Indrajalavidya 2
Indrajālavidyā 2
- Language
- Sanskrit
2.1
īśvara uvāca | indrajālaṃ vinā rakṣāṃ na karotīti niścitam
rakṣāmantraṃ mahāmantraṃ sarvasiddhipradāyakam
atha mantraḥ |—oṃ namo nārāyaṇāya viśvambharāya indrajālakautukāni darśaya darśaya siddhiṃ kuru kuru svāhā| aṣṭottaraśatajapena siddhiḥ
atha rakṣāmantraḥ
oṃ namaḥ parabrahmaparamātmane mama śarīre pāhi pāhi kuru kuru
dṛṣṭiprasādanam
ulūkasya kapālena ghṛtenāhṛtakajjalam
tena netrāñjanaṃ kṛtvā rātrau paṭhati pustakam
2.2
balavarddhanam
aṅkolabījanikṣipte guruvāre mukhe gaje
mantreṇa siñcayennityaṃ yāvadvījaphalaṃ ha vai
trilauhairveṣṭitaṃ kṛtvā ekabījaṃ mukhe sthitam
mattamātaṅgavīryyastu vāyutulyaparākramaḥ
daśa hema dviṣaṭ tāmraṃ ṣoḍaśaṃ rūpyabhāgakam
evaṃ saṃkhyā trilohī ca jñātavyā sarvakarmaṇi
2.3
vṛkṣakaraṇam
yāni kāni ca bījāni jaṅgamaṃ sthalameva ca
aṅkolabījanikṣipte mukhe bhūmitale dhruvam
tadbījaṃ mukhamadhyasthaṃ trilauhairveṣṭitaṃ kuru
tadrūpo hi bhavenmartyo nānyathā śaṅkaroditam
2.4
phalanam
yāni kāni ca bījāni aṅkolatailamelanāt
saphalo jāyate vṛkṣaḥ siddhiyogamudāhṛtam
2.5
jīvanadānam
śavamukhe bindumātraṃ tattailaṃ nikṣiped yadi
ekayāmaṃ bhavejjīvo nānyathā śaṅkaroditam
2.6
pratāpavarddhanam
śigrubījasthitaṃ tailaṃ pārāvatapurīṣakam
varāhasya vasāyuktaṃ gṛhītvā ca samaṃ samam
gardabhasya vasāyuktaṃ haritālaṃ manaḥśilā
ebhistu tilakaṃ kṛtvā yathā laṅkeśvaro nṛpaḥ
2.7
unmādanam
ulūviṣṭhāṃ gṛhītvā tu eraṇḍatailapeṣaṇāt
yasyāṅge nikṣipedvinduṃ sa kṣipto jāyate dhruvam
2.8
sadyo māraṇam
sarpadantaṃ gṛhītvā tu kṛṣṇavṛścikakaṇṭakam
kakalāraktasaṃyuktaṃ sūkṣmacūrṇantu kārayet
yasyāṅge nikṣipeccūrṇaṃ sadyo yāti yamālayam
2.6-2
sindūraṃ gandhakaṃ tālaṃ samaṃ piṣṭvā manaḥśilām
talliptavastraṃ śirasi agnivahṛśyate dhruvam
2.10
arkakṣīraṃ vaṭakṣīraṃ kṣīraṃ ḍumbarasambhavam
gṛhītvā pātrake lipte jalapūrṇaṃ karoti ca
dugdhaṃ sañjāyate tatra mahākautukakautukam
2.11
aṅkolatailaṃliptāṅgo dṛśyate rākṣasākṛtiḥ
palāyante narāḥ sarve paśupattigajā hayāḥ
2.12
aṅkolasya tu tailena dīpaṃ prajvālayennaraḥ
rātrau paśyati bhūtāni khecarāṇi mahītale
2.13
budhe vā śanivāre vā kṛkalāṃ parigṛhya ca
śatrurmūtrayate yatra kṛkalāṃ tatra nikṣipet
napuṃsakaṃ bhavet satyaṃ nānyathā śaṅkaroditam
nikhanedbhūmimadhyepu uddhṛte ca punaḥ sukhī
2.14
gandhakaṃ haritālañca gomūtrañca viṣaṃ tathā
sūkṣmacūrṇamayaṃ kṛtvā kiñcidagnau vinikṣipet
vighnāḥ sarve palāyante yathā yuddheṣu kātarāḥ
Linked texts (2)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit