasaṃyuktāṃ prajvālya kajjalaṃ haret
sarvāñjanamidaṃ khyātaṃ pātālanidhidarśanam
131.6
śaratkāle tu saṃgrāhyā bhūlatā raktavarṇakā
sindūrapūritāṃ kṛtvā ravitūlena veṣṭayet
atikṛṣṇatilāttailaṃ grāhayedrakṣayet sudhīḥ
tailavarttyāḥ prayogeṇa kajjalaṃ cottarāyaṇe
grāhayitvā'ñjayeccakṣurnidhiṃ paśyati pūrvavat
131.7
saptadhā padmasūtrāṇi bhāvayeddiggajai rasaiḥ
sarvāñjanamidaṃ divyaṃ śambhudevena bhāṣitam
dīpakajjalyoḥ pātraṃ karttavyaṃ naramuṇḍakam
sarveṣāṃ kajjalānāntu śastaṃ syācchivabhāṣitam
131.8
sroto'ñjanamulūkasya grāhayedāśu pittakam
śubhe bhāṇḍe vinikṣipya yāvatsaptadināvadhi
anenāñjitanetrastu nirvighnaṃ vīkṣate nidhim
131.6-2
atikṛṣṇasya kākasya jihvāhṛnmāṃsamāharet
veṣṭayedravitūlena varttiṃ tenaiva kārayet
ajāghṛtena dīpantu prajvālyādāya kajjalam
añjitākṣo narastena nidhiṃ paśyati pūrvavat
131.10
sroto'ñjanamulūkāpta-jihvāraktānvitaṃ kṣipet
saptāhānte samuddhṛtya añjanādvīkṣate nidhim
131.11
aśleṣāyāntu kṛṣṇāhiratidhūmena kañcukam
dagdhvā sroto'ñjanonmiśramañjayennidhidarśakam
131.12
nakulasya ca bhekasya locanāni samāharet
sroto'ñjanasamāyuktaṃ meṣatailena peṣayet
añjitākṣo narastena nidhiṃ paśyati pūrvavat
131.13
ulūkacakṣurādāya kuṅkumaṃ rocanaṃ śaśī
samāṃsaṃ madhunā piṣṭaṃ khyātaṃ sarvāñjanaṃ param
131.14
pāradaṃ madhu karpūraṃ madhukasya ca mūlikām
samaṃ piṣṭvā pibet siddhaṃ divyaṃ sarvvāñjanaṃ param
131.15
puṣyārke śvetaguñjāyā vidhinā mūlamāharet
ulūkākṣeṇa madhunā sarvvāñjanamidaṃ param
131.16
sroto'ñjanaṃ sakhadyotaṃ mūlakāṇḍe viniikṣipet
saptāhānte samuddhṛtya pātālamadhunā'ñjayet
divā nakṣatravittāni karasthāni vipaśyati
131.17
haritālaṃ vacāṃ lodhraṃ reṇukāṃ cāñjanaṃ tathā
kṛṣṇapakṣe caturdaśyāṃ cūrṇīkṛtya viniikṣipet
sampuṭe tāmraje tacca aghoreṇābhimantrayet
añjitākṣo nidhiṃ paśyennaro nānāvidhaṃ bhuvi
131.18
raktāgastyasya tailena bhūdhātrīmūlapeṣitam
karpūreṇa yutaṃ cājyaṃ siddhaṃ sarvvāñjanaṃ param
131.16-2
kuṅkumaṃ śvetaguñjā ca kāñcanasyaiva pallavam
suśvetañca javāpuṣpaṃ sūryyāvarttasamaṃ madhu
sarvvāñjanamidaṃ khyātaṃ pātālanidhidarśanam
131.20
raktena kṛkalāsasya bhāvayitvā manaḥśilām
tenaivāñjitanetrastu nidhiṃ paśyati bhūmigam
131.21
pāradaṃ kākamācyutthaṃ phalaṃ karpūrakaṃ madhu
sūryyāvarttasamāyuktaṃ siddhaṃ sarvvāñjanaṃ param
131.22
jayā māṃsau haṃsapadī karpūrañca manaḥśilā
sūtaṃ dāruniśā caiva samabhāgāni peṣayet
divyāñjanamidaṃ khyātaṃ sarvabhūtavaśaṅkaram
131.23
sadyohatamanuṣyasya pittamādāya pūjayet
rocanayaiva śaśinā dhūmapākena śoṣayet
aṣṭāhānte jalairghṛṣṭamañjanaṃ nidhidarśanam
131.24
ulūkacakṣuṣo rakte bhāvayet paṭṭasūtrakam
tadvartyāṅkolatailena pradīpoddhṛtakajjalam
sarvāñjanamidaṃ sājyaṃ pātālanidhidarśanam
131.25
śvetaguñjārase sūtraṃ dinamekantu bhāvayet
tato vārāhajaṃ cūrṇaṃ sūtramadhye niveśayet
dīpamaṅkolatailena tadvatryuddhṛtakajjalam
siddhaṃ sarvāñjanaṃ loke svañjanaṃ nidhidarśakam
131.26
kṛṣṇājapittañca mayūrapittamaśokamūlaṃ sthitamuttarasyām
śaśāṅkagorocanamākṣikañca sarvāñjanaṃ nāma śivopadiṣṭam
sarvāñjanāni khyātāni prasiddhāni śivoktitaḥ
131.27
agastyavṛkṣajāṃ kuryāt pādukā'ñjanadarśikām
pādukā'ñjanayogena siddhayogā bhavanti vai
“oṃ namo bhagavate rudrāya uḍḍāmareśvarāya śila i
dhamanenāli vaitāli ! svāhā”
anena mantrarājena pādukāmabhimantrayet
Linked texts (3)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Nidhipradīpa — Śrīkaṇṭhaśambhu, Sanskrit