Pramāṇa · Search · About · API

Indrajalavidya 41

Indrajālavidyā 41

Language
Sanskrit

41.1

atha śatrubhrāmaṇam
aśvatthakīlamāśvinyāṃ yasya gehe daśāṅgulam
sthāpayeddīrghayātrā syāt tasyāpi na hi saṃśayaḥ

41.2

śṛgālasyāsthikolañca sthāpyaṃ syāccaturaṅgulam
riporgehe candra ṛkṣe dīrghayātrā ca tasya vai

41.1-2

atha unmattīkaraṇam
tālakaṃ dhūrttavījañca ghanacūrṇantu bhakṣaṇe
atha māraṇam
narāsthikīlakaṃ puṣye gṛhṇīyāccaturaṅgulam
nikhanettu gṛhe yāvat tāvat tasya kulakṣayaḥ
“om̐ hrīṃ phaṭ svāhā”| sahasrajapāt siddhiḥ

41.2-2

“om̐ ḍaṃ ḍāṃ ḍiṃ ḍīṃ ḍuṃ ḍūṃ ḍeṃ ḍaiṃ ḍoṃ ḍauṃ ḍaṃ ḍaḥ amukaṃ gṛha
gṛha huṃ huṃ ṭhaḥ ṭhaḥ”| anena narāsthikīlakaṃ sahasrābhimantritaṃ citāmadhye
nikhanet, sa jvareṇa naśyati

41.3

anena mantreṇa manuṣyāsthikīlakaṃ sahasrābhimantritaṃ yasya
gehe nikhaned yasya nāmnā śmaśāne vā nikhanet, tasya nāśaḥ
syāt

41.4

“om̐ ṇaṃ ṇāṃ ṇiṃ ṇīṃ ṇuṃ ṇūṃ ṇeṃ ṇaiṃ ṇoṃ ṇauṃ ṇaṃ ṇaḥ ṭhaḥ ṭhaḥ”
anena narāsthiṣaḍaṅgulakīlakaṃ sahasrābhimantritaṃ yasya nāmnā gṛhe śmaśāne vā nikhanet,
tasya sarvanāśo bhavati

41.5

aśvāsthikīlamaśvinyāṃ nikhaneccaturaṅgulam
śatrugehe nihanyāśu kuṭumbaṃ vairiṇāṃ kulam
mantrastu |—“huṃ huṃ phaṭ svāhā”| anena saptābhimantritaṃ śatrugṛhe
nikhanet, āśu vairiṇāṃ kuṭumbakulaṃ kṣayaṃ yāti

41.6

“om̐ sureśvarāya svāhā”| anena mantreṇasarpāsthyaṅgulamātrantu cāśleṣāyāṃ riporgṛhe
nikhanet saptadhā japtaṃ mārayeddripusantatim

41.7

nimbarṣāḍṅkau grāhyo viṣaṃ tvagvānarīphalāt
etaccūrṇaṃ pradātavyaṃ śatruśayyāsanādiṣu
jāyante sphoṭakāstīvrā daśāhānmaraṇaṃ bhavet

41.8

ārdrāyāṃ nimbavandākaṃ śatroḥ śayanamandire
nikhanet mriyate śatruruddhṛte ca punaḥ sukhī

41.6-2

tathā śirīṣavandākaṃ pūrvoktenoḍunā haret
śatrorgehe sthāpayitvā ripornāśo bhaviṣyati

41.10

kṛṣṇaṣaṇḍasya raktena gaṅgāmṛttikayā saha
tilakaṃ bhāladeśe ca kṛtvā sambhāvayettu yam
viddhaḥ syāt tatkṣaṇādeva projjhite ca śubhaṃ bhavet

41.11

kṛṣṇācchāgāśvapādasya khurasthaṃ romakaṃ haret
kṛṣṇakukkuṭa-kākasya grāhyaṃ pakṣacatuṣṭayam
sarvaṃ dagdhvā tu bhāṇḍāntastadbhasma jalasaṃyutam
lalāṭe tilakaṃ kṛtvā vāmahastakaniṣṭhayā
sva śiro namyate yasya tasya vedho'smi niścitaḥ

41.12

vāmadantaṃ kulīrasya adhobhāgasya cāharet
śarāgne phalakaṃ kuryāddhanuśca citijaindhaneḥ
gavāṃ śirāṃ guṇaṃ kṛtvā śatruṃ kuryācca mṛnmayam
taddhajjātena bāṇena mriyate tatkṣaṇādripuḥ

41.13

ūrṇanābhiśca ṣaḍbinduḥ samāṃsaḥ kṛṣṇavṛścikaḥ
yasyāṅge tat kṣipeccūrṇaṃ saptāhāt sphoṭanaṃ bhavet
mayūrapucchanīlābjaṃ piṣṭvā lepaḥ sukhāvahaḥ

41.14

ripuviṣṭhāṃ vṛścikañca khanitvā tu vinikṣipet
ācchādyāvaraṇenātha tatpṛṣṭhe mṛttikāṃ kṣipet
mriyate malarodhena uddhṛtena punaḥsukhī

41.15

“om̐ hrīṃ kṣaḥ amukaṃ kṣaṃ” | anena mantreṇa rājikālavaṇena śivanirmīlyāni kaṭutailena sahasrahīmāt śatrorvadhaḥ

Linked texts (9)