Indrajalavidya 20
Indrajālavidyā 20
- Language
- Sanskrit
20.1
nīlotpalaṃ gugguluñca kṛṣṇāgurusamaṃ samam
dhūpayitvā nijaṃ dehaṃ rājñaḥ kulavimohanam
śubhāmūlaṃ tathā vījaṃ raktacandanasambhavam
truṭivījaṃ samaṃ piṣṭvā vaṃcāmūlaṃ prayojayet
bhoktuṃ deyaṃ svahastena mohamāpnoti ceśvaraḥ
yasya nāma raktadravyeṇa bhūrje saṃlikhya madhumadhye sthāpayet | sa
duṣṭo'pi mohamāpnoti
gorocanayā bhūrje yasya nāmābhilikhya puṣpādiṣaḍaṅgaiḥ
sampūjya madhumadhye sthāpayet tamatiduṣṭamapi mohayati
duścikyodbhavacūrṇena dhūpo mohayate nṛṇām
20.2
garalaṃ dhūrttapañcāṅgaṃ mahiṣīśoṇitaṃ kaṇa
śilāyāṃ kurute mohaṃ dhūpo guggulusaṃyutaḥ
20.3
haliso viṣadhustūraṃ śikhiviṣṭhābhiranvitam
samaṃ bhāgaṃ tathā dhūpaḥ yoṣitsyeva viniścitaḥ
20.4
kukundarausamamuṇḍaṃ vṛścikasya tu kaṇṭakam
haritālasamaṃ dhūpo mohayet sakalān narān
20.5
aviḥ pītaśikhā caiva śvetā ca girikarṇikā
gorocanasamāyoge tilakaṃ śatrumohanam
20.6
tālakonmattabījāni pāne śatrośca dāpayet
tatkṣaṇānmohamāpnoti conmatto jāyate naraḥ
samākṣikaiḥ sitāmbhojaiḥ susthaḥ pānād bhavennaraḥ
Linked texts (7)
- Kāmaratna (Nityanātha) — Nityanātha, Sanskrit
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Kāmarata — Nityanātha, Sanskrit
- Kāmaratna (Nāgabhaṭṭa) — Nāgabhaṭṭa, Sanskrit
- Kāmaratna (Pārvatīputra Nityanātha) — Pārvatīputra Nityanātha, Sanskrit
- Kāmaratnatantra — Sanskrit