Pramāṇa · Search · About · API

Indrajalavidya 26

Indrajālavidyā 26

Language
Sanskrit

26.1

atha yonisaṃskāraḥ
ālayennimbakaṣāyanīraiḥ śilyājyakṛṣṇāguruguggulūnām
na yoniṃ niśi dhūpayitvā nārīpramodaṃ vidadhāti bhartuḥ

26.2

prakṣālya nimbasya jalena bhūyastasyaiva kalkena vilepayecca
tyajed yuvatyāścirakālabhūtaṃ gandhaṃ varāṅgasya na saṃśayo'tra

26.1-2

atha lomapātanam
palāśabhasmānvitatālacūrṇaiḥ rambhāmbumiśraiḥ parilipya bhūyaḥ
kandarpagehe mṛgalocanānāṃ romāṇi rohanti kadāpi naiva

26.2-2

ekaḥ pradeyo haritālabhāgaḥ pañca pradeyā jalajasya bhāgāḥ
brahmaparorbhasma sa eva pañca goktāśca bhāgāḥ kadalījalārdrāḥ
sametya saptāhakabhāvitānāṃ kṛtvā smarāgāravilepanañca
romāṇi sarvāṇi vilāsinīnāṃ punarna rohanti kadācideva

26.3

rambhājalaiḥ saptadinaṃ vibhāvya bhasmāni kamboramasṛṇāni paścāt
tālena yuktāni vilepanāni lomāni nirmūlayituṃ kṣamāṇi

26.4

tālakaṃ śaṅkhacūrṇañca mañjiṣṭhābhasma kiṃśukam
samabhāgaṃ pralepena romakhaṇḍanamuttamam

26.5

tālakaṃ śaṅkhacūrṇantu piṣṭvā ca kṣāratoyakaiḥ
tena liptāḥ kacā gharme sthite gacchanti tatkṣaṇāt

26.6

pūgavṛkṣasya patrotthadravaiḥ piṣṭvā'tha gandhakam
tena liptvā sthite gharme romakhaṇḍanamuttamam

26.7

narāṇāṃ khaṇḍakeśānāṃ kucchrandyāṃśca tailataḥ
na niryānti punarlepāt trisaptāhe kṛte sati

26.8

kusumbhatailato liptvā saptavāraṃ tathā punaḥ
sadyojātasya mahiṣī vatsasya malamāharet
talliptān veṣṭayedrātrau keśān vā tān vyupadravaḥ
prātastaptodakaiḥ kṣālya patantyāmūlamutthitāḥ

26.9

pipīlikānāṃ kṛṣṇānāṃ sthūlānāṃ bhūgṛhaṃ haret
chāyāśuṣkañca taccūrṇaṃ saptāhaṃ lepayet sadā
lepāt patanti romāṇi pakvapatramiva drumāt

26.10

śaṅkhaṃ tālaṃ yavaṃ guñjāṃ kāñjikaiḥ peṣayet sadā
lepāt patanti lomāni pakvapatramiva drumāt
lepanāt hanti keśāṃśca kaṭutailairmanaḥśilā

Linked texts (11)