Indrajalavidya 49
Indrajālavidyā 49
- Language
- Sanskrit
49.1
yamaciñcā jayā puṅgā mūlaṃ vā hyayamārajam
caladantā dṛr̤hā yānti pratyekaṃ dantadhāvanāt
49.2
tāmrapātre kṣaṇaṃ pācyamabhayācūrṇakaṃ madhu
piṣṭvā ca guṭikā kāryyā dantairdhāryyā kṛmiṃ haret
49.3
dantairdhāryyaṃ snuhīmūlaṃ kṛmināśaṃ karotyalam
kāsīsaṃ ghṛtasaṃpakvaṃ dhāryyaṃ dantairvyathāpaham
49.4
viśālāyāḥ phalaṃ cūrṇaṃ taptalauhopari kṣipet
taddhūmaspṛṣṭadantānāṃ kīṭapāto bhavatyalam
49.5
jātīkolakapatnaṃ vā carvayet prātarutthitaḥ
sthirāḥ syuścalitā dantāstatkāṣṭhairdantadhāvanāt
guñjāmūlañca karṇābhyāṃ baddhaṃ dantarujapraṇut
49.6
trisūtaṃ raupyamekañca jambīrarasamarditam
jamboraphalamadhyasthaṃ vastre baddhvā tryahaṃ pacet
kṣīramadhye samuddhṛtya guṭikāṃ tāṃ tataḥ punaḥ
bhāvitaṃ bhānudugdhena tālakaṃ sūkṣmapeṣitam
tanmadhye guṭikāṃ kṣiptvā vastre baddhvā dinatrayam
madhubhāṇḍagatāt paścāduddhṛtya cāsyadhāritam
gharṣaṇāccalitān dantān saptāhāt kurute dṛḍhān
49.7
tālakaṃ bhānudugdhena dinamekaṃ vimardayet
tadgarbhe rasahemotthāṃ piṇḍikāṃ tārasaṃyutām
jambīraphalamadhyasthāṃ dolāyantre tryahaṃ pacet
tailakṣaudrayute bhāṇḍe samuddhṛtya vidhārayet
dantarogān haretsarvān gharṣaṇāccalitā dṛḍhāḥ
49.8
caladantasthirakaraṃ kāryaṃ vakulacarvaṇam
vakulasya ca vījantu piṣṭvā koṣṇena vāriṇā
mukhe ca dhārayeddhīmān dantadārḍhyakaraṃ param
49.6-2
vakulasya tvacaḥ kvāthamuṣṇaṃ vaktreṇa dhārayet
dṛḍhāḥ syuścalitā dantā saptāhānnātna saṃśayaḥ
Linked texts (10)
- Kāmaratna (Nityanātha) — Nityanātha, Sanskrit
- Rasaratnasamuccaya — Vāgbhaṭa (alchemist), Sanskrit
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Kāmaratnatantra — Sanskrit
- Kāmarata — Nityanātha, Sanskrit
- Kāmaratna (Nāgabhaṭṭa) — Nāgabhaṭṭa, Sanskrit
- Kāmaratna (Pārvatīputra Nityanātha) — Pārvatīputra Nityanātha, Sanskrit
- Nityanāthatantra — Sanskrit
- Ḍāmaratantra — Sanskrit