Indrajalavidya 47
Indrajālavidyā 47
- Language
- Sanskrit
47.1
atha karṇasya bādhirrya-kṛmināśanam
śikharicārayutena jalakkatakalkena sādhitaṃ tilajam
apaharati karṇanādaṃ bādhiryyañcāpi pūraṇataḥ
47.2
daśamūlakaṣāyeṇa tailaprasthaṃ vipācayet
etat kalkaṃ pradāyaiva bādhiryye paramauṣadham
47.3
nīlīvabhrūrase tailaṃ siddhaṃ kāñjikasaṃyutam
kaduṣṇapūraṇāt karṇe niḥśeṣakṛmināśanam
47.4
dantena carvayenmūlaṃ nandyāvarttapalāśayoḥ
tannālopūrite karṇe dhruvaṃ gomākṣikāṃ jayet
47.5
tāmbūlabhakṣaṇaṃ kṛtvā tatra sandāpayed budhaḥ
tatra sthitāstu kṛmayo nāśamāyānti niścitam
muṣalī vāgujocūrṇaṃ khādedbādhiryyaśāntaye
47.6
manaḥśilā'pāmārgo'tha mūlaṃ cūrṇaṃ madhuplutam
bhakṣayet karṣamātrantu badhiratvapraśāntaye
47.7
laśunāmalakaṃ tālaṃ piṣṭvā taile caturguṇe
tailāccaturguṇaṃ kṣīraṃ pācyaṃ tailāvaśeṣitam
tat tailaṃ nikṣipet karṇe bādhiryyañca vināśayet
Linked texts (8)
- Kāmaratna (Nityanātha) — Nityanātha, Sanskrit
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Kāmarata — Nityanātha, Sanskrit
- Kāmaratna (Nāgabhaṭṭa) — Nāgabhaṭṭa, Sanskrit
- Kāmaratnatantra — Sanskrit
- Kāmaratna (Pārvatīputra Nityanātha) — Pārvatīputra Nityanātha, Sanskrit
- Ḍāmaratantra — Sanskrit