Indrajalavidya 134
Indrajālavidyā 134
- Language
- Sanskrit
134.1
uktayogadvayasyāsya mantraḥ syādayameva hi
atha ajñātanidhānasya grahaṇam
brahmacārisahasreṇa śilāmūlaśatena ca
rudrāṇāñca sahasreṇa śikhābandho vidhīyate
“oṃ rakṣa rakṣa vicce svāhā”
134.2
kuryyātsarvvasahāyānāṃ śikhābandhamanena vai
śābaraṃ dhārayedrūpaṃ mantrī sarvvārthasiddhaye
guṇinī yā mṛtā nārī tatkeśairupavītakam
kṛtvā tu dhārayettasyā bhasmanā dhūnayettanam
naramuṇḍadharo nagnaḥ śikhipicchaiḥ subhūṣitaiḥ
ityevaṃ rūpadhṛgghoraḥ pūjāṃ kuryyānnidhisthale
caturasraṃ caturdvāraṃ tanmadhye'ṣṭadalāmbujam
kṛtvaitanmaṇḍalaṃ mantrī kuṅkumāgurucandanam
tanmadhye sthāpayet kumbhaṃ jalapūrṇaṃ śivānvitam
“oṃ somāya viśvādhipataye āgaccha, āgaccha baliṃ gṛhṇa
namo viśve svāhā” | anenāṣṭadalakamale brāhmayādyaṣṭakaṃ pūjayet | “
namo brāhmau āgaccha āgaccha baliṃ gṛhāṇa” | evaṃ sarvvamā
tannāmayutena mantreṇa pūjāṃ kuryyāt | “oṃ śakrāya āgaccha āgaccha ba
gṛhāṇa” | evaṃ sarve dvārapālāḥ pūjyāḥ
nandinañca śriyaṃ pūrvadvāradeśe prapūjayet
kīrttiñcaiva mahākālaṃ dakṣiṇe paścime punaḥ
sagaṇeśaṃ kumārañca bhṛṅgirdaṇḍinamuttare
ityevaṃ pūjanaṃ kṛtvā svalpāhāraḥ pralimpayet
baliṃ pradarśayenmantrī sahāyāṃścābhiṣecayet
"oṃ bali subali tṛpyantu siddhimādiśantu oṃ namo viśve
svāhā" | iti balimantraḥ
maṇḍalaṃ darśayenmantrī sahāyāya samarciṃtam
śivakumbhāmbhasā sarvānmantreṇaivābhiṣecayet
"oṃ namo bhagavate ārbhaṭe piṅgalodarāya pāpaṃ nāśaya
nāśaya durācāraṃ hana hana abhiṣiktānāṃ rakṣa rakṣa abhiṣekaṃ
padam upadhāraya upadhāraya kuru kuru samarabhīṣaṇe namo vicce
vauṣaṭ" | iti abhiṣekabhantraḥ
134.3
nidheḥ khananakāle tu japastiṣṭhedaghorakam
dhyāyecca śābaraṃ rūpaṃ sarvabhūtabhayāpaham
mayūrapakṣasaṃyuktaṃ guñjājālena bhūṣitam
danturogramatiśyāmaṃ raktotpalanibhekṣaṇam
kirātameśvaraṃ dhyātvā sarvabhūtaphalapradam
"oṃ hrāṃ hrīṃ hūṃ aghora tara tara prasphura prasphura prakaṭa prakaṭa
dhaneśāya kaha kaha sama sama jāta jāta daha daha pātaya pātaya
oṃ hrauṃ hrauṃ hūṃ aghorāya phaṭ"
imañcāghoramantraṃ hi pūrvamevāyutaṃ japet
auṣadhośena homastu ghṛtaiḥ siddho bhavediti
khanyamāne nighau sarpā niḥsaranti bhayānakāḥ
auṣadhena vinā tebhyo bhayaṃ syānmantriṇāmapi
tasmādauṣadhayogena pādalepena tān jayet
134.4
arkasya karavīrasya panasasya ca mūlikām
piṣṭvā pādapralepāttu dūre gacchanti pannagāḥ
134.5
mallikā girikarṇī ca śvetārkaḥ kaṇṭakārikā
vacā ca mūlikāścaiṣāṃ piṣṭvā pādaṃ pralepayet
sarpā yakṣagaṇāḥ krūrā ye cānye vighnakāriṇaḥ
palāyante nidhiṃ tyaktvā yathā yuddheṣu kātarāḥ
134.6
vahniḥ koṣātakī vajrī śvetārkaḥ girikarṇikā
vacā pāṭhā ca nirguṇḍī kaṭutumbāśca ✻ mūlakam
nimbakeśarabījāni gomūtraiḥ peṣayet śanaiḥ
anena pādalepena vighnā yānti diśo daśa
etannārācayogena yāti pātālakaṃ, dhanam
gṛhṇāti nātra sandehaḥ svayamuktaṃ kapardinā
134.7
kūṣmāṇḍairaṇḍadhustūra-bījāni panasasya ca
tāladār̤imamūlāni gomūtraiḥ peṣayet samam
anena pādalepena sarpā yakṣāḥ piśācikāḥ
palāyante na sandeho nidhīn saṃgrāhayet dhruvam
134.8
santrakīlakairdṛṣṭaṃ nidhiṃścaitaiśca kīlayet
palāśaplakṣamodhrottha-kadambanimbajaiḥ sudhīḥ
śamyuḍumbarakāśvattha-kīlakaiḥ pañcasaṃyutaiḥ
“oṃ punantu māṃ devagaṇāḥ punantu gaṇakādhipāḥ
punantu viśve devāśca jātavedāḥ punīhi mām”
iti kīlakamantraḥ | “oṃ sarvabhūtādhipataye namaḥ” | anena madhumāṃsābhyāṃ
mṛtabaliṃ dadyāt | “śrīṃ hrīṃ phaṭ” | anena mantreṇa nidhisthāne puṣpaṃ dadyāt
"oṃ namo bhagavate ketumāline garur̤e śubhe oṃ hrīṃ kapālini
uddhāraya gṛhāṇa nidhiṃ svāhā"| anena ketumālinimantreṇa nidhimuddharet
134.9
catvāro nidhayastatra śambhudevena kīrttitāḥ
kacchapo makaraḥ śaṅkhaḥ padma ityabhidhānataḥ
kacchapo makaraścaitau sthiracittau svabhāvataḥ
sukhasādhyau yathā pūrvaṃ vidhānena samāharet
śabdena tu manuṣyāṇāṃ śaṅkhapadmau rasātalam
gacchantau na tu dṛśyete tatra mantradvayaṃ smaret
śaivañca vaiṣṇavañcaiva tataḥ siddho bhaved dhruvam
"oṃ namo bhagavate rudrāya nidhimuttiṣṭha mācalaṃ svāhā"
oṃ namo bhagavate vāsudevāya dhara dhara bandha śrīparvatakulaparvate
sunidhiṃ sādhayet"
134.10
mṛtkāṣṭhalauhabhāṇḍeṣu sthitaṃ dravyantu mṛttikām
śaivālaṃ vā samāśritya tiṣṭhet tacca viśodhayet
bālukairlavaṇaṃ piṣṭvā tasmin dravye viniikṣipet
yāvallavaṇasaṃtulyaṃ pācayenmṛduvahninā
svarṇañca sarvaratnāni nirmalāni bhavanti vai
arjunasya vibhotasya citrakasya ca pallavān
piṣṭvā tu lavaṇaṃ tulyamāranālena lor̤ayet
tanmiśradraviṇaṃ hyagnau cārayenmalaśāntaye
Linked texts (3)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Nidhipradīpa — Śrīkaṇṭhaśambhu, Sanskrit