Pramāṇa · Search · About · API

Indrajalavidya 30

Indrajālavidyā 30

Language
Sanskrit

30.1

atha bandhyāyā garbhadhāraṇam
janmabandhyā kākabandhyā mṛtavatsā kvacit striyaḥ
tāsāṃ putrodayārthañca śambhunā sūcitaṃ purā

30.2

ādau janmabandhyācikitsā
samūlapatrāṃ sarpākṣīṃ ravivāre samuddharet
ekavarṇāgavīkṣīraiḥ kanyāhastena peṣayet
ṛtukāle pibeddhandhyā palārddhaṃ taddine dine
kṣīraśālyannamudgañca laghvāhāraṃ pradāpayet
evaṃ saptadinaṃ kṛtvā bandhyā bhavati putriṇī
udvegaṃ bhayaśokañca vyāyāmañca vivarjayet
anaṅgaṃ bhayaśokañca divānidrāṃ vivarjayet
na karmma kārayet kiñcidvarjayecchītamātapam
na tayā paramāṃ sevāṃ kārayet pūrvavat kriyām
patisaṅgādgarbhalābho nātra kāryyā vicāraṇā

30.3

ekameva tu rudrākṣaṃ sarpākṣī-karṣamātrakam
pūrvavacca gavāṃ kṣīre ṛtukāle pradāpayet
mahāgaṇeśa mantreṇa rakṣāṃ tasyāśca kārayet
mantrastu—“oṃ dadanmahāgaṇapate rakṣāmṛtaṃ matsutaṃ dehi”

30.4

patramekaṃ palāśasya garbhiṇī payasā'nvitam
pītvā tu labhate putraṃ rūpavantaṃ na saṃśayaḥ

30.5

pathyamuktaṃ yathā pūrvaṃ tadvat saptadināvadhi
devadālīyamūlantu grāhayet puṣyabhāskare
niṣkatrayaṃ pibet kṣīraiḥ pūrvavat kramayogataḥ
bandhyā'pi labhate putraṃ deyaṃ pathyaṃ yathā purā

30.6

śītatoyena sampiṣṭaṃ śarapuṅkhīyamūlakam
karṣaṃ pītvā labhedvarbhaṃ pūrvavat kramayogataḥ

30.7

mustāpriyaṅgusauvīraṃ lākṣākṣaudraṃ samaṃ pibet
karṣaṃ taṇḍulatoyena bandhyā bhavati putriṇī
pathyamuktaṃ yathāpūrvaṃ tadvat saptadinaṃ pibet

30.8

samūlāṃ sahadevīñca saṃgrāhāṃ puṣyabhāskare
chāyā śuṣkañca tat cūrṇaṃ ekavarṇāgavāṃ payaḥ
pūrvavat pivate nārī bandhyā bhavati putriṇī

30.6-2

mūlaṃ śiphāṃ vā kila lakṣmaṇāyā ṛtau nipauya tridinaṃ payobhiḥ
kṣīrāmucaryāṃ niyamena bhuṅkte putraṃ prasūte vanitā na citram

30.10

sapippalīkeśaraśṛṅgaveraṃ kṣudroṣaṇaṃ gavyaghṛtena pītam
vandhyāpi putraṃ labhate haṭhena yogottamo'yaṃ munibhiḥ pradiṣṭaḥ

30.11

turaṅgamandhādhṛtavārisiddhaṃ sājyaṃ payaḥ srānadine ca pītvā
prāpnoti garbhaṃ viṣayaṃ carantī bandhyā'pi putraṃ puruṣaprasaṅgāt

30.12

puṣyārkayogoddhṛtalakṣmaṇāyā mūlaṃ tathā vajratarośca piṣṭvā
apyekavarṇāpayasā nipītaṃ striyaḥ smṛtaṃ putrakaraṃ munīndraiḥ

30.13

puṣyoddhṛtaṃ lākṣmaṇameva cūrṇaṃ puṃsā nipiṣṭaṃ saghṛtaṃ nipauya
kṣīraudanaṃ prāśya patiprasaṅgāt garbhaṃ vidadhyāt taruṇī na citram

30.14

kṛṣṇā'parājitāmūlaṃ bastakṣīreṇa saṃpibet
ṛtusnātā tridhā yā tu bandhyā garbhadharā bhavet

30.15

nāgakeśarakaṃ cūrṇaṃ nūtanaṃ gavyadugdhataḥ
pibet saptadinaṃ dugdhaṃ ghṛtairbhojanamācaret
tadṛtau labhate garbhaṃ sā nārī patisaṅgataḥ

30.16

putrajīvasya patraikaṃ pibet kṣīraiḥ ṛtau tu yā
patisaṅgā ca sā nārī satyaṃ putravatī bhavet
tasya mūlaṃ caikavarṇākṣīraiḥ pītvā ca putriṇī

30.17

kākolyau lakṣmaṇāmūlaṃ tathā ṣaṣṭikataṇḍulam
nāryyekavarṇāpayasā pītvā garbhavatī ṛtau

30.18

aśvinyāṃ bodhivṛkṣasya vandākaṃ grāhayed budhaḥ
gokṣīraiḥ pānamātreṇa bandhyā putravatī bhavet

30.16-2

tilarasakur̤avaikaṃ gokarīṣāgniyogāt
taruṇavṛṣabhamūtraṃ prasthayuktaṃ vipakvam
ṛtuṣu divasamadhye saptavāraiśca pītam
janayati sutametanniścitaṃ puṣyitaiva

30.20

kadambapatraṃ śvetañca bṛhatīmūlameva ca
etāni samabhāgāni ajākṣīreṇa peṣayet
trirātraṃ pañcarātraṃ vā pibedetanmahauṣadham
asminnipīyamāne tu garbho bhavati niścitam

30.21

gokṣurasya tu vījantu pibennirguṇḍikārasaiḥ
trirātraṃ saptarātraṃ vā bandhyā bhavati putriṇī

30.22

karkoṭabījacūrṇantu ekavarṇāṃgavāṃ payaḥ
ṛtau nipīyamāne tu bandhyā bhavati putriṇī

30.23

bhagākhye caiva nakṣatre vaṭavṛkṣasya mūlakam
haste baddhvā labhet putraṃ sundaraṃ kulavarddhanam

30.24

aśvatthasya tu vandākaṃ pūrvedyuḥ sunimantritam
ṛtusnāne tu pītaṃ syādapi bandhyā labhet sutam

30.25

ekavarṇāṃsavatsāyā goḥ kṣīreṇa supeṣitam
bhāvitaṃ vaṭavandākaṃ pītaṃ bandhyā sutaṃ labhet

Linked texts (12)