Indrajalavidya 57

Indrajālavidyā 57

Language: Sanskrit

57.1

atha sarpaviṣauṣadham
sūtakaṃ gandhakaṃ tutthaṃ ṭaṅgaṇaṃ rajanīsamam
devadānyā dravairmardyaṃ dinaṃ niṣkantu bhakṣayet

57.2

kālaśailāśanirnāma rasaḥ sarpaviṣāpahaḥ
naramūtraṃ pibeccānu kāladaṣṭo'pi jīvati

57.3

śvetāparājitāmūlaṃ devadānīyamūlakam
vāriṇā peṣitaṃ nasyaṃ kāladaṣṭo'pi jīvati

57.4

dadhimadhunavanītaṃ pippalīśṛṅgaveram
maricamapi ca kuṣṭhaṃ cāṣṭamaṃ saindhavañca
yadi daśati saroṣastakṣako vāsukirvā
yama sadanagataḥ syādānayet tatkṣaṇena

57.5

kaṭukīmuṣalīmūlaṃ pītvā toyairviṣāpaham
vṛścikāvīraraṇāmūlaṃ lepāt sarpaviṣāpaham ❉

57.6

vāriṇā ṭaṅgaṇaṃ pītamathavā'rkasya mūlakam
saindhavaṃ vā nṛmūtreṇa pratyekaṃ viṣanāśanam

57.7

indravāruṇikāmūlaṃ śuklā vā'tha punarnavā
bandhyākarkoṭakīmūlaṃ muṣalī śikhimūlikā †
taṇḍulodakapānena pratyekaṃ viṣanāśanam

57.8

bhṛṅgarājasya mūlantu viśalyānantamūlakam
toyairvā taṇḍulīmūlaṃ pratyekaṃ viṣajidbhavet

57.6-2

somarājībījacūrṇaṃ sakṛdgomūtrabhāvitam
carācaraviṣaghnantaṃ mṛtasañjīvanaṃ pibet

57.10

kaṭutumbūdbhavaṃ mūlaṃ sūkṣmaṃ gomūtrapeṣitam
chāyāśuṣkāṃ vaṭīṃ mūtraiḥ pāṇilepo viṣāpahaḥ

57.11

gomūtrairnaramūtrairvā purāṇena ghṛtena vā
haridrāpānamātreṇa viṣaṃ hanti carācaram
daśavarṣāt paraṃ sarpiḥ purāṇamiti kathyate

57.12

yadi sarpaviṣārttānāṃ sarvasthānagataṃ viṣam
gokṣīraiḥ rajanīṃ kvāthya pibet sarvaviṣāpahām

57.13

gokṣīreḥ rajanīkuṣṭhaṃ kvāthyamānaṃ viṣāpaham
haridrākuṣṭhamadhvājyaṃ bhuktaṃ sarvaviṣāpaham

57.14

mūlantu śvetaguñjāyā vaktrasthaṃ viṣanāśanam
puṣyoddhṛtaṃ tasya mūlaṃ nasyena viṣanāśanam

57.15

pāṭhādraveṇa tanmūlaṃ pāne syāt kālakūṭajit
arkamūlena saṃlepya daṃśaṃ viṣaharaṃ mahat
raktacitraindragopābhyāṃ tathā viṣavināśanam

57.16

sarpaṃ haritavarṇañca pucchāgre pāṭayecchiraḥ
śuklaṃ kṛṣṇaṃ pṛthak kāryyaṃ nasyaṃ sarvaviṣāpaham
śuklaṃ śukle dakṣiṇāṅge kṛṣṇaṃ kṛṣṇe ca vāmake
mṛtasañjīvanaṃ hyetat kāladaṣṭo'pi jīvati

57.17

tiktā koṣātakīkvāthaṃ madhvājyasaṃyutaṃ pivet
tatkṣaṇādvamayed yastu viṣayogādvimucyate

57.18

kaṭukī jaṃbumūlaṃ vā takrārāmlairvā pivejjalaiḥ
tatkṣaṇādvamayecchīghraṃ viṣayogādvimucyate

57.16-2

rājavṛkṣatvacaṃ grāhyaṃ śuklaṃ kṛṣṇaṃ pṛthak pṛthak
śuklapakṣe tu śuklāntāṃ caturviṃśatibhiḥ saha
maricaiḥ pānaniṣṭhasya kṛṣṇe kṛṣṇatvacaṃ tathā
pītvā tairnirviṣo daṣṭaḥ kathitaṃ haramekhale

57.20

kuṅkumālaktakaṃ lodhraṃ śilā caivātha rocanā
guṭikā lepanāddhanti viṣaṃ sthāvarajaṅgamam

57.21

dve haridre śilā tālaṃ kuṅkumaṃ mustakaṃ jalaiḥ
guṭikā lepamātreṇa viṣaṃ hanti mahā'dbhutam

57.22

pūtīkarañjavījasya majjānaṃ kāravellajam
piṣṭvā pivet sasarpiṣkaṃ viṣaṃ hanti na saṃśayaḥ

57.23

pippalīṃ maricaṃ kuṣṭhaṃ gṛhadhūmaṃ manaḥśilām
tālakaṃ sarṣapān śvetān gavāṃ pittena loḍayet
guṭikā'ñjananasyena pānābhyañjanalepanāt
takṣakeṇāpi daṣṭasya nirviṣīkurute kṣaṇāt

57.24

pathyā kṣaudrañca marīcaṃ patraṃ † hiṅgu śilā vacā
jalena guṭikānasye kāladaṣṭo'pi jīvati

57.25

aśvagandhā meghanādo gomūtraṃ mahiṣākṣakam
gṛhadhūmena vā lepaḥ śiraḥkaṇṭhaviṣaṃ haret

57.26

pañcāṅgamaśvagandhāyāśchāgīmūtreṇa peṣayet
lepe pāne na sandeho nānāviṣavināśanam

57.27

śilā hiṅgu vacā vyoṣamabhayātvak ca patrakam
nasye vāsukidaṣṭañca nirviṣaṃ śītavāriṇā

57.28

putrajīvaphalānmajjāṃ gavāṃ kṣīreṇa peṣayet
lepanāñjananasyena kāladaṣṭo'pi jīvati

57.26-2

kṛṣṇadhustūramūlasya cūrṇaṃ grāhyaṃ palonmitam
karañjatailakarṣeṇa vaṭīṃ kṛtvā tu dhārayet
jambīrasya rasaiḥ pītvā raudrīviṣanivāraṇam

57.30

lajjālumūlaṃ nīlyā vā mūlaṃ svacchena vāriṇā
pītvā raudraviṣaṃ hanti lepād guñjābalodbhavam

57.31

gṛhadhūmaṃ haridre dve samūlaṃ taṇḍulīya kam
api vāsukinā daṣṭaḥ pibeddadhighṛtānvitam

57.32

taṇḍulīyakamūlantu pītaṃ taṇḍulavāriṇā
takṣakeṇāpi daṣṭañca nirviṣaṃ kurute dhruvam

57.33

kaulikyamūla nasyena kāladaṣṭo'pi jīvati
atra mantraḥ | - “oṃ ādityacakṣuṣā dṛṣṭaḥ dṛṣṭo'haṃ hara viṣaṃ
svāhā”

viśukāntodbhavaṃ mūlaṃ ghṛtena tvaggataṃ viṣam
payasā raktagaṃ hanti māṃsagaṃ kuṣṭhacūrṇataḥ
asthigaṃ rajanīyuktaṃ medogaṃ kākalīyutam
majjāgaṃ pippalīyuktaṃ caṇḍālīkandasaṃyuktam
śukragaṃ hanti lauhityaṃ tasmāddhyeyā'parājitā
iti bhāvo bhaved yasya ātmarūpamidaṃ jagat
tatsarvairviṣakīṭādyairbhakṣyamāṇo na bādhyate

57.35

sadyaḥ sarpeṇa daṣṭasya vāmanāsikayā dhṛtaḥ
lepaḥ karṇamalenāpi nṛmūtraiḥ secanañca vā
stambhate garalastena norddhaṃ dhāvati dhātuṣu

57.36

varāhakarṇikāmūlaṃ haste baddhaṃ viṣāpaham

57.37

śirīṣapuṣpasvarasai saptāhaṃ maricaṃ sitam
bhāvitaṃ sarpadaṣṭānāṃ pāno'pyabhyañjane hitam

57.38

svacchandabhairavī vidyā kathyate viṣanāśinī
“oṃ namo bhagavati svacchandabhairavi mahābhairavi
kālakūṭaviṣaṃ sphoṭaya sphoṭaya visphāraya visphāraya khādagra khādaya
avatāraya avatāraya nāsti viṣa halāhalaviṣa saṃyogaviṣa
sthāvaraviṣa atyugraviṣa jaṅgamaviṣa kālacañcuyā”
“taḍdaghāyaṇa ithaya ithaya” “oṃ kālāya mahākālāya kālamard
devi ! amṛtagarbhadevi oṃ oṃ phaṭ phaṭ svāhā”
“oṃ krūṃ krūṃ
hrīṃ khaḥ huṃ saḥ”

Linked texts (9)

Kāmaratna (Nityanātha) — Nityanātha, Sanskrit
Indrajāla — Śivaśarman, Sanskrit
Indrajāla (Nityanātha) — Nityanātha, Sanskrit
Kāmarata — Nityanātha, Sanskrit
Kāmaratna (Nāgabhaṭṭa) — Nāgabhaṭṭa, Sanskrit
Kāmaratna (Pārvatīputra Nityanātha) — Pārvatīputra Nityanātha, Sanskrit
Kāmaratnatantra — Sanskrit
Ḍāmaratantra — Sanskrit
Bhaiṣhajyaratnāvalī — Sanskrit