Pramāṇa · Search · About · API

Indrajalavidya 133

Indrajālavidyā 133

Language
Sanskrit

133.1

atha lepāñjanam
gokṣīreṇa tu sampiṣya tilakodravarājikāḥ
kaṇābījañca sampiṣya niśāyāñca nidhisthalam
bhraṣṭo lepo bhaved yatra prātastatra nidhiṃ diśet

133.2

arjunasya kadambasya vakasya khadirasya ca
brahmavṛkṣasya patrāṇi kākolyā caiva peṣayet
niśāyāṃ lepayedbhūmī kalkaṃ mantreṇa mantrayet
prātarlepo na yatrāsti tatraiva nidhimādiśet

133.3

umādimātṛsaṃyuktaṃ kirātaṃ tatra pūjayet
tatra homaḥ prakarttavyo niśāyāṃ ghṛtaguggulaiḥ
prabhāte tadvivarṇañca nidhistatra suniścitam
“oṃ namo bhagavate rudrāya kalkalepāñjanaṃ darśaya da
ṭhaḥ ṭhaḥ svāhā”
kalkalepāñjanañcedamanenaivābhimantrayet

133.1-2

atha māyāñjanam
praveśe nagarasyāntarlakṣamekaṃ japenmanum
paṭhan sūtraighṛtopetaiḥ kṛte home daśāṃśataḥ
prayacchatyañjanaṃ haṃsī yena paśyati bhūnidhim
“oṃ namo haṃsi haṃsajāte ! hrīṃ svāhā”

133.2-2

madhukasya tale mantraṃ caturdaśadinaṃ japet
naktabhojī caturyāmaṃ tuṣṭā yacchati mekhalā
añjanaṃ vighnanirmuktaṃ tena paśyati bhūnidhim
“oṃ namo madanamekhale ! ṭhaḥ ṭhaḥ hrīṃ svāhā”

133.3-2

ekaliṅgaṃ samabhyarcya ṣaḍaṅgenābhibhāvitaḥ
pūrvasandhyāṃ samārabhya kṛṣṇapakṣādito japet
sahasrāṣṭamidaṃ nityaṃ māsānte pūjayet punaḥ
madraktāṃ devatāṃ liṅge rātrau mantraṃ punarjapet
arddharātre gate devī datte divyāñjanaṃ śubham
vastrālaṅkaraṇaṃ divyaṃ ṣaṇmāsāccaiva siddhidā
“oṃ carka carka śālma lakharṇarekhe ! svāhā” | iti mantraḥ
oṃ hrāṃ hṛdayāya namaḥ | oṃ hrīṃ śirase svāhā| oṃ hrūṃ
śakhāyai | oṃ hraiṃ kavacāya | oṃ hrauṃ netrābhyām | oṃ hraḥ
strāya” | iti ṣaḍaṅgāni

133.4

arddharātre samutthāya sahasraikaṃ japenmanum
māsamekaṃ tato devī nidhiṃ darśayati dhruvam
“oṃ hrīṃ pramodāyai svāhā”

133.5

dinatrayaṃ nirāhāraḥ sati somagrahe japet
yāvanmuktistato devī yacchatyañjanamuttamam
“oṃ hrīṃ yakṣiṇi bhaumini ratipriye ! svāhā”

133.6

ekaliṅgagṛhasthāne candanena sumaṇḍalam
kṛtvā hastapramāṇena pūjayedatra padminīm
dhūpaṃ sagugguluṃ kṛtvā japenmantraṃ sahasrakam
māsamekaṃ tataḥ pūjāṃ kṛtvā rātrau punarjapet
arddharātre gate devī datte divyāñjanaṃ śubham
“oṃ hrīṃ padmini ! svāhā”

133.7

vaṭavṛkṣatale kuryyāccandanena sumaṇḍalam
yakṣiṇīṃ pūjayet tatra naivedyamupadarśayet
śaśamāṃsāsavaiḥ paścānmantramāvarttayet sudhīḥ
dine dine sahasraikaṃ yāvanmāsaṃ prapūjayet
tato devī samāgatya datte divyāñjanaṃ param
“oṃ hrīṃ āgaccha kanakāvati ! svāhā”

133.8

śṛgālasyākṣikarṇena hyañjayellocanadvayam
bhūtaṃ paśyatyasau tasmāt samprāpnoti mahānidhim

133.6-2

devadālaurasaiścakṣurañjayitvāpi tatphalam
“oṃ gaṇapataye namaḥ | oṃ cāmuṇḍāyai namaḥ | oṃ bha
darśaya darśaya svāhā”

Linked texts (6)