Pramāṇa · Search · About · API

Indrajalavidya 24

Indrajālavidyā 24

Language
Sanskrit

24.1

atha keśasya śuklīkaraṇāṃ
ajākṣīreṇa saptāhaṃ bhāvayedbhayāphalam
tailena saha taccūrṇa-lepāt śuklā bhavanti hi

24.2

vajrīkṣīreṇa saptāhaṃ taccheṣaṃ bhāvayet tilān
tattailaliptāḥ keśāśca śuklāḥ syurnāva saṃśayaḥ

24.3

rogānmalakacūrṇāntu vajrīkṣīreṇa saptadhā
bhāvayet tasya lepena śuklatāṃ yānti mūrddhajāḥ

24.1-2

atha vājīkaraṇam
balena nārī paritoṣameti na hīnavīryyasya kadāpi saukhyam
ato balārthaṃ ratilampaṭasya vājīvidhānaṃ prathamaṃ vidadhye

24.2-2

aśvinyāṃ vaṭavandākaṃ kṣīraiḥ piṣṭvā mahābalaḥ
puṣyoddhṛtaṃ pivenmūlaṃ śvetārkasya prayatnataḥ
saptarāvantu gokṣīrairvṛddho'pi taruṇāyate

24.3-2

pūrvabhādrapadā-ṛkṣe vimbīmūlaṃ pived budhaḥ

24.4

cūrṇaṃ vidāryyāḥ svarasena tasyā vibhāvitaṃ bhāskararaśmijālaiḥ
madhvājyasaṃmiśritameva līḍhvā daśa striyo gacchati nirviśaṅkaḥ

24.5

bhūyo vibhāvyāmalakasya cūrṇaṃ rasena tasyaiva sitājyamiśram
makṣaudramāler̤hi niśāmukhe yo nūnaṃ sa vṛddhastaruṇatvameti

24.6

karṣapramāṇaṃ madhukasya cūrṇaṃ kṣaudrājyasaṃmiśritameva lodvā
kṣīrānnapānaṃ ramate tu tāvad yāvannarāṇāmudarasthametat

24.7

sitapikatarubījaṃ taṇḍulāḥ ṣaṣṭikānām
saghṛtamadhusametaṃ pratyahaṃ yo'valeḍhi
jaṭharakuharamadhye yāti pākaṃ na yāvat
ramaryāta kṛśadeho'pyaṅganānāṃ samūham

24.8

vṛddhaśālmalimūlasya rasaṃ śarkarayā pivet
etatprayogāt saptāhājjāyate retaso'mbudhiḥ

24.9

laghuśālmalimūlena tālamūlīṃ sucūrṇitām
sarpiṣā payasā pītvā ratau caṭakavadbhavet

24.10

vidārīphalakandantu ghṛtena payasā naraḥ
uḍumbarasamaṃ khāded vṛddho'pi taruṇāyate

24.11

pippalī lavaṇopetau vastāṇḍau kṣīrasarpiṣā
sādhitau bhakṣayed yastu sa gacchet pramadāśatam

24.12

vastāmbusiddhān payasi bhāvitānasakṛt tilān
yaḥ khādet sa naro gacchet strīṇāṃ śatamapūrvavat

24.13

śrīmanmadanamodakaḥ
trailokyavijayāpatraṃ sabījaṃ ghṛtabharjitam
trikaṭutriphalākuṣṭhaṃ bhṛṅgaṃ saindhavadhānyakam

24.14

śaṭītālīśapatrañca kaṭphalaṃ nāgakeśaram
ajamodāṃ yamānīñca yaṣṭīmadhukameva ca

24.15

methīṃ jīrakapatrañca gṛhītvā samabhāgataḥ
yāvantyetāni cūrṇāni tāvadeva tadauṣadham

24.16

same śilātale piṣṭvā cūrṇayedati cikkaṇam
tāvadeva sitā deyā yāvadāyāti bandhanam

24.17

ghṛtena madhunā miśraṃ modakaṃ parikalpayet

24.18

trisugandhisamāyuktaṃ karpūreṇādhivāsitam
sthāpayed ghṛtabhāṇḍe tu śrīmanmadanamodakam

24.16-2

bhakṣayet prātarutthāya vātaśleṣmāmayāpaham
pravṛddhamagniṃ kurute mandamagniñca dīpayet

24.20

kṛśānāmatirūkṣāṇāṃ snehanaṃ sthaulyakāraṇam
kāsaghnaṃ sarvaśūlaghnaṃ āmavāta nivāraṇam

