Indrajalavidya 46
Indrajālavidyā 46
- Language
- Sanskrit
46.1
atha cakṣuṣyam
varṣākāle kākamācī samūlā tailapācitā
khādet samāsataścakṣurgṛdhradṛṣṭirbhavet samam
46.2
śvetaṃ punarnavāmūlaṃ ghṛtaghṛṣṭaṃ sadāñjayet
jalasrāvaṃ nihanyāśu tanmūlañca niśāyutam
añjane netrarogāṇi na bhavanti kadācana
46.3
dviniśā saindhavaṃ tryūṣaṃ bījaṃ kārañjakaṃ samam
bhṛṅgīdravairyutaṃ vāpi timiraṃ paṭalaṃ haret
46.4
śambūkaṃ vā varāṭaṃ vā dagdhaṃ śuṣkaṃ vicūrṇitam
añjanānnavanītena hanti puṣpaṃ cirantanam
46.5
ajāmūtreṇa bhūdhātrīmūlaṃ piṣṭvā ca varttikā
navanītasamāyuktā hanti puṣpaṃ cirantanam
46.6
añjanānnāśayet puṣpaṃ kṣaudrairvā svarṇamākṣikam
marīcamardanāt raktai rvarttī rātrāvdhatāṃ jayet
46.7
jayantī vā'bhayā vātha ghṛṣṭvā stanyairniśāmbadṛt
śoṇitaṃ carmakopañca māṃsavṛddhiśca nāśayet
46.8
ajasya kṛṣṇamāṃsāntaḥ pippalīṃ maricaṃ kṣipet
bhāvayitvā ghṛte paktvā ghaṭikānte samuddharet
madhvājyastanyasaṃpiṣṭaṃ rātrāvyaharamañjanam
46.6-2
ajāpittagataṃ vyoṣaṃ dhūmasthāne viśoṣayet
ciravilvarasairdhṛṣṭaṃ rātrāndhaharamañjanam
ghṛtena puṣpaṃ madhunā'śrupātaṃ tailena kaṇḍūṃ timiraṃ jalena
rātrāndhakaṃ kāñjikayā nihanti punarnavā netranavaṅgarī syāt
46.10
candrodayā vaṭī | harītakī vacā kuṣṭhaṃ pippalī maricāni ca
vibhītakalya majjā ca śaṅkhanābhirmanaḥśilā
sarvametat samaṃ kṛtvā chāgīkṣīreṇa peṣayet
nāśayet timiraṃ kaṇḍū paṭalānyarbudāni ca
adhikāni ca māṃsāni yena rātrau na paśyati
api dvivārṣikaṃ puṣpaṃ māsenekena nāśayet
varttiścandrodayā nāma nṛṇāṃ dṛṣṭiprasādanī
chāyāśuṣkā vaṭī kāryyā nāma candrodayā vaṭī
46.11
yastraiphalaṃ cūrṇamapathyavarjī sāyaṃ samaśnāti havirmadhubhyām
sa mucyate netragatairvikārairbhṛtyairyathā kṣīṇadhano manuṣyaḥ
Linked texts (10)
- Kāmaratna (Nityanātha) — Nityanātha, Sanskrit
- Rasaratnasamuccaya — Vāgbhaṭa (alchemist), Sanskrit
- Rasaratnākara — Nityanātha Siddha, Sanskrit
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Kāmaratnatantra — Sanskrit
- Kāmaratna (Pārvatīputra Nityanātha) — Pārvatīputra Nityanātha, Sanskrit
- Kāmarata — Nityanātha, Sanskrit
- Kāmaratna (Nāgabhaṭṭa) — Nāgabhaṭṭa, Sanskrit
- Ḍāmaratantra — Sanskrit