Indrajalavidya 59
Indrajālavidyā 59
- Language
- Sanskrit
59.1
śilā tālakakuṣṭhañca bhāvyaṃ nirguṇḍikādravaiḥ
pānaṃ mūṣikadaṣṭānāṃ dattaṃ tīvraviṣaṃ haret
59.2
gṛhagodhāṃ samādāya piṣṭvā taṇḍulavāriṇā
lepādākhuviṣaṃ hanti pibedvā kṣīrapācitām
59.3
sarṣapaṃ kuṅkumaṃ takraṃ samabhāgaṃ ghṛtaṃ pibet
viṣaṃ mūṣikadaṣṭānāṃ śamamāpnoti tatkṣaṇāt
59.4
ciñcāphalasamāyuktaṃ gṛhadhūmaṃ palārddhakam
purāṇājyena saptāhaṃ lihantyākhuviṣaṃ haret
59.1-2
gur̤aṃ tailārkadugdhañca lepācchvānaviṣaṃ haret
59.2-2
piṣṭvā'pāmārgamūlañca karṣaikaṃ madhunā lihet
śunā daṣṭaviṣaṃ hanti lepāt kukkuṭaviṣṭhayā
59.3-2
unmattaśvānadaṣṭānāṃ kumārīdalasaindhavam
sukhoṣṇaṃ bandhayet piṣṭaṃ tridinānte sukhāvaddam
59.1-3
śirīṣaphalamūlañca srukkṣīreṇa supeṣitam
kuṣṭhā'ṅkoṭhajaṭāmiśraṃ pibedbhekaviṣāpaham
59.2-3
lūkṣaṇaṃ meghanādā ca bhekamatsyaviṣāpahā
59.3-3
śṛṅkimatsyaviṣaṃ khedāt kiñcid ghṛtasamanvitāt
59.1-4
gṛhagodhāviṣaṃ hanti kāśmarīphalanasyataḥ
59.1-5
vṛkavyāghraśṛgālākhu-bhallūkadvipavājinām
viṣaṃ śvāpadadaṃśaśvedahellauhaśalākayā
59.2-4
lepāt sarvaviṣaṃ hanti mūlaṃ śvetapunarnavam
kimatra bahunoktena tatkṣaṇādviṣanāśanam
59.3-4
ciṅkaṭasyā'danenātha vyāghravyālaviṣaṃ haret
59.4-2
dhustūrapatatoyena cūrṇaṃ trikaṭasambhavam
udarasthaṃ viṣaṃ hanti vyāghravyālasamudbhavam
59.5
karañjatailalepena jvālāṃ vyāghranakhodbhavām
59.6
gojihvāmūlikāṃ piṣṭvā jalena madhunā saha
lepo'pi sarvajantūnāṃ nakhatuṇḍaviṣaṃ haret
59.7
tathā nimbatvacañcaiva śamovṛkṣatvacaṃ tathā
uṣṇodakena lepaḥ syānnakhadantaviṣāpahaḥ
tathā dāruharidrāyā lepo dantaviṣāpahaḥ
Linked texts (7)
- Kāmaratna (Nityanātha) — Nityanātha, Sanskrit
- Indrajāla — Śivaśarman, Sanskrit
- Indrajāla (Nityanātha) — Nityanātha, Sanskrit
- Kāmarata — Nityanātha, Sanskrit
- Kāmaratna (Nāgabhaṭṭa) — Nāgabhaṭṭa, Sanskrit
- Kāmaratna (Pārvatīputra Nityanātha) — Pārvatīputra Nityanātha, Sanskrit
- Kāmaratnatantra — Sanskrit