Indrajalavidya 66

Indrajālavidyā 66

Language: Sanskrit

66.1

atha mantraḥ |—
“oṃ namo agnirūpāya mama śarīre stambhanaṃ kuru
kuru svāhā”
aṣṭottaraśatajapena siddhiḥ
atha āsanastambhanam
carmakārasya kuṇḍālāṃ malaṃ grāhyaṃ tathā rajaḥ
caṭakīrudhirai ryuktaṃ yasyāgre tad vinikṣipet

66.2

tasya sthāne bhavet stambhaḥ siddhiyoga udāhṛtaḥ
yasmai kasmai na dātavyaṃ nānyathā śaṅkaroditam

66.3

śvetaguñjāphalaṃ kṣiptaṃ nṛkapāle tu mṛttikām
baliṃ dattvā tu dugdhasya tasya vṛkṣo bhaved yadā

66.4

tasya śākhā latā grāhyā yasyāgre tāṃ viniikṣipet
tasya sthāne bhavet stambhaḥ siddhiyoga udāhṛtaḥ

66.1-2

atha mantraḥ |—“oṃ namo digambarāya amukāsanastambhanaṃ
kuru kuru svāhā” | aṣṭottaraśatajapena siddhiḥ
atha buddhistambhanam
ūlūviṣṭhāṃ gṛhītvā tu chāyāśuṣkāntu kārayet
tāmbūle yasya dātavyaṃ buddhistambhanamuttamam

66.2-2

bhṛṅgarājarasairbhāvyaṃ siddhārthaṃ śvetanāmakam
ebhistu tilakaṃ dattvā buddhistambhanamuttamam

66.3-2

sahadevīmapāmārgaṃ lohapātre ca peṣayet
tilakaṃ sarvabhūtānāṃ buddhistambhakaraṃ bhavet

66.1-3

mantraḥ |—“oṃ namo bhagavate śatrūṇāṃ buddhiṃ stambhaya stambhaya
svāhā”
atha śastrastambhanam
puṣyārkeṇa samuddhṛtya viṣṇukrāntākhamūlakam
vaktre śirasi dhāryyeta śastraṃ saṃharate nṛṇām

66.2-3

varāhavyāghrabhūpāla-cauraśatrubhaye jayam
jātīmūlaṃ mukhe kṣiptaṃ śastrastambhanamuttamam

66.3-3

kare sudarśanāmūlaṃ baddhvā stambhanaśastrakam
ketakī mastake caiva tālamūlaṃ mukhe sthitam
kharjūraucaraṇe haste khaṅgastambhaḥ prajāyate
etāni trīṇi mūlāni cūrṇena ca ghṛtaiḥ pivet
ahorātraṃ tataḥ śastrairyāvajjīvaṃ na bādhyate
āyāntaṃ śaivaśastrañca sammukhe sannivārayet

Linked texts (4)

Dattātreyatantra — Sanskrit
Indrajāla — Śivaśarman, Sanskrit
Indrajāla (Nityanātha) — Nityanātha, Sanskrit
Uḍḍīśatantra — Rāvaṇa, Sanskrit