Indrajalavidya 29
Indrajālavidyā 29
- Language
- Sanskrit
29.1
atha garbhapātanam
kṛte jāre kṣiped yonau tilatailañca saindhavam
dravate tatkṣaṇādeva śuṣkapuṣpaṃ sravatyapi
29.1-2
atha āmagarbhapātanam
kāṇḍameraṇḍapatrasya yonāvaṣṭāṅgulaṃ kṣipet
caturmāsabhavo garbhastatkṣaṇāt sravate khalu
29.2
devadālīyamūlantu kārṣikaṃ toyapeṣitam
pibed garbhavatī nārī garbhaṃ sravati tatkṣaṇāt
29.3
nirguṇḍīdravasaṃmiśraṃ citramūlaṃ madhuplutam
karṣaṃ bhuktā patatyāśu garbhīraṇḍākulodbhavaḥ
29.1-3
atha atirajo nivāraṇam
dhātrīñca pathyāñca rasāñjanañca kṛtvā vicūrṇaṃ sajalaṃ nipītam
atyantaraktotthitamugravegaṃ nivārayet seturivāmbupūram
29.2-2
śelutvacāmiśritataṇḍulena vidhāya piṣṭaṃ viniyojanīyam
kandarpagehe mṛgalocanāyā raktaṃ nihantyāśu haṭhena yogaḥ
29.3-2
mūlantu śarapuṅkhāyāḥ peṣayet taṇḍulodakaiḥ
pāyayet karṣamātraṃ tadatiraktapraśāntaye
29.4
apāmārgasya mūlantu dṛḍhapūgena bhakṣayet
raktasrāvaṃ nihantyāśu sukhaubhavati sundarī
29.5
kuśasya mūlaṃ kadalīphalaṃ vā valāśiśphā vā badarī phalaṃ vā
guḍūcikā taṇḍulavāripītā strīṇāmanekaṃ rudhiraṃ jayecca
29.6
kuraṇṭakasya mūlāni madhukaṃ śvetacandanam
piṣṭvā vai samamātrantu pāyayet taṇḍulāmbunā
sakṛt pītvā māṣayūṣaṃ pradarāt parimucyate
29.7
candanaṃ † kṣīrasaṃyuktaṃ saghṛtaṃ pāyayedbhiṣak
śarkarāmadhusaṃyuktamasṛksravavināśanam
29.8
dārvī rasāñjanavṛṣābdakirātabilvabhallātakairatha kṛto madhunā kaṣāyaḥ
pīto jayatyatibalaṃ pradaraṃ saśūlam
pītaṃ sitāruṇavilohitanīlakṛṣṇam
29.6-2
aśokasya tvacā siddhaṃ kṣīraṃ raktaharaṃ pibet
29.10
peṭārikāyāḥ patrañca māṣacūrṇena saṃyutam
rambhādalairveṣṭayitvā dāhayecca prayatnataḥ
tasya bhakṣaṇamātreṇa atiraktanivāraṇam
29.11
tanmūlaṃ taṇḍulaiḥ piṣṭvā piṣṭakaṃ bharjayed budhaḥ
tasya bhakṣaṇamātreṇa raktaṃ viprasrutaṃ haret
29.12
tasya valkalacūrṇantu bhraṣṭataṇḍulacūrṇakam
bhakṣaṇādeva hṛdraktaṃ strīṇāṃ śamayati dhruvam
29.13
śatāvaryāstu mūlasya samāhṛtya nijadravam
catvāriṃśatpalānyeva vastrapūtaṃ samāharet
dravatulyaṃ gavāṃ kṣīraṃ kṣīrasya dviguṇaṃ ghṛtam
dhātakī kṣīrakākolī jīvantī śelomajjikā
mudgaparṇī māṣaparṇī mahāmedā śatāvarī
drākṣā paruṣako yaṣṭī jīrakaṃ pratikārṣikam
palārddhaṃ madhukaṃ puṣyaṃ sarvamekatra pācayet
ghṛtaśeṣaṃ samuttāryya śītībhūte ca nikṣipet
kṣaudraṃ palāṣṭakaṃ neyaṃ śuṇṭhīcūrṇaṃ palāṣṭakam
śatāvarīghṛtaṃ hyetatsitā daśapalānvitam
lehyaṃ karṣaṃ śamedāśu duḥsādhyamatiraktajam
kamalāṃ vātarogāṃśca aśmarīñca śirograham
Linked texts (10)
- Kāmaratna (Nityanātha) — Nityanātha, Sanskrit
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Kāmaratnatantra — Sanskrit
- Kāmarata — Nityanātha, Sanskrit
- Kāmaratna (Nāgabhaṭṭa) — Nāgabhaṭṭa, Sanskrit
- Kāmaratna (Pārvatīputra Nityanātha) — Pārvatīputra Nityanātha, Sanskrit
- Ḍāmaratantra — Sanskrit
- Kokasāra (Nārāyaṇa Prasāda Miśra) — Nārāyaṇa Prasāda Miśra, Sanskrit
- Kāmakuñjalatā — Sanskrit