Pramāṇa · Search · About · API

Indrajalavidya 16

Indrajālavidyā 16

Language
Sanskrit

16.1

atha jayaḥ
hakāraṃ svarasaṃyuktaṃ ukāreṇa supūjitam
oṃkāreṇa ca sampūjya ante phaṭ ca niyojayet
“śroṃ huṃ phaṭ”
jeyāgre śatajāpena jito bhavati nānyathā
jeyanāma hṛdi nyasya cakṣuṣā tanvimīlya ca
spṛṣṭvā ca mantrajāpena tatkṣaṇājjitavānasau

16.2

gojihvā śikhimūlo vā mukhe śirasi saṃsthitā
kurute sarvavādeṣu jayaṃ puṣye samuddhṛtā

16.3

mārgaśīrṣasya pūrṇāyāṃ śikhimūlaṃ samuddharet
bāhau śirasi vā dhāryyaṃ vivāde vijayī bhavet

16.4

girikarṇī śama guñjāṃ śvetavarṇā samāharet
candanenānvitaṃ sarvaṃ tilakena jayo naraḥ

16.5

kanakārkavaṭau vahnirvidrumaḥ pañcamastathā
tilakaṃ kriyate yena paśyet taṃ pañcadhā ripuḥ

16.6

kṛṣṇasarpakapāle tu vasāmṛttikayānvite
sitaguñjāṃ vapet tatra tasyā mūlaṃ samāharet
kṛtvā ca tilakaṃ dhīraḥ yaṃ paśyet sambhṛtaṃ ripum
khagagairbhakṣyamāṇañca patitañca tato bhuvi

16.7

oṣadhiḥ siṃhikā nāma tayā mṛṣṭā mahārasaiḥ
siṃhī kapardikāmadhye kṣepyā tanmūlasaṃyutā
pidhāya vadanaṃ tasyāḥ sikthakena samanvitā
tasyāṃ vakrāsthitāyāntu siṃhavat jñāyate naraḥ
raṇe rājakule dyūte vivāde cā'parājitaḥ
madonmatto gajastasya darśanena parāṅmukhaḥ

16.8

vyāghrīrasena saṃmṛṣṭaḥ pārado mūlasaṃyutaḥ
pūrvavat sādhayeddaṇḍīṃ phalañcaiva tathāvidham

16.6-2

kare sudarśanāmūlaṃ baddhvā rājakule jayī
jayāmalaṃ rājakule mukhasthañca jayapradam

16.10

ārdrāyāṃ vaṭavandākaṃ haste baddhvā'parājitaḥ
tadṛkṣe cūtavandākaṃ gṛhītvā dhārayet kare
saṃgrāme jayamāpnoti jayāṃ smṛtvā jayo tathā

16.11

kekāyā nayanaṃ vāmaṃ gur̤alohena veṣṭayet
praticipya mukhe dhauraḥ sarvavāde jayo bhavet

16.12

kṛttikā ca viśākhā ca bhaumavāreṇa saṃyutā
taddine ghaṭitaṃ vastraṃ saṃgrāme jayadāyakam

16.13

apāmārgarasenaiva yāni, śastrāṇi lipyate
jayanti tāni saṃgrāme, mūlamantrābhimantritāt
taccūrṇeodvarttanānmandaḥ śatrūn mohayate bahan

Linked texts (7)