Indrajalavidya 5
Indrajālavidyā 5
- Language
- Sanskrit
5.10
athākarṣaṇam
oṃ hrīṃ cāmuṇḍe jvala jvala prajvala prajvala svāhā
anena mantreṇa striyaṃ dṛṣṭvā japaṃ kuryāt, tatkṣaṇāt pṛṣṭhataḥ
samāgacchati| pūrvamevāyutajapena siddhiḥ
5.11
aśleṣāyāṃ samādāya arjunasya ca badhrakam
ajāmūtreṇa sampeṣya strīṇāṃ śirasi dāpayet
puruṣasya paśūnāṃ vā kṣipedākarṣaṇaṃ bhavet
5.12
atha jayaḥ
gojihvā śikhimūlaṃ vā mukhe śirasi saṃsthitā
kurute sarvavādeṣu jayaṃ puṣye samuddhṛte
5.13
mārgaśīrṣapaurṇamāsyāṃ śikhimūlaṃ samuddharet
bāhau śirasi vā dhāryaṃ vivāde vijayo bhavet
5.14
girikarṇī śamīṃ guñjāṃ śvetavarṇāṃ samāharet
candanenānvitañcaiva tilakena jayo naraḥ
5.15
kanakārkavaṭā vahnirvidrumaḥ pañcamastathā
tilakaṃ kurute yastu paśyet taṃ pañcadhā ripuḥ
5.16
ārdrāyāṃ vaṭavandākaṃ gṛhītvā dhārayet kare
saṃgrāme jayamāpnoti jayāṃ smṛtvā jayo bhavet
oṃ namo mahābalaparākrama-samastavidyāviśārada
amukasya bhujabalaṃ bandhaya bandhaya, dṛṣṭiṃ stambhaya stambhaya, aṅgāni
dhūnaya dhūnaya, pātaya pātaya mahītale hrīṃ
5.17
puṣyoddhṛtaṃ sitārkasya mūlaṃ vāmitare bhuje
baddhvā saubhāgyamāpnoti durbhagāpi na saṃśayaḥ
5.18
raktaṃ citārkamūlantu somagraste samuddhṛtam
kṣaudraiḥ piṣṭvā vaṭīṃ kuryyāt tilakaṃ śubhamaṅganā
5.19
oṃ śānte praśānte sarvakrodhopaśamani svāhā | anena
mantreṇa triḥsaptadhā japena mukhaṃ mārjayet | tataḥ krodhopaśamanaṃ
bhavati
5.20
śvetāparājitāmūlaṃ hastasthaṃ vārayedgajam
mūlaṃ triśūlyā vaktrasthaṃ gajabandhakaraṃ bhavet
5.21
mukhasthaṃ bṛhatīmūlaṃ hastasthaṃ vyāghrabhītijit
hrīṃ hrīṃ hrīṃ śrīṃ o o svāhā
mūlaṃ kṛṣṇacaturdaśyāṃ grāhayellāṅgalībhavam
hastasthaṃ vyāghrabhītādibhayahṛt parikīrttitam
Linked texts (2)
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit