Indrajalavidya 37
Indrajālavidyā 37
- Language
- Sanskrit
37.1
atha nidrābhañjanam
kanakadhustūramūlaṃ mṛtābhraṃ ketakīpuṣparajaḥ | etāni piṣṭvā
kapaṭaveśena khādayet, tena nidrābhañjanaṃ bhavati
37.1-2
atha bandhanamocanam
mārgaśīrṣasya pūrṇiāyāṃ śikhimūlaṃ samuddharet
bandhanānmucyate tena śikhābaddho na saṃśayaḥ
mantrastu |—“oṃ namaḥ kamalapiṅgale rudrahṛdayāṅge vetāla
asthidhāriṇi tiṣṭha tiṣṭha sara sara sarvān mohaya mohaya bhagavati
śikhāje timire mahāmāye svāhā”| aṣṭottaraśataṃ japtvā śikhāyāṃ
pūrvoktamauṣadhaṃ bandhayet, tena siddhiḥ
lakṣaṃ varṇaṃ kakārañca likhedbandhanamocanam | yantrāṇi lekhyāni
37.1-3
atha nigaḍādibhañjanam
hastārke sindhuvārasya mūlaṃ cottaragaṃ haret
sparśanaṃ bandhavicchedaṃ kurute śīghramārutaḥ
37.2
māṃsīṃ raktotpalaṃ tulyaṃ kṛkalāsañca bhojayet
tanmalairguṭikāsparśāt tadā bandhaṃ bhinattyalam
37.3
supakvāmiṣṭikāṃ kṛṣṇā-vajrīṃ grāhyāntu yogibhiḥ
sūkṣmacūrṇantu tat kṛtvā lohakiṭṭamathāpi vā
sūtraiḥ rajjuṃ dṛḍhīkṛtya tilatailena lepitām
taccūrṇaloṭikāṃ kṛtvā mahālohaṃ bhinattyapi
37.4
atra mantraḥ |—“oṃ namo bhagavate rudrāya uḍḍāmareśvarāya bahu
rūpāya nānārūpadharāya hasa hasa nṛtya nṛtya tuda tuda nānā
kautukendrajāladarśakāya ṭhaḥ ṭhaḥ svāhā”| anena sarvayogānabhimantrya
siddhiḥ
37.5
atrāsti mantrāntaramekaṃ tatraiva |—“oṃ agnimukhī piśācī
amukaṃ hana hana paca paca śīghraṃ me vaśamānaya svāhā” | uktamantreṇa
siddhiḥ
37.6
“ṭaṃ huṃ śrīṃ āya āya ciṃ ciṭi ciṭi hāṃlāṃ vajra nandikā
kālikrā” | anena mantreṇa śvetasarṣapaṃ śvetakrīṅkapuṣpadvayaṃ triḥ paṭhitvā prathamadvāri
nikṣipet, tena sarvāṇi dvārāṇi bhañjanti
Linked texts (7)
- Kāmaratna (Nityanātha) — Nityanātha, Sanskrit
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Kāmaratnatantra — Sanskrit
- Kāmarata — Nityanātha, Sanskrit
- Kāmaratna (Nāgabhaṭṭa) — Nāgabhaṭṭa, Sanskrit
- Kāmaratna (Pārvatīputra Nityanātha) — Pārvatīputra Nityanātha, Sanskrit