Indrajalavidya 18
Indrajālavidyā 18
- Language
- Sanskrit
18.1
japtvā jaṭīṃ naro devīṃ tārīṃ mahiṣamardinīm
khadirāṅgāramadhye tu praviṣṭo'sau na dahyate
18.3
atra mantraḥ|—“oṃ mattakaṭoṭa kadyaghane sekaṭoya mūlīyasī
ālipyāgnāya mudīyate śanakavījje mandī hrīṃ phaṭ| oṃ hrīṃ
mahiṣavāhino stambhaya mohaya bhedaya agniṃ stambhaya ṭhaṭha”
kumārīrasaṃ piṣṭvā liptahasto naro bhavet
dīptāṅgāraistaptalauhairmantrayuktairna dahyate
kare sudarśanāmūlaṃ baddhvāgnistambhanaṃ bhavet
18.1-2
gomahiṣyādistambhanam
uṣṭrasyāsthi caturdikṣu nikhaned bhūtale dhruvam
gomeṣamahiṣīvājīḥ stambhayet kariṇīmapi
atha manuṣyastambhanam
gorocanā'laktakakuṅkumena bhūrje saṃlikhya jale dhārayet,
yasya nāma tasya stambhanaṃ bhavati
mṛnmayaśarāve saṃlikhya śmaśānabhasmanāpūryya śarāvasampuṭe
kṛtvā śmaśāne nikhanet, sadyaḥ stambhanaṃ bhavati | gorocanākuṅkumābhyāṃ yasya nāma saṃlikhya raktasūtreṇa saṃveṣṭya dhārayet
te sarve duṣṭāḥ stambhībhūtā bhavanti niścitam
atha sarveṣāṃ śatrūṇāṃ buddhistambhanam
bhṛṅgarājo'pyapāmārgaḥ siddhārthaṃ sahadevikā
tulyaṃ tulyaṃ vacā śvetā dravyameṣāṃ samāharet
lauhapātre vinikṣipya dvidinānte samuddharet
tilakaḥ sarvabhūtānāṃ buddhistambhakaraṃ bhavet
atha caurāṇāṃ gatistambhanam
"oṃ brahmaveśini śive rakṣa rakṣa ṭhaṭha"| anena mantreṇa saptapāṣāṇān gṛhītvā trīṇi kaṭyāṃ baddhvā aparān muṣṭibhyāṃ dhārayet
caurāṇāṃ gatistambho bhavati
atha garbhastambhanam
grāhyaṃ kṛṣṇacaturdaśyāṃ dhustūrasya tu bradhnakam
kaṭyāṃ baddhvā ramet kāntāṃ na garbhaṃ dhārayet kvacit
muktena labhate garbhaṃ purā nāgārjunoditam
tanmūlacūrṇaṃ yonisyaṃ na garbhaṃ sambhavet kvacit
siddhārthamūlaṃ śirasi baddhvā kāntaṃ ramettu yā
na garbhaṃ dhārayet sā strī tyaktvā ca labhate punaḥ
mārjārasya malaṃ gṛhītvā anāmikāyā raktena bhūrje likhitvā
bhūmau nikhātayet| garbhaṃ stambhayati
atha śukrastambhanam
indravāruṇikāmūlaṃ puṣye nagnaḥ samuddharet
kaṭutrayairgavāṃ kṣīraiḥ saṃpiṣya golakīkṛtam
chāyāśuṣkaṃ sthitañcāsye vīryyastambhakaraṃ param
18.2
nīlīmūlaṃ śmaśānasthaṃ kaṭyāṃ baddhvā tu vīryyadhṛk
kṛṣṇonmattavacāmūlaṃ madhupiṣṭaṃ pralepayet
atyarthaṃ ramate kāntāṃ svabhāvāt dviguṇaṃ naraḥ
18.3-2
śṛṅgīviṣaṃ pāradañca pratyekantu dviguñjakam
varāṭantu kṣipedvinduḥ sthiraḥ syānmastake dhṛte
18.4
raktāpāmārgamūlantu somavāre nimantrayet
bhaume prātaḥ samuddhṛtya kaṭyāṃ baddhvā tu vīryyadhṛk
18.5
punarnavācūrṇaṃvilepanaṃ vā jahāti vīryyaṃ na kadācideva
kṛṣṇadhūrttaṃ mahākālaṃ śainavāri nimantrayet
ravivāre samādāya adattāramaṇīkṛtaiḥ
sūtrairguṇatrayairbaddhaṃ kare vāme prayatnataḥ
upaveśyāsane khaṇḍatraye kāmatrayaṃ tataḥ
bindusthiratvamāpnoti mukte carati tatkṣaṇāt
Linked texts (8)
- Kāmaratna (Nityanātha) — Nityanātha, Sanskrit
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Kāmaratnatantra — Sanskrit
- Kāmarata — Nityanātha, Sanskrit
- Kāmaratna (Nāgabhaṭṭa) — Nāgabhaṭṭa, Sanskrit
- Kāmaratna (Pārvatīputra Nityanātha) — Pārvatīputra Nityanātha, Sanskrit
- Ḍāmaratantra — Sanskrit