24.21

sarvarogaharaṃ hyetat saṃgrahagrahaṇīharam
etasya satatābhyāsāt vṛddho'pi taruṇāyate

24.22

brahmaṇaḥ svamukhāt śrutvā vāsudeve jagatpatau
etat kāmasya vṛddhayarthaṃ nāradena prakāśitam
yena lakṣaṃ dhruvaṃ strīṇāṃ reme sa yadunandanaḥ

24.23

atha gāḍhīkaraṇam
prauḍhāṅganāyā navasūtikāyāḥ ślathaṃ varāṅgaṃ na sukhāya nṛṇām
tasmānnarairbheṣajato vidheyā gāḍhīkriyā manmathamandirasya

24.24

niśādvayaṃ paṅkajakeśarañca niṣpiṣya devadrumatulyabhāgam
anena liptaṃ madanātapatraṃ prayāti saṅkocamalaṃ yuvatyāḥ

24.25

sadhātakīpuṣpaphalatrikoṇa-jambūtvacā sārarasaṃ ghṛtena
liptvā varāṅgaṃ madhukena tulyaṃ vṛddhā'pi kanyeva bhavetpurandhrī

24.26

pikākṣavījena manojagehaṃ vilipya yoṣā niyamañcarantī
haṭhena gāḍhaṃ labhate tadaṅgaṃ kṛṣṭo naraireṣa haṭhena yogaḥ

24.27

dār̤imbapatrañca harītakīñca prakṣālya piṣṭhā'tha tathā vilimpet
vastreṇa nīraṃ paritolya samyak tadā navaṃ syāt madanātapatram

24.28

mṛṇālapaṅkaṃ payasā supiṣṭhā dṛr̤hā samaṅgā guṭikā vidheyā
yasyā varāṅge nihitā kṣaṇena kanyeva sadyaḥ samṛṇālayogaḥ

24.26-2

madanakaghanasāraiḥ kṣaudratulyaṃ varāṅgam
śithilamapi ca yasyāḥ pūritaṃ bhūya eva
bhavati kaṭhinamuccaiḥ karkaśaṃ kāminīnām
iti nigadati yogaṃ rantidevo narendraḥ

24.30

aśvagandhairliṃpeliṅgaṃ gār̤hīkaraṇamuttamam

24.31

atha strīdrāvaṇam
yadyapyaṣṭaguṇādhiko nigaditaḥ kāmo'ṅganānāṃ sadā
no yāti dravatāṃ tathāpi jhaṭiti strī yojjitā saṅgame
tasmādbheṣajasamprayogavidhinā saṃkṣepato drāvaṇam
kiñcitpallavayāmi novijabhṛśaṃ pradrāvaṇaṃ kāminoḥ

24.32

sindūraciñcāphalamākṣikāṇi tulyāni yasyā madanātapatre
pralipya tasyāstu sahapramaṅgāt prāgeva voryyacyutimātanoti

24.33

savyoṣajakṣaudrasamanvitantu liptaṃ yadi syāt smaragehayantre
drutā bhavet sā haṭhameva nārī dṛṣṭaḥ sadā'yaṃ kila yogarājaḥ

24.34

supakkaciñcāphalaghoṣamūlī gur̤aṃ tathā mākṣikatulyabhāgam
amobhirālipya punaḥ saliṅgaṃ vījaṃ karotyāśu nitambinīnām

24.35

saṭaṅkanakṣaudramaheśavījaiḥ karpūratukhyairupalipya liṅgam
śataṃ naro yāti vilāsinīnāṃ retaḥ prapātaṃ kurute haṭhena

24.36

goṣṭhavārttākyapāmārga-rasena liṅgalepanāt
tatkṣaṇāt dravate nārī padmapatre yathā payaḥ

24.37

pippalī candanañcaiva bṛhatī pakkṛtintir̤ī
etairliṅgapralepena dravennārī na saṃśayaḥ

24.38

jalena lāṅgalīmūlaṃ piṣṭvā hastaṃ pralepayet
hastena strīkare spṛṣṭe druvatyagnau ghṛtaṃ yathā

24.36-2

sarveṣāṃ dravarogānāṃ mantrarājaḥ śivoditaḥ
aṣṭottaraśataṃ japtvā tatra yogasya siddhaye
atha mantraḥ |—“auṃ namo bhagavate rudrāya uḍḍāmareśvarāya drāvaya
drāvaya strīṇāṃ madaṃ drāvaya drāvaya svāhā”

Linked texts (10)