Pramāṇa · Search · About · API

Indrajalavidya 68

Indrajālavidyā 68

Language
Sanskrit

Contents

68.1

atha vidveṣaṇam
īśvara uvāca|–
vidveṣo naranārīṇāṃ vidveṣo rājamantriṇaḥ
mahākautukavidveṣaṃ śṛṇu siddhiṃ prayatnataḥ

68.2

ekahaste kākapakṣama ulūkapakṣaṃ kare'pare
mantrayitvā milatyagraṃ kṛṣṇasūtreṇa bandhayet
añjaliñca jale caiva tarpayet hastapakṣakaiḥ
evaṃ saptadinaṃ kuryādaṣṭottaraśataṃ japet
gṛhītvā gajakeśañca gṛhītvā siṃhakeśakam
gṛhītvā mṛttikāpādaṃ puttaliṃ nikhanedbhuvi
agnistasyopari sthāpyo mālatīkusumāhutiḥ
vidveṣaṃ kurute tasya nānyathā śaṅkaroditam

68.3

mārjjāraviṣṭhāmādāya viṣṭhāmādāya mauṣikīm
pādānāṃ mṛttikāyuktāṃ puttaliṃ kriyate tataḥ
nīlavastreṇa saṃveṣṭya mantrayitvā śatena ca
vidveṣaṃ tatkṣaṇāccaiva bhrātarau tātaputrakau

68.4

gṛhītvā sarpadantañca gṛhītvā babhruromakam
citābhasmasamāyuktāṃ guṭikāṃ kārayennaraḥ
udyāne nikhanedbhūbhau mantrayitvā sanāmakam
vidveṣa tatkṣaṇāccaiva nānyathā śaṅkaroditam

68.5

sabhāyāṃ dhūpayan babhru-romakāhiyakañcukaiḥ
vidveṣaṃ jāyate satyaṃ nānyathā śaṅkaroditam

68.6

gṛhītvā śvānaromāṇi mārjārasya tathā nakham
sabhāyāṃ dīyate dhūpo vidveṣaṃ jāyate tadā

68.7

gṛhītvā śikhiviṣṭhāñca sarpadantañca peṣayet
lalāṭe tilakaṃ kṛtvā vidveṣo jāyate kṣaṇāt

68.8

gṛhītvā gajadantañca gṛhītvā siṃhadantakam
peṣayet navanītena tilakaṃ dveṣakārakam

68.6-2

aśvakeśaṃ gṛhītvā tu māhiṣaṃ keśamuttamam
sabhāyāṃ dīyate dhūpaṃ vidveṣo jāyate dhruvam

68.10

sallakīkaṇṭakaṃ dhṛtvā nikhaned dvārato bhuvi
kalaho jāyate nityaṃ vidveṣaṃ jāyate tadā

68.11

yasya, yasya bhavedvairaṃ jīvājīvo bhavet tadā
tatpadormṛttikāyuktaṃ śatrupāṃśusamanvitam
puttalī kriyate samyak śmaśāne nikhanedbhuvi
vidveṣo jāyate satyaṃ siddhiyoga udāhṛtaḥ

68.12

atra mantraḥ |—“oṃ namo nārāyaṇāya amukaṃ amukena saha
vidveṣaṃ kuru kuru svāhā” | aṣṭottaraśatajapena siddhiḥ

68.12.p1

iti śrīdattātreyatantre īśvaradattātreyasaṃvāde vidveṣo nāma pañcamaḥ paṭalaḥ

Linked texts (5)