Indrajalavidya 32

Indrajālavidyā 32

Language: Sanskrit

32.1

dhānyāñjanaṃ sāvarayaṣṭikākhyaṃ tryahaṃ nipītaṃ pramadā haṭhena
saptāhamātraṃ viniyojya nārī stambhāti garbhaṃ calitaṃ na citram

32.2

kṣaudraṃ vṛṣaṃ candanasindhujātaṃ mahendramājyaṃ payasā supiṣṭam
garbhaṃ kṣarantaṃ pratihanti śīghraṃ yogo'yamuktaḥ kila mūladevaiḥ

32.3

kulālahastodbhavakardamasya bastīpayaḥkṣaudrayutasya mātram
garbhacyutiṃ śūlamayīṃ nivāryya karoti garbhaṃ prakṛtaṃ haṭhena

32.4

kaśeruśṛṅgāṭakajīrakāṇi payodhanairaṇḍaśatāvarobhiḥ
siddhaṃ payaḥ śarkarayā vimiśraṃ saṃsthāpayedgarbhamudītya śūlam

kandaṃ kaumudakasya mākṣikayutaṃ kṣīrājyayuktaṃ pibet
saptāhaṃ sitayā supakvamabalā śītīkṛtaṃ vāyunā
garbhasrāvamaśeṣakaṃ sapavanaṃ śoṣaṃ tridoṣaṃ vamim
śūlaṃ sarvavidhaṃ nihanti niyamādevañca tattat smṛtam

32.6

hrīverā'tiviṣāsustairmocaśakaiḥ śṛtaṃ yavam
dadyādgarbhasrave caiva pradare kukṣisaṃruje

32.7

kuvalayakandaṃ satilaṃ pītvā kṣīreṇa madhuyutaṃ vanitā
muktiṃ gurutaradoṣaiścalitaṃ garbhaṃ dadhatyāśu

32.8

padmotpalasya mūlāni madhuśarkarayā tilāḥ
kṣaramāṇeṣu garbheṣu garbhasthāpanamuttamam

Linked texts (10)

Kāmaratna (Nityanātha) — Nityanātha, Sanskrit
Indrajāla — Śivaśarman, Sanskrit
Indrajāla (Nityanātha) — Nityanātha, Sanskrit
Kāmakuñjalatā — Sanskrit
Kāmaratnatantra — Sanskrit
Kāmarata — Nityanātha, Sanskrit
Kāmaratna (Nāgabhaṭṭa) — Nāgabhaṭṭa, Sanskrit
Kāmaratna (Pārvatīputra Nityanātha) — Pārvatīputra Nityanātha, Sanskrit
Ḍāmaratantra — Sanskrit
Kokasāra (Nārāyaṇa Prasāda Miśra) — Nārāyaṇa Prasāda Miśra, Sanskrit