Pramāṇa · Search · About · API

Indrajalavidya 33

Indrajālavidyā 33

Language
Sanskrit

33.1

gokṣīraṃ śarkarāyuktaṃ śuṣkagarbhapraśāntaye
pibedvā madhukaṃ cūrṇaṃ gāmbhārīphalacūrṇakam
samāṃśaṃ gavyadugdhena garbhiṇī tatpraśāntaye

33.1-2

śvetaṃ punarnavāmūlacūrṇaṃ yonau praveśayet
kṣaṇāt prasūyate nārī garbheṇātiprapīr̤ite

33.2

uttarābhimukhaṃ grāhyaṃ śvetaguñjoyamūlakam
kaṭyāṃ baddhā vimuktañca garbhaṃ putrantu tatkṣaṇāt

33.3

vāsakasya tu mūlantu cottarasthaṃ samuddharet
kaṭyāṃ baddhā saptasūtraiḥ sukhaṃ nārī prasūyate

33.4

uttare ca samāloḍya śvetaguñjāphalīya kam
sukhaprasavamāpnoti tatkṣaṇātrātra saṃśayaḥ

33.5

yoniṃ vā lepayet tena sā sukhena prasūyate
sahadevyāśca mūlantu kaṭisthaṃ prasavet sukham

33.6

apāmārgasya mūlantu grāhayeccaturaṅgalam
nārī praveśayed yonau tatkṣaṇāt sā prasūyate

33.7

toyena lāṅgalīmūlaṃ piṣṭvā yonau praveśayet
nābhiñca lepayet tena kṣaṇāt sā sūyate sukham

33.8

guñjāphalārkapuṣpañca toyapūgaṃ tathā'rdakam
pibedvā toyapiṣṭañca sā sukhena prasūyate

33.6-2

guñjāvarormūlayugaṃ vidhānādutpāṭya puṣye ca ravau nibaddham
kaṭītale mūrddhani nīlasūtraiḥ śīghraṃ prasūtiṃ kurute'ṅganāyāḥ

33.10

āgāradhūmaṃ gṛhavāriṇā vā pītvā'balā śīghrataraṃ prasūte
alambuṣāmūlamatho nibaddhaṃ yogadvayaṃ bhūpatirityavādīt

33.11

samātuluṅgaṃ madhukasya cūrṇaṃ madhvājyamiśraṃ pramadā niprīya
vyathāvihīnaṃ prasavaṃ haṭhena prāpnoti naivātra vikalpabuddhiḥ

33.12

daśamūlīśṛtaṃ toyaṃ ghṛtasaindhavasaṃyutam
śūlāturā pibedāśu sukhaṃ nārī prasūyate

33.13

“oṃ manmatha manmatha vāhvini lambodaraṃ muñca muñca svāhā”
anena mantreṇa jalaṃ sutaptaṃ pātuṃ pradeyaṃ śucinā nareṇa
toyābhiyānāt khalu garbhavatyā prasūyate śīghrataraṃ sukhena

33.14

oṃ kārañca hakārañca āṃkāreṇa supūjitam
aṃkāraṃ śirasaṃ kṛtvā ante namastrimūrttaye
“aṃ oṃ hrāṃ namastrimūrttaye”
anenaiva tu mantreṇa japtavyaṃ sūtikāgṛhe
sukhaprasavamāpnoti sā putraṃ labhate dhruvam

Linked texts (10)