Indrajalavidya 34
Indrajālavidyā 34
- Language
- Sanskrit
34.1
atha bālānāṃ prasūtānāṃ bhūtagrahādinivāraṇam
bilvamūlaṃ devadāru gośṛṅgañca priyaṅgakaḥ
mārjārasya malaṃ kuṣṭhaṃ vaṃśalavagjamūtrakaiḥ
piṣṭvā dhūpo nihanyāśu grahabhūtajvarādikān
śākinīrākṣasāḥ pretāḥ piśācāḥ brahmarākṣasāḥ
aikāhiko dvayāhikaśca jvaro naśyati tatkṣaṇāt
“oṃ drāvitaṃ tāpe ṭhaṃ ṭhaḥ svāhā” | anena dhūpaṃ dadyāt
34.2
śrīvāsaṃ saindhavaṃ kuṣṭhaṃ vacā tailaṃ ghṛtaṃ vasā
dhūpo bālagrahe deyo graharākṣasaśāntaye
34.3
śirīṣanimbayoḥ patraṃ gośṛṅgasya tvacā vacā
vaṃśatvak śikhipucchañca kaṅgunā ca samaṃ ghṛtam
dhūpo bālagrahān hanti etanmantreṇa mantritaḥ
“oṃ drutaṃ muñca muñca uḍḍāmareśvaraṃ ājñāpayati svāhā”
dhūpavayākhārmaṣa mantraḥ
34.4
punarnavānimbapatrasarṣapaghṛtairviracito dhūpaḥ
garbhiṇyā bālānāṃ satataṃ rakṣākaraḥ kathitaḥ
34.5
dār̤imasya ca vandākaṃ jyeṣṭhā-ṛkṣe samuddharet
dvārabandhe ca bālānāṃ sarvagrahanivāraṇam
34.6
puṣyārke śvetaguñjāyā mūlamuddhṛtya dhārayet
bālānāṃ kaṇṭhadeśe tu ḍākinībhayanāśanam
34.7
śvetāparājitāpatraṃ jayāpatraṃ dvayoḥ rasam
nasyaṃ kuryyāt palāyante ḍākinīdānavādayaḥ
34.8
sarpatvak śiṃśapāhvakṣa-pallavaṃ rajanī vacā
rasonahiṅgugoromaśṛṅgīmaricamākṣikaiḥ
dhūpaḥ sarvajvaraghno'yaṃ kumārāṇāṃ jvarāpahaḥ
34.6-2
rasonahiṅgugoromaśṛṅgīmaricamākṣikaiḥ
kucchundarīmalaṃ māṃsaṃ haridrā vilvapatrakam
indraḥ śirīṣapatrañca dhūpena tatprayojitam
nihanti rodanaṃ rātrau bālasyāśu na saṃśayaḥ
34.10
matsyarājasya pittena maricaṃ bhāvayed budhaḥ
ravivārī raudraśuṣkamañjanāt sarvabhūtahṛt
34.11
narasiṃhasya vījantu sakṛduccaritaṃ haret
ḍākinīpretabhūtāni tamaḥ sūryyodaye yathā
atha mantraḥ|–“oṃ namo narasiṃhāya hiraṇyakaśipuvakṣaḥsthalavidāraṇāya tribhuvanavyāpakāya bhūtapretapiśācaḍākinīkulonmūlanāya stambhodbhavāya mamastadoṣān hara hara visara visara paca paca
hana hana kampaya kampaya matha matha hrīṃ hrīṃ hrīṃ phaṭ phaṭ ṭhaḥ ṭhaḥ
ehyehi rudra ājñāpayati svāhā” | iti narasiṃhamantraḥ | “oṃ oṃ
hrīṃ hrīṃ hraḥ hraḥ phaṭa svāhā | anena sarṣapamabhimantritaṃ kṛtvā rogiṇaṃ
prahārayet sadā sarve grahāḥ palāyante
Linked texts (9)
- Kāmaratna (Nityanātha) — Nityanātha, Sanskrit
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Kāmaratnatantra — Sanskrit
- Kāmarata — Nityanātha, Sanskrit
- Kāmaratna (Nāgabhaṭṭa) — Nāgabhaṭṭa, Sanskrit
- Kāmaratna (Pārvatīputra Nityanātha) — Pārvatīputra Nityanātha, Sanskrit
- Ḍāmaratantra — Sanskrit
- Bhaiṣhajyaratnāvalī — Sanskrit