Pramāṇa · Search · About · API

Indrajalavidya 58

Indrajālavidyā 58

Language
Sanskrit

58.1

kṛkalāsasya dantāṃstu sitasūtreṇa veṣṭayet
bāhau baddhvā viṣaṃ hanti viṣaṃ bhuktvā na bādhyate
sarpavṛścikamūṣāṇāṃ mukhastambhaḥ prajāyate
pātālagarur̤īmūlaṃ lambamānaṃ gṛhe sthitam
dṛṣṭvā gacchanti te dūraṃ sarpādyā viṣakīṭakāḥ
atha vṛścikaviṣanivāraṇam
śirīṣavījaṃ gomedaṃ dār̤imasya ca mūlakam
arkakṣīrayutaṃ hanti dhūpo vṛścikajaṃ viṣam

58.2

mayūrapārāvatakukkuṭānāṃ grāhyaṃ purīṣaṃ saha bhānumūlaiḥ
dhūpo nihanyāśu viṣaṃ samastaṃ caturvidhaṃ vṛścikasarpajātam

58.3

rajanīcūrṇadhūpena viṣaṃ vṛścikajaṃ haret
vastreṇācchādya gātrāṇi dhūpadhūmañca pāyayet
daṃśañca dhūpayecchīghraṃ sarvadhūpeṣvayaṃ vidhiḥ

58.4

toyairvā nāgaraṃ nasyaṃ pivedvā saindhavaṃ ghṛtam
arkadhustūramūlaṃ vā jalapāne viṣāpaham

58.5

putrajīvaphalānmajjāṃ palāśotthāṃ karañjajām
majjāṃ toyaiḥ pralepo'yaṃ hanti vṛścikajaṃ viṣam

58.6

hiṅgu vā jalalepena vṛścikotthaṃ viṣaṃ haret

58.7

sikthakaṃ saptadhā bhāvyaṃ snuhyarkapayasā''tape
tattaptaṃ vahninā spṛṣṭaṃ daṃśasthāne viṣaṃ haret

58.8

ghṛtārkadugdhalepena yaṣṭyā vā dhūpitena vā
bījapūrakamūlasya lepādvāpi harītakī
lepojātīgur̤ābhyāṃ vā haridrālepanena vā
vṛścikasya viṣaṃ hanti pratyekena na saṃśayaḥ

58.6-2

mātuluṅgasya mūlantu ravivāre samuddharet
uttarābhimukhenaiva krūṃ mantroccāraṇāt spṛśet
vāmāṅge dakṣiṇe daṣṭe vāmadaṣṭe ca dakṣiṇe
mārjanena viṣaṃ hanyāt sadaṃśaṃ dṛṣṭapratyayam
saptadhā mārjanenaiva viṣaṃ vṛścikajaṃ haret

58.10

kārpāsamūlaṃ carvitvā viṣajit karṇaphutkṛtaiḥ

58.11

grāhyaṃ haṃsapadīmūlaṃ prātarādityavāsare
mukhasthaṃ phutkṛtaṃ karṇe viṣaṃ vṛścikajaṃ haret

58.14

“śāṃkho māṃkho māṃhīṃ khoṃhīṃ
vakulatvacabījaṃ vā niṣpīḍya daṃśanasthale
pralepād vṛścikaviṣaharaṇañcābhimantritāt
“om̐ jhaṃ huṃ yaṃ kraṃ ḍaṃ vaṃ vaṃ laṃ kṣaṃ eṃ aiṃ om̐ auṃ haṃ haḥ”
“hvāṃ hrīṃ maṃ caṃ om̐”
śivena bhāṣito yogo nāvahelanamarhati

Linked texts (8)