Indrajalavidya 136
Indrajālavidyā 136
- Language
- Sanskrit
136.1
atha mṛtasañjīvanīvidyā
mṛtasañjīvanīṃ vidyāṃ pravakṣyāmi samāsataḥ
liṅgamaṅkolavṛkṣādhaḥ sthāpayitvā prapūjayet
navaṃ ghaṭañca tatraiva pūjayelliṅgasannidhau
vṛttaṃ liṅgaṃ ghaṭañcaiva sūtreṇaikena veṣṭayet
caturbhiḥ sādhakaiḥ sārddhaṃ pratiyāmaṃ krameṇa tu
evaṃ divāniśaṃ kuryyādaghoreṇa samarcanam
puṣpādiphalapākāntaṃ sādhanaṃ kārayet sudhīḥ
phalāni pakvānyādāyapūrvoktaṃ pūrayed ghaṭam
tadghaṭaṃ pūjayeddhīmānarghyapuṣpākṣatādibhiḥ
tuṣavarjāni vai kṛtvā vījāni vāpayenmukhe
tanmukhe ṭaṅgaṇaṃ cūrṇaṃ kiñcit kiñcit prapūjayet
vistīrṇamukhabhāṇḍāntaḥ kumbhakāragaṇoddhṛtām
mṛttikāṃ limpayaṃstatra tāni vījāni lepayet
kuṇḍalyākārayogena yatnādūrddhamukhāni ca
tacchuṣkaṃ tāmrapātrotthaṃ bhāṇḍaṃ dadyādadhomukham
ātape dhārayettailaṃ grāhayettacca rakṣayet
māṣārddhañcaiva tattailaṃ māṣārddhaṃ tilatailakam
tasya deyaṃ mṛtasyaitat samyak tasyā'sitena tu
tatkṣaṇājjīvayet satyaṃ gataṃ vā'pi yamālayam
rogādisarpādimṛtāḥ punarjīvanti niścayam
136.2
puṃśukraṃ pāradaṃ tulyaṃ tena tailena mardayet
gātre deyaṃ mṛtasyaiva kāladṛṣṭasya vā kṣaṇāt
jīva āyāti no citraṃ mahādevena bhāṣitam
136.3
puṣyabhāskarayogena guḍūcīmūlamāharet
karṣamuṣṇodakaiḥ pītamapamṛtyuharaṃ param
“oṃ aghorebhyo'tha ghorebhyo rudrarūpebhyaḥ”
uktayogadvayasyāryyairayamantraḥ prakīrttitaḥ
136.1-2
atha kālavañcanam
rocanaiḥ kuṅkumairlākṣānāmikāraktasaṃyutaiḥ
dvādaśāraṃ likhet padmaṃ tadvahiścaiva tat samam
ṣoḍaśāraṃ tato bāhye mūlaṃ bījaṃ tato likhet
prathamasya dale varṣaṃ māsāṃścaiva bahirdale
ṣoḍaśārākarṇikāyāṃ sādhyanāma dināni ca
pūjayeccakravartmantu sayatnaṃ tannirodhayet
yadale vākṣaraṃ luptaṃ taddine mriyate dhruvam
varṣamāsadinasyaitat tasya nāmnaḥ parasya vā
yadā varṇaṃ na luptaṃ syāt tadā mṛtyurna vidyate
varṣadvādaśaparyyantaṃ kālaṃ jñeyaṃ śivoditam
“oṃ dhatta kālapuruṣottama saṅgā viśvamūrte kālakṣayaṃ antakālaṃ darśaya pradhānakālaṃ darśaya svāhā” | amuṃ mantraṃ nityamaṣṭottarasahasraṃ japtavyaṃ pañcopacāraiḥ saptadinaparyyantamanainaiva prapūjayet | pratyayo bhavati
136.2-2
mārgaśīrṣe tu kṛṣṇāyāṃ pañcamyāṃ nīrajaṃ śubham
bhūrjjapatraṃ samānīya lākṣākuṅkumarocanāḥ
svakīyā'nāmikāraktairlikhedvidyāṃ śivoditām
kramapūjāṃ vidhāyādau paścādvidyāṃ samarccayet
śarāvapuṭamadhyasthāṃ jātīpuṣpaiḥ suveṣṭitām
śubhapīṭhe vidhṛtvā'tha tāṃ vidyāṃ pūjayenniśi
prātaḥ kṛtvā'rccanaṃ bhūyaḥ dhyātvā pūjyā kumārikā
sādhakastvekacittena paścādvidyāṃ vilokayet
varṇādhike bhavedrājyaṃ mātrādhikye ca sampadaḥ
samatve sukhamārogyaṃ hānirbinduvilopanāt
mātrāhīne bhavedvyādhirmaraṇaṃ bindunāśane
“oṃ hrīṃ hrīṃ mlīṃ mahāpataye rakṣa rakṣa mṛtāmṛtodbhave! mlīṃ
hrīṃ vicce svāhā”
136.3-2
mṛtyuttalakṣaṇajñānam
uttarābhimukhastho yo yadi gacchati dakṣiṇām
diṅmūḍhaḥ sa tadā jñeyaḥ saptamāsānna jīvati ॱ
136.4
śuddhanirmalamādityavivaraṃ yadi paśyati
tadvarṣānte kṣayaṃ yāti nānyathā bhairavoditam
136.5
sitaṃ kṛṣṇaṃ haridrābhaṃ samūlaṃ bhānumaṇḍalam
yaḥ paśyati sadā'sau vai varṣādūrdhvaṃ na jīvati
136.6
ravivimbe jale dṛṣṭe sampūrge na mṛtiḥ kvacit
khaṇḍe dikṣu kramānmṛtyastathaikadvitrimāsataḥ
madhyacchidre daśāhena tajjale dhūmasaṅkule
136.7
arundhatīṃ dhruvaṃ somaṃ chāyāyāṃ vā mahāpathamū
yo na paśyati nistejo varṣānte mriyate dhruvam
136.8
sacchidro dṛśyate candrastaddadā darpaṇe raviḥ
dṛśyate nispṛho vā'pi yenā'sau mriyate'bdataḥ
136.6-2
sūrye vahati sampūrge yasya somo na dṛśyate
varṣānte jāyate mṛtyuḥ kālajñānaṃ śivoditam
136.10
yasya vā snānamātreṇa hṛdayaṃ yadi śuṣyati
paśyeddhūmañca sarvatra saptamāsāntajīvanam
136.11
agrataḥ pṛṣṭhato vā'pi yasya syāt khaṇḍitaṃ padam
kardame pāṃśupuñje vā saptamāsāntajīvanam †
136.12
kṛṣṇaraktāni vastrāṇi raktamālyānulepanam
svapne yo labhate'kasmāt ṣaṇmāsānte na jīvati
136.13
bhaktiḥ śaulaṃ smṛtistyāgo buddheścañcalatā tathā
yasyaitāni nivarttante ṣaṇmāsāntaṃ na jīvati
136.14
rākṣasairbhūtavetālaiḥ śvānaśūkaragardabhaiḥ
gṛdhraiḥ kākairulūkaiśca mahiṣairvā kramelakaiḥ
svapne veṣṭitamātmānaṃ paśyedabdānna jīvati
136.15
āsoraskāṃ yadā paśyedātmacchāyāmathāpi vā
sukṛṣṇāstārakāḥ paśyet ṣaṇmāsānte na jīvati
136.16
niśi cāpaṃ divā colkāmameghai rātridarśanam
yaḥ paśyenmriyate so'pi ṣaṇmāsācchaṅkaroditam
136.17
svapne dehaṃ svakaṃ sthūlaṃ tailāktaṃ vā'tha paśyati
bhītaḥ kruddho'thavā nityaṃ māsādūrddhaṃ na jīvati
136.18
śaṅkhāvartte dhruvormadhye gulphayormarmasandhiṣu
spandanaṃ yasya naivāsti māsādūrddhaṃ na jīvati
136.16-2
cakṣuṣī sravato nityaṃ na śṛṇotyapi niścitam
dīpagandhaṃ na jānāti pakṣādūrddhaṃ na jīvati
136.20
oṣṭhayodhūsaratvañca śuṣkaṃ vā tāludeśakam
skandhau bhagnatvamāyāntau ṣaṇmāsānte na jīvati
136.21
bhuñjato yasya vā nityaṃ yūkā vā makṣikādayaḥ
tyajante vā'tha vairasyaṃ ṣaṇmāsānte na jīvati
Linked texts (4)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Uḍḍīśatantra (Śrīnātha) — Śrīnātha, Sanskrit
- Auḍḍīśaśāstra — Sanskrit