Indrajalavidya 135
Indrajālavidyā 135
- Language
- Sanskrit
135.1
atha adṛśyakaraṇam
lakṣamekaṃ japenmantraṃ rājadvāre śuciḥ sthitaḥ
kṣīreṇa mālatīpuṣpairhute sidhyati yakṣiṇī
dadāti guṭikāṃ sā tu mukhasthā'dṛśyakāriṇī
“aiṃ madane madanaviḍambane! ātmasaṅgaṃ dehi me dehi me
svāhā”
135.2
caturlakṣaṃ japenmantraṃ śmaśāne niyataḥ śuciḥ
nagnovrataṃ tatastuṣṭā paṭaṃ yacchati yakṣiṇī
tenāvṛto naro'dṛśyo vicaredvasudhātale
nidhiṃ paśyati gṛhṇāti na vighnaiḥ paribhūyate
“oṃ hrīṃ śmaśānavāsinī svāhā”
135.3
niśāyāñca nidhiṃ dhyātvā japan vāmena pāṇinā
adṛśyakāriṇīṃ vidyāṃ lakṣajāpe prayacchati
“oṃ namo viśvācara maheśvara ! mama paryyaṭataḥ”
135.4
atibalyupahāreṇa kuryyādarcanamuttamam
tato dīpāṅgulītailairvarttiḥ syādarkatantujaiḥ
prajvālya nṛkapāle tu tatpātre ghṛṣṭakajjalam
añjayennetrayugalaṃ devairapi na dṛśyate
135.5
arkaśālmalikārpāsa-paṭṭasūtrābjatantubhiḥ
pañcabhirvarttikābhiśca nṛkapāleṣu pañcasu
naratailena dīpeṣu kajjalaṃ nīrajairdalaiḥ
grāhayet pañcabhiryatnāt pūrvavacca śivālaye
pañcasthāneṣu yuñjīta ekīkuryyācca tatpunaḥ
mantrayitvā'ñjayennetre devairapi na dṛśyate
“oṃ hrīṃ phaṭ kāli kāli māṃsaśoṇitabhojane raktakṛṣṇamukhe devi ! mā me paśyati manuṣyeti huṃ phaṭ svāhā” | ayaṃ mantraḥ
ayutajapaḥ siddho bhavati
adṛśyakāriṇo yogāḥ mantrāścāṣṭottaraṃ śatam
anenaiva prayogeṇa tataḥ siddhāḥ bhavanti hi
135.6
aṅkolatailasaṃsiktā vacā saptadināvadhi
trilohaveṣṭitāṃ dhātu-guṭikāṃ kārayecchubhām
adṛśyakāriṇī khyātā mukhasthā nātra saṃśayaḥ
135.7
tattaile sarṣapaṃ śvetaṃ trilohena ca veṣṭayet
guṭikā mukhamadhyasthā khyātā'dṛśyatvakāriṇī
135.8
kākolūkasya pakṣāṃśca ātmakeśāṃstathaiva ca
antardhūmagataṃ dagdhaṃ sūkṣmacūrṇantu kārayet
aṅkolatailaṃguṭikāṃ kṛtvā śirasi dhārayet
adṛśyo jāyate kṣipraṃ devairapi na dṛśyate
135.6-2
tālakaṃ kṛṣṇamahiṣī-kṣīramaṅkolatailakam
tanliptāṅgo naro'dṛśyo jāyate śaṅkaroditam
135.10
aṅkolatailasaṃsiktaṃ malaṃ pārāvatodbhavam
lalāṭe tilakaṃ tena kṛtvā'dṛśyo bhavennaraḥ
“oṃ kattavo lālāmūlaṃ hune saure jāne hrīṃ hrīṃ siddhe
svāhā” | uktayogānāmayameva mantraḥ
135.11
śvetāparājitāmūlaṃ grāhyaṃ candragrahe sati
bālākṣīreṇa saṃyuktāṃ guṭikāṃ mūrdhni kārayet
vaktre haste ca sā grāhyā devairapi na dṛśyate
135.12
putrajīvotthitaṃ tailaṃ varttiṃ kṛtvā'kṣatantujām
gorocanāmadhubhyāñca vīramuṇḍe pralepayet
dīpaṃ prajvālya caikasminnapare grāhya ✽ kajja lam
tadañjanāñjito martyo viśvenāpi na dṛśyate
135.13
jarāyuṃ śvetamārjāryyāḥ kṛṣṇāyā vāpya cūrṇayet
trilauhaveṣṭitaṃ kuryyānmukhasthā'dṛśyakāriṇī ✟
135.14
bhojayet kṛṣṇakākantu mahiṣīnavanītakam
tadviṣṭhā ravitūlena nṛkapāleṣu pūrvavat
śmaśāne kajjalaṃ grāhyaṃ tadvat phalamanuttamam
135.15
pārāvatasya kukṣisyo pakṣaḥ sroto'ñjanaṃ hitam
kṛṣṇamārjāraraktena saktamaṅgādadṛśyakṛt
135.16
kṛṣṇamārjāraraktena bhāvitaiḥ raktatantubhiḥ
varttastatkapilājyena nṛkapāle ca pūrvavat
grāhayet kajjalaṃ divyamadṛśyakaraṇoditam
135.17
dārado devadāruśca citāmāṃsaṃ narasya ca
sroto'ñjanayutaṃ kuryyādañjane'dṛśyakārakam
135.18
ulūkasya śṛgālasya śūkarasyākṣināsikām
nīlāñjanayutāṃ piṣṭvā rudvā śśrāvapuṭe dahet
tenāñjito naro'dṛśyo jāyate nātra saṃśayaḥ
135.16-2
khañjarīṭaṃ sajīvantu gṛhītvā phālgune kṣipet
pañjare rakṣayet tāvad yāvadbhādrapadaṃ labhet
tadā sa pañjare'dṛśyo jāyate nātra saṃśayaḥ
135.20
khañjarīṭaśikhā grāhyā hastasthā'dṛśyakāriṇī
trilauhaveṣṭitāṃ rakṣeḍārayenmūrdhni sarvadā
135.21
daśa hema dviṣaṭ tāmraṃ raupyaṃ ṣoḍaśabhāgikam
eṣā saṃkhyā trilauhasya jñātavyā sarvakarmaṇi
krameṇa veṣṭayed yatnād guṭikānāmayaṃ vidhiḥ
"oṃ namo bhagavate uḍḍāmareśvarāya, namo rudrāya vili
vili vyāghracarmaparidhāna kamala katula caṇḍa pracaṇḍa ! kili
kili svāhā" | uktayogānāmayaṃ mantraḥ
135.22
ajamodasya mūlantu turagīgarbhaśayyayā
saha tālakasampiṣṭaṃ tilake'dṛśyakañcārakam
135.23
rātrau kṛṣṇacaturdaśyāṃ lāṅgalīmūlamuddharet
śvetacchāgalikāgarbha-śayyayā naratailakam
ekīkṛtyāñjayennetre hyadṛśyaḥ khecaro bhavet
"oṃ aḥ sakhe aḥ sakarṇe aridurbala arddhākrośa dātā karāle
ḍhakkārāve phikāriṇi huṃ huṃ caṇḍālini ! svāhā" | uktayogadvaye
'yameva mantraḥ
135.24
amāvasyā'thavā pūrṇā pañcamī vā trayodaśī
śvetapuṣpairgandhadhūpairbalidīpopahārakaiḥ
rātrau pūjyā tato grāhyā devadānī samanvitā
"oṃ amṛtagaṇapariveṣṭite rudragaṇāya oṃ namaḥ svāhā"
ayaṃ mantraḥ | “oṃ namo bhagavate rudrāya phaṭ” anena yācñā †
tadrasaiḥ pāradaṃ madyaṃ dinamekaṃ tato'ñjayet
adṛśyo jāyate satyaṃ svayaṃ proktaṃ kapardinā
135.25
tadrasaṃ devadānyutthaṃ ketakīstanyasaṃyutam ‡
añjayennetrayugalam antarddhānakaraṃ param
135.26
rātrau kṛṣṇacaturdaśyāṃ caturbhiḥ saha sādhakaiḥ
ekānte ca śmaśāne vā khaḍgahastairmahābalaiḥ
arcayet kṛṣṇamārjāraṃ gandhapuṣpākṣatādibhiḥ
ajaṃ kṛṣṇaṃ baliṃ dadyāt tasya medaḥ samāharet
upoṣitāya tasmai hi medo deyantu bhakṣaṇe
tṛpyantaṃ taṃ tu mārjāraṃ gṛhītvā paścime pade
cālanāddāmayedbhāṇḍe jalapūrṇe samarcita
taddhāntaṃ pācayedagnau dīpaṃ tenaiva dāpayet
varttiñca śubhratantūtthāṃ jvālayennṛkapālake
tatpātre kajjalaṃ grāhyaṃ rātrau devīṃ prapūjayet
parasparāśliṣṭakarāścatvāraḥ khaṅgapāṇayaḥ
dīpamāhṛtya rakṣeyuḥ pañcamastu japet sadā
mahākālīyamantreṇa pūrvayoga udāhṛtaḥ
tatratyaṃ kajjalaṃ yatnāt pañcabhirgrāhayet samam
adṛśyakārakaṃ rājya-prado yoga udāhṛtaḥ
135.27
śunakasyānikṛṣṇasya gale sūtraṃ vibandhayet
"oṃ namaḥ akānti nṛkaṭayatu kuṭakaṭimena"
anena mantrarājena kṛṣṇaśvānasya dākṣiṇam
adhodaṃṣṭrāmūlamāṃsaṃ grāhyaṃ pañcopacārakaiḥ
pūjayitvā viśuddhātmā taṃ sayatnaṃ samāharet
trilauhaveṣṭitaṃ kṛtvā vaktrastho'dṛśyakārakaḥ
135.28
mayūravānarāsthīni pācayenmāhiṣairghṛtaiḥ
piṣṭvā tadañjayennetre hyadṛśyoṃ jāyate naraḥ
135.26-2
upavāsatrayaṃ kṛtvā tataḥ puṣye nivāpayet
nṛkapāle yavān kṛṣṇān kṛṣṇamṛtpūrite niśi
niśāyāṃ secayennityaṃ supakvamāharenniśi
tairbījaistu kṛtā mālā śiraḥsthādṛśyakāriṇī
135.30
śareṇa nihate martye dagdhe tallohamāharet
nīlolūkasya kākasya grāhye etasya locane
tallohenāñjayeccakṣuradṛśyo bhavati dhruvam
135.31
bhajedṛttumatīṃ kanyāṃ śmaśāne maithunena tu
tacchukraśoṇitaṃ grāhyaṃ śilā''rakavimiśritam
lalāṭe tilakaṃ tena kṛtvā'dṛśyo bhavennaraḥ
135.32
samprāpte tvaṣṭame māse yadi garbhaṃ patet striyaḥ
tasya netre ca karṇau ca jihvāhṛnmāṃsanāsikām
gudamedramupādāya sandhyāyāṃ tat prapeṣayet
sūryyacandragrahe caivaṃ guṭikāmabhimantrayet
mṛṅgākālikāyamantreṇa yāvanmokṣo bhaved grahaḥ
guṭikāṃ dhārayeddhaste hyadṛśyo jāyate naraḥ
135.33
nṛkapāle tu yā lagnā sīsakodbhavamṛttikā †
cāṇḍālīstanyasaṃmiśrā hastasthā'dṛśyakāriṇī
135.34
vāpayettulasībījaṃ karmmakārasya mastake
rātrau kṛṣṇacaturdaśyāṃ jalena pariṣecayet
tulasīkāṣṭhapṛṣṭhe vā dṛśyate sā na kenacit
tadarthaṃ vāpitā vāñchye tulasī jāyate sadā
tadā kākodbhavā grāhyā baliṃ dattvā tu kukkaṭam
supakvaṃ saptadhānyañca vaṭapatre baliṃ kṣipet
samūlāṃ tulasīmaṅgāādadṛśyo ‡ jāyate naraḥ
135.35
kṛṣṇāṣār̤hacaturdaśyāṃ kṛṣṇadhustūrabījakam
vāpayennaramuṇḍe tu nāmārabhye samāṃsake
nikhanet kṛṣṇabhūmyantaḥ socchiṣṭaiḥ secayet sadā
saṃkrāntidarśapūrṇāsu dīpaṃ dadyād ghṛtena ca
raktasūtrodbhavā varttiryāvattasya phalodayaḥ
kṛṣṇāṣṭamyāṃ phalaṃ grāhyaṃ baliṃ dadyāttu kukkuṭam
taddojairguṭikā kāryā mukhasthā'dṛśyakāriṇī
135.36
kṛṣṇamṛtpūrite caitre vāpyā guñjā nṛmuṇḍake
rātrau kṛṣṇacaturdaśyāmatibalyupahārakaiḥ
nityaṃ kuryādbaliṃ pūjāṃ jalaiḥ siñcet sadā niśi
yāvat phalati sā guñjā tataḥ kṛṣṇamajaṃ balim
kṛtvā yogeśvarāṃścaiva bhojayedbalipūrvakam
tasya cāṣṭottaraśataṃ grāhyaṃ guñjāphalaṃ kramāt
sūcyā ca protayet sūtraiḥ sā mālā'dṛśyakāriṇī
dhārayenmūrdhni karṇe vā, sa vṛkṣo na hi dṛśyate
135.37
sukṛṣṇamahiṣoccīraiḥ pācayat kṛṣṇajīrakam
tadbhakṣaṇādadṛśyaḥ syād yāvad jīrṇaṃ na saṃśayaḥ
135.38
hṛdayaṃ kṛkalāsasya grāhayedvidhipūrvakam
gorocanāsamaṃ piṣṭvā tālapatreṇa veṣṭayet
samaṃ vā guṭikā sā tu mukhasthā'dṛśyakāriṇī
“oṃ ir̤āpiṅgalāya svāhā”
135.36-2
kaṭutumbī devadānī paṭolī cendravāruṇī
tiktākoṣātakī tāsāṃ śuṣkabījāni cūrṇayet
apāmārgakākatuṇḍagoḥ kaṣāyeṇa viloḍayet
ālipya kāṃsyapātrantu dhārayedātape khare
taṃ gharmaṃ svacchavastreṇa pīḍayet tailamāharet
tena tailena saṃghṛṣṭaṃ devadāru ca candanam
tena vai tilakaṃ kuryāllalāṭe'dṛśyakārakam
135.40
apāmārgakaṣāyeṇa pūrvatailaṃ samāharet
viṣamuṣṭyutthabījānāṃ cūrṇamāmrātacūrṇakam
daśāṃśaṃ citrakaṃ mūlaṃ piṃṣyāllāṅgalivāribhiḥ
evaṃ vidhāt kriyāyogāt pūrvatailaṃ samāharet
viṣamuṣṭyutthabījāni sarvayogeṣu yojayet
aṅkolatailanirdagdhaṃ rajanaukuṅkumaṃ niśi
rocanāsahadevyośca samabhāgāni peṣayet
viṣamuṣṭyutthatailena tilako'dṛśyakārakaḥ
135.41
kārpāsabījacūrṇāni dinamekaṃ vibhāvayet
samūlottaravāruṇyāḥ kaṣāyeṇa prayatnataḥ
pūrvavad grāhayettailaṃ sarvayogeṣu yojayet
āmrātabījacūrṇāni daśā'ṃśaṃ citramūlakam
nārikelāmbunā piṣṭvā varttiṃ kṛtvā prayatnataḥ
jvalitāṃ dhārayeddhaste so'pyadṛśyo bhavennaraḥ
135.42
putrajīvotthabījānāṃ tailamāmrātavadbhavet
dṛśyante cāñjitāḥ sarve gomūtraiḥ kṣālanāt punaḥ
135.3-2
kākajaṅghā sitā grāhyā gṛdhrasya ca vasā tathā
aśvagandhāmamāyuktāmuṣṭrīkṣīreṇa peṣayet
anena liptapādastu yojanānāṃ śataṃ vrajet
“oṃ namo bhagavate rudrāya bhūtavetālatrāsanāya śaṅkhacakragadādharāya hana hana mahate candrayutāya huṃ phaṭ svāhā”
anena sādhakaḥ pāda-lepanatrayapūrvakam
dhīro'bhimantrayenmantraṃ tataḥ siddhiḥ suniścitā
135.4-2
śvānamārjāranakula-pittaṃ grāhyaṃ samaṃ samam
yojanānāṃ śataṃ gatvā kākamāṃsaṃ rasāñjanam
piṣṭvā pādapralepena punarāvarttate kṣaṇāt
“oṃ namo bhagavate rudrāya māṃse saṃmale kāle galekhe
pravara sara sara svāhā”
135.5-2
indragopañca sindūraṃ haricandanavetasam
ajāmāṃsaṃ tathā rāsnāmavokṣīreṇa bhāvayet
piṣṭvā pādapralepena sa gacched yojanāyutam
subhagaḥ sa tu nārīṇāṃ brahmatulyo bhavennaraḥ
“oṃ namo bhagavate rudrāya, namo brahmaṇe, namaḥ sūryāya, namaḥ
candrāya, namo śaṅkhacakragadādharāya hili hili svāhā”
135.6-3
surabhī ⁕ kāñcanīmūlamajamārī ca candrakam
dāradaṃ pāradañcaiva uṣṭrīkṣīreṇa peṣayet
anena pādalepena nānārūpadharo bhavet
yojanānāṃ sahasraikaṃ gatvā pratinivarttate
kāmayet strīsahasrāṇi rudratulyo bhavennaraḥ
“oṃ namo bhagavate rudrāya, namo daṇḍakapālāya mikaṭaṃ kaṭasya yānapriyāya baddhe śrīśūline bhagavate trinetrāya cala
hana svāhā”
135.7-2
sārikāyā vasānetramantrāṇi rudhiraṃ tathā
kākapittaṃ tathā netraṃ haricandanavetasam
śunomajjāṃ vasāṃ tulyamuṣṭrokṣīreṇa bhāvayet
pādalepaḥ prakarttavyo namaskṛtya śivaṃ tataḥ
yojanaṃ lakṣamekantu nimiṣārḍena gacchati
gaganāśeṣacārī ca krīr̤atyeva yathā śivaḥ
strīkoṭiśatasaṃṅghātaṃ kāmayennimiṣāntare
brahmatulyo bhavet so'pi līyate parame śive
“om̐ namaścandramaṇe candraśekhare, namo bhagavate tiṣṭha, namo bhagavate, namaḥ śikhare, namaḥ śūline, namaḥ pādapracāriṇe vegine, haṃ
phaṭ svāhā”
135.8-2
pratīcīdiggataṃ mūlaṃ devadānyāḥ samāharet
tat piṣṭvā'ṅkolatailena pādalepācchataṃ vrajet
135.6-4
kākatuṇḍyāśca mūlāni tilatailena pācayet
pādāntajānuparyyantaṃ liptā dūrādhvago bhavet
“om̐ hrīṃ namaścaṇḍikāyai gaganaṃ gamaya gamaya cālaya cālaya
gavāhini ! hrīṃ svāhā” | uktayogadvayasyāyaṃ mantraḥ
135.10-2
kākasya hṛdayaṃ netraṃ jihvāñcaiva manaḥśilām
gairikañcaiva sindūramajamārī ca mālatī
samāṃ rudrajaṭāñcaiva vidāryyā saha peṣayet
talliptapādaḥ sahamā sahasrayojanaṃ vrajet
valīpalitanirmukto yāvadābhūtasaṃplavam
“om̐ namo bhagavate rudrāya haritagadādharāya trāsaya trāsaya
cālaya cālaya svāhā”
135.11-2
nirguṇḍīmūlamādāya malaṃ pārāvatodbhavam
palāśavījasaṃyuktaṃ raktapāṭhāphalāni ca
hṛdayañca ulūkasya peṣayecchītavāriṇā
anena pādalepena yojanānāṃ śataṃ vrajet
135.12-2
ulūkasya tu pādāni dagdhāni cūrṇitāni ca
aṅkolatailapiṣṭāni pādalepena yojayet
yojanānāṃ śataṃ gatvā punarāgacchati dhruvam
"oṃ hrīṃ hrīṃ hrūṃ plūṃ huṃ phaṭa namaḥ"
siddhiprado bhavenmantraḥ proktayogadvaye hyayam
135.13-2
vidhinā kṛkalāsasya pucchamādāya dakṣiṇam
trilohaveṣṭitaṃ vaktre dhāryyamicchāgatirbhavet
"oṃ saṅkocāya svāhā"
135.14-2
sādhakaścillālayaṃ gatvā nityaṃ tasmai nivedayet devatabuddhyātibhaktyā bhakṣaṇārthaṃ kiñcit kiñcidāmamāṃsaṃ nikṣipet
yāvat prasūtā bhavati tataḥ pāradaṃ rasaṃ sārddhaniṣkatrayaṃ kasmiṃścinnālikādvaye nikṣipet| tasyādha ūrddhācchidraṃ sikyakena ruddhvā
cillālayaṃ gatvā aṇḍadvayasyopari nālikādvayaṃ nighāya lauhaśalākayā nālikāmadhyamārgeṇa tadaṇḍaṃ laghuhastena vedhayitvā
śalākāmuddharet| tenaiva mārgeṇa aṇḍamadhye yathā'sau gacchet
tathāyatnaṃ kuryyāt| tataśchidraṃ cillāviṣṭhayā limpet tataśca
vṛkṣādho nityamatibakyupahāreṇa pūjāṃ kuryyāt| yāvat svayamevāṇḍāni sphoṭayanti tāvannityamupari gatvā vīkṣayet
sphuṭite sati guṭikādvayaṃ grāhyam| tato vṛkṣāduttīryya yo girlāmanuṣyastasmai ekā deyā| aparāṃ svayaṃ mukhe dhārayet
yojanadvādaśaṃ gatvā punareva nivarttate
iti siddhayogaḥ | “oṃ hrīṃ drūṃ phaṭ cinnacakrekhari parātpareśvari ! pādukāsādhanaṃ dehi me dehi svāhā” | anena mantreṇa
japaṃ pūjāñca kuryyāt
135.15-2
lakṣatrayaṃ japenmantrī dhyātvā tāṃ raktavarṇikām
kadambavanamadhye tu madaghūrṇitalocanām
kuṇḍalairmaṇibhirdivyairvastrālaṅkārabhūṣitām
sāmṛtaṃ kalasaṃ vāme dakṣiṇe maṇihārakam
dadhatīṃ cintayeddevīṃ raktapadmopari sthitām
prahasantīṃ citralekhāṃ prasannāṃ navayauvanām
īdṛśīṃ pūjayennityaṃ japānte homayet tataḥ
śarkarā chāgamāṃsantu gokṣīraṃ ghṛtasaṃyutam
daśāṃśena tatastuṣṭā khecaratvaṃ prayacchati
vimānaṃ khecaratvañca dadātyamṛtabhojanam
āyulaṃkṣāyutañcaiva hārakeyūramaṇḍalam
nānālokagataścaiva yasmānmantrī sukhī bhavet
“oṃ hrīṃ citralekhe ! āgaccha āgaccha tutu tutu hrīṃ
svāhā”
Linked texts (4)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Uḍḍīśatantra (Śrīnātha) — Śrīnātha, Sanskrit
- Auḍḍīśaśāstra — Sanskrit