Pramāṇa · Search · About · API

Indrajalavidya 35

Indrajālavidyā 35

Language
Sanskrit

35.1

atha balirucyate
bālagrahābhibhūtānāṃ baliṃ yatnena kalpayet
śuciḥ paktvā tu saptāhaṃ matsyamāṃsasurāphalam
puṣpadhūpākṣataṃ gandhaṃ dīpañca dakṣiṇādikam
catuṣpathe kṣipedrātrau śuddhe nūtanakharpare
śanau vā kujavāre vā bāladoṣopaśāntaye
“oṃ sarvabhūtebhyo baliṃ gṛhṇa gṛhṇa svāhā” | iti validānamantraḥ

35.1-2

atha sadyojātabālakasyāhituṇḍikānivāraṇam
uḍumbarabhavaṃ mūlaṃ śiśukaṭyāñca dhārayet
vṛhatkuṣmāṇḍacūrṇaṃ vā tenāhituṇḍikāṃ jayet

35.2

śvetārka mūlaṃ saṃgṛhya gṛhastambhe ca bandhayet
puṣyārke vā ravau vāre tenāhituṇḍikāṃ jayet

35.3

candragraste śikhīmūlaṃ vidhivadbandhayed budhaḥ
baddhvā bālasya jaghane bālā'hituṇḍikāṃ jayet

35.1-3

atha strīṇāṃ puṣparakṣā
palāśarājādanayoḥ phalāni puṣpāṇyatho śālmalipādapasya
ājyena māsārddhadinaṃ pibanti syātpuṣparakṣādrutamaṅganānām

35.2-2

tuṣāmbunā pāvakavṛkṣamūlaṃ niṣkāthya pītvā niyamaṃ carantī
ṛtośca kāle tridinaṃ pibantī rakṣābhaveddoṣavināśameti

35.3-2

phalaṃ kadambasya ca mākṣikāṇi tuṣāmbunā tu tridinaṃ pibantī
snānāvasāne niyamena garbhaṃ bandhyā tvavaśyaṃ labhate haṭhena

35.4

vaihāyaṇaṃ vā śubhamatti nityaṃ palapramāṇaṃ vanitā'rdhamāsam
jīvantikaṃ niścitameva naśyet bandhyātvamuktaṃ kavipuṅgavena

35.1-4

karṣadvayaṃ rākṣasa
auṃkāraśirasaṃ kṛtvā japtavyaṃ siddhimacchatā
"auṃ jhrīṃ krīṃ khīṃ" | kecittu "auṃ krīṃ khīṃ crīṃ"
svasaṃyamanamantro'yaṃ śatārddhajāpamātrataḥ
aśeṣāriṣṭanāśaḥ syādityāha purasūdanaḥ

35.3-3

kaparaṃ caparañcaiva ṭhaparaṃ taparantathā
paparaṃ varṇamākṛṣya īkāreṇa supūjitam
adhorephasamāyuktaṃ śoṅkāraśirasaṃ tathā
"auṃ jhrīṃ khrīṃ chrīṃ ṭhīṃ thī phrīṃ jhrīṃ"
śraddhayā tu mahāmantraṃ ye japanti sadā hṛdi
sarvathā tasya puṃsaḥ syāt sarvvāriṣṭavināśanam
hastena raktapuṣpeṇa grathitāṃ mālikāṃ śubhām
abhimantrya śatenāpi dadyāddevyai sadā'naghe !
yāvajjīvaṃ sukhaṃ tasya sarvalābho dine dine
na gṛhe'niṣṭapātaḥ syāllikhitvā sthāpane gṛhe

35.4-2

akṣarāṇāmantyavarṇaṃ likhitvā pañcadhā'naghe !
adhorephasamāyuktamoṅkāraśirasaṃ tathā
īkāreṇa ca sampūjya ante phar̤akṣarānvitam
"auṃ kṣrīṃ kṣrīṃ kṣrīṃ kṣrīṃ kṣrīṃ phaṭ"
mantro'yaṃ mamarūpasya dhyānaṃ jāpa tathāaiva ca
sadā syāt tadgṛhe kṣemaṃ sahasrārddhasya jāpanāt
trailokye tatsamo nāsti nityaṃ phalamavāpnuyāt
nityaṃ sampadyate vāsaḥ patnyā putreṇa bāndhavaiḥ
jñātibhiḥ sajjanaiścāpi śatrubhiñca vivarjitaḥ
anyajanmasukhī prāṇī śṛṇu devi ! mahāphalaḥ

35.5

antadvayaṃ samāgṛhya adhorephasamāyutam
auṃkāreṇa yutaṃ kṛtvā oṅkāraśirasaṃ tathā
“śroṃ kṣrauṃ kṣrauṃ”
anenaiva tu mantreṇa ye japanti mahājanāḥ
te sarve śāntimāyānti satataṃ tasya jāpataḥ

35.6

śvetārkamūlaṃ puṣyārke samuddhṛtya vidhārayet
bāhubhyāṃ dhāraṇāt tasya tvaniṣṭāni viśeṣataḥ
taddarśanena naśyanti ḍākinī pretadānavāḥ
tadrūpena palāyante pretādyā dūrato dhruvam

35.7

pūrvabhādrapade ṛkṣe vandākantu śiroṣajam
saṃgṛhya śirasi kṣipte abhayaṃ bhavati dhruvam

35.8

viṣṇukrāntābhavaṃ mūlaṃ hastasthaṃ corabhītihṛt
narasiṃhasya mantre tu sakṛduccarite haret
ḍākinograhabhūtāni tamaḥ sūryodaye yathā
bhūtapretapiśācādibhaye smṛtvā'bhayo naraḥ
bhairavottha mahāpūrvī bhavedeva na saṃśayaḥ
cakrāṇi laṅghyāni

Linked texts (9)