Indrajalavidya 4: atha pacādinirṇayaḥ
Indrajālavidyā 4
- Language
- Sanskrit
Contents
- 4.6-2 — 2 parts
atha pacādinirṇayaḥ
4.3
kṛṣṇapakṣe māraṇādi śuklapakṣe ca varddhanam
dvādaśyāṃ māraṇaṃ karma ekādaśyāṃ tathaiva ca
tṛtīyāṃ navamīñcaiva vaśyākarṣañca kārayet
stambhanañca caturdaśyāṃ caturthyāṃ pratipadyapi
dvitīyāṃ ṣaṣṭhīmaṣṭamyāṃ kārayet śāntikarma ca
4.4
aśvinīmṛgamūlāśca puṣyā punarvasustathā
vaśyākarṣañca karttavyaṃ kārayecca sadā budhaḥ
jyeṣṭhā ca uttarāṣār̤hā anurādhā ca rohiṇī
kārayenmāraṇaṃ śāntiṃ stambhanaṃ vijayaṃ tathā
vidhimantrasamāyuktamauṣadhaṃ saphalaṃ bhavet
4.5
atha vaśīkaraṇam
sindūramākṣikakapotamalāni piṣṭvā
liṅgaṃ vilipya ramate taruṇīṃ navor̤hām
śāntiṃ na yāti puruṣo manasā'pi nūnaṃ
dāsībhavediti manoharadivyamūrttiḥ
4.6
puṣye rudrajaṭāmūlaṃ mukhasthaṃ kārayedbudhaḥ
tāmbūlādau pradātavyaṃ vaśyā bhavati niścitam
tathaiva pāṭalīmūlaṃ tāmbūlena tu vaśyakṛt
4.7
nāgapuṣpaṃ priyaṅguñca tagaraṃ padmakeśaram
jaṭāmāṃsī samaṃ nītvā cūrṇayet mantravittamaḥ
svāṅgaṃ dhūpayate tena bhajate kāmavat striyaḥ
oṃ mūlo mūlo mahāmūlo sarvaṃ saṃkṣobhaya bhayebhya upadravebhyaḥ
svāhā | dhūpamantraḥ
4.8
pānīyasyāñjalīn sapta dattvā vidyāmimāṃ japet
sālaṅkārāṃ navāṃ kanyāṃ labhate māsamātrataḥ
atha mantraḥ|—oṃ viśvāvasurnāmagandharvaḥ kanyānāmadhipatiḥ
surūpaṃ sālaṅkārāṃ dehi me namastasmai viśvāvasave svāhā
kanyāgṛhe śālakāṣṭhaṃ kṣipedekādaśāṅgulam
ṛkṣe ca pūrvaphalguṇyāṃ yastāṃ kanyāṃ prayacchati
4.6-2
atha sarvajanavaśīkaraṇam
śilā ca rocanāmūlaṃ vāriṇā tilake kṛte
dṛṣṭimātre vaśaṃ yāti nārī vā puruṣo'pi vā
svarṇena veṣṭanaṃ kṛtvā tenaiva tilake kṛte
sambhāṣaṇena sarveṣāṃ trailokyaṃ vaśamānayet
4.6-2.p1
oṃ hrīṃ klīṃ aiṃ hrauṃ bhogapradā bhairavī mātaṅgī trailokyaṃ
vaśamānaya svāhā| auṣadhopari sahasrajapaṃ kuryāt; punaḥ
saptavārajapena tilakaṃ kārayet, śatrusamo'pi vaśyo bhavati
4.6-2.p2
iti kālanāthaviracite indrajāle prathamo'dhyāyaḥ
Linked texts (2)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